April 2024
250,000 യുഎസ് ഡോളര് സമ്മാനത്തുകയുള്ള ഗ്ലോബല് നഴ്സിംഗ് അവാര്ഡ് പ്രഖ്യാപിച്ച് ആസ്റ്റര് ഡി.എം ഹെല്ത്ത് കെയര്.
Posted on: May 11, 2021
ദുബായ് : അന്താരാഷ്ട്ര നഴ്സസ് ദിനത്തോടനുബന്ധിച്ച് പ്രഖ്യാപിക്കപ്പെട്ട വന് സമ്മാനത്തുക ഉള്പ്പെടുന്ന ആസ്റ്റര് ഗാര്ഡിയന്സ് ഗ്ലോബല് നഴ്സിംഗ് അവാര്ഡിന് www.Asterguardians.com വഴി നാമനിര്ദ്ദേശങ്ങള് സ്വീകരിക്കാന് തുടങ്ങും.
ലോകമെമ്പാടുമുള്ള ആരോഗ്യ സംരക്ഷണ മേഖലയില് സവിശേഷമായ ദൗത്യം നിര്വ്വഹിക്കുന്ന നഴ്സുമാരുടെ സേവനങ്ങള് തിരിച്ചറിഞ്ഞുകൊണ്ട്, ആസ്റ്റര് ഡിഎം ഹെല്ത്ത്കെയര് ആസ്റ്റര് ഗാര്ഡിയന് ഗ്ലോബല് നഴ്സിംഗ് അവാര്ഡ് പ്രഖ്യാപിച്ചു. കോവിഡ്-19 മഹാമാരി സൃഷ്ടിച്ച വെല്ലുവിളികള്ക്കിടയിലും, സ്വന്തം ജീവന്റെ സുരക്ഷിതത്വം പോലും ചിന്തിക്കാതെ ലോകമെമ്പാടുമുള്ള രോഗികളെ പരിചരിക്കുന്നതിലും, ആശ്വാസമേകുന്നതിലും നഴ്സിംഗ് സമൂഹം പ്രധാന പങ്ക് വഹിക്കുന്ന നിലവിലെ സാഹചര്യത്തില് ഈ അംഗീകാരത്തിന് പ്രസക്തയേറെയാണ്.
ലോകമെമ്പാടുമുള്ള നഴ്സുമാര്ക്ക് അവരുടെ ജോലിയെക്കുറിച്ചുള്ള വിവരങ്ങള് പ്രസ്തുത സൈറ്റിലൂടെ നാമനിര്ദ്ദേശമായി സ്വയം സമര്പ്പിക്കാവുന്നതിനൊപ്പം, അര്ഹരായ നഴ്സുമാരുടെ വിവരങ്ങള് ഉള്ക്കൊള്ളിച്ചുകൊണ്ട് മറ്റുള്ളവര്ക്കും അവാര്ഡിന് നാമനിര്ദ്ദേശം സമര്പ്പിക്കാവുന്നതാണ്. ഈ ആപ്ലിക്കേഷന് പ്രവര്ത്തനമാരംഭിക്കുന്ന തീയതി ഉടന് പ്രഖ്യാപിക്കുന്നതാണ്.
ആരോഗ്യ സംരക്ഷണ മേഖലയുടെ നട്ടെല്ലായ നഴ്സുമാര് രോഗികളുടെ പരിചരണത്തില് ഏറ്റവും നിര്ണായകമായ പങ്കാണ് വഹിക്കുന്നതെന്ന് ഈ അവസരത്തില് സംസാരിച്ച ആസ്റ്റര് ഡി.എം ഹെല്ത്ത് കെയര് സ്ഥാപക ചെയര്മാനും, മാനേജിംഗ് ഡയറക്ടറുമായ ഡോ. ആസാദ് മൂപ്പന് പറഞ്ഞു. പ്രൊഫഷണല്, വ്യക്തിഗത പരിചരണത്തിലൂടെ അവര് രോഗമുക്തി സാധ്യമാക്കാന് സഹായിക്കുന്നു. രോഗികളുടെ ആരോഗ്യം വീണ്ടെടുക്കാന് സഹായിക്കുന്ന നഴ്സുമാര് അവരുടെ യഥാര്ത്ഥ സംരക്ഷകരാണ്.
അരക്ഷിതാവസ്ഥയും, വെല്ലുവിളികളും നിറഞ്ഞ നിലവിലെ മഹാമാരി പോലുള്ള സാഹചര്യത്തിലും മുഴുവന് സമയവും ജോലി ചെയ്യേണ്ടി വരുന്ന അവര്, രോഗികള്ക്ക് പ്രതിജ്ഞാബദ്ധതയോടെയും സമര്പ്പണ ബോധത്തോടെയും സേവനം നല്കിക്കൊണ്ടിരിക്കുകയാണ്. രോഗികളോടുള്ള കടമ നിറവേറ്റി അവരുടെ ദൗത്യം പൂര്ത്തീകരിക്കുന്നതിന്റെ ഭാഗമായി അവര്ക്ക് അവരുടെ കുടുംബത്തെക്കാളും, പ്രിയപ്പെട്ടവരെക്കാളൂം മുന്ഗണന രോഗികള്ക്ക് നല്കേണ്ടി വരുന്നു.
എന്നാല് നഴ്സുമാരുടെ ഈ സമര്പ്പണം വേണ്ട രീതിയില് അംഗീകരിക്കപ്പെടുകയോ, ആവശ്യത്തിനുള്ള സാമ്പത്തിക പിന്തുണ ലഭ്യമാക്കുകയോ ചെയ്യുന്നില്ല. ആസ്റ്റര് ഗാര്ഡിയന്സ് ഗ്ലോബല് നഴ്സിംഗ് അവാര്ഡിലൂടെ, അവരുടെ ത്യാഗങ്ങളും പ്രതിബദ്ധതയും വെളിച്ചത്തേക്ക് കൊണ്ടുവരുവാനും ആഗോളതലത്തില് ആഘോഷിക്കാനുമാണ് ലക്ഷ്യമിടുന്നതെന്നും ഡോ. ആസാദ് മൂപ്പന് വ്യക്തമാക്കി.
ഈ ദൗത്യത്തിലേക്ക് ഏഷ്യ, ആഫ്രിക്ക, മിഡി ഈസ്റ്റ്, യൂറോപ്പ്, യുഎസ്എ, കാനഡ, തെക്കേ അമേരിക്ക, ഓസ്ട്രേലിയ തുടങ്ങിയ മേഖല തിരിച്ചുള്ള അപേക്ഷകള് ഉടന് തന്നെ സ്വീകരിക്കാന് ആരംഭിക്കുന്നതാണ്. ഒരു തേര്ഡ് പാര്ട്ടി എക്സ്്റ്റേണല് ഏജന്സിയും, അറിയപ്പെടുന്ന അന്താരാഷ്ട്ര വ്യക്തിത്വങ്ങള് അടങ്ങുന്ന ഒരു സ്വതന്ത്ര ജൂറിയും നിയന്ത്രിക്കുന്ന വിവിധ തലങ്ങളിലൂള്ള കര്ശനമായ അവലോകന പ്രക്രിയക്കുശേഷമായിരിക്കും അവാര്ഡ് നിര്ണ്ണയിക്കുക.
നിശ്ചിത മാനദണ്ഡത്തെ അടിസ്ഥാനമാക്കിയുള്ള പ്രാഥമിക അവലോകനത്തിന് ശേഷം, ഷോര്ട്ട്ലിസ്റ്റ് ചെയ്ത നാമനിര്ദ്ദേശങ്ങള് വോട്ടിംഗ്് പ്രക്രിയയ്ക്ക് വിധേയമാക്കും. തുടര്ന്ന് 10 ഫൈനലിസ്റ്റുകളെ തിരഞ്ഞെടുത്ത് ജൂറിയുമായി അഭിമുഖങ്ങളും, ആശയവിനിമയങ്ങളും നടത്തുന്നതിനായി അവാര്ഡ് ദാന ചടങ്ങിന്റെ വേദിയിലേക്ക് കൊണ്ടുവരും. തിരഞ്ഞെടുക്കപ്പെടുന്ന ആസ്റ്റര് ഗാര്ഡിയന് ഗ്ലോബല് നഴ്സിംഗ്് അവാര്ഡ് ജേതാവിനെ അടുത്ത വര്ഷം 2022 മെയ് 12ന് അന്താരാഷ്ട്ര നഴ്സസ് ദിനത്തില് പ്രഖ്യാപിക്കും.
250,000 യുഎസ് ഡോളറിന്റെ ഫസ്റ്റ് പ്രൈസിന് പുറമെ, മറ്റ് 9 ഫൈനലിസ്റ്റുകള്ക്കും സമ്മാനത്തുകയും, അവാര്ഡുകളും സമ്മാനിക്കുന്നതാണ്.
TAGS: Aster DM Healthcare | Dr. Azad Moopen | Global Nursing Award |
കൃത്രിമ ശ്വാസകോശം രൂപകല്പ്പന ചെയ്ത് നിര്മിക്കാന് പദ്ധതിയുമായി ട്രൂമെഡ് ഗ്രൂപ്പ
റിത്വികക്ക് കാരുണ്യ കടലായി ആസ്റ്റര് മെഡ്സിറ്റി
ന്യൂറോ സര്ജറി മേഖലയിലെ നൂതന അറിവുകള് പങ്കുവെക്കാന് അവസരമൊരുക്കി ആസ്റ്റര് മെഡ്സിറ്റി
ഉയര്ന്ന അപകട സാധ്യതയുള്ള ഗര്ഭാവസ്ഥയ്ക്ക് വിദഗ്ധ പരിചരണം നല്കി മംഗലാപുരം കെഎംസി ഹോസ്പിറ്റല്
ഉറക്കമില്ലായ്മ മുതല് ഉറക്കത്തിനിടയില് മരണം വരെ; ഉറക്കത്തെ നിസാരമായി കണ്ട് ഇനിയും അവഗണിക്കരുത്