April 2024
കുവൈറ്റിലേക്കുള്ള വിമാനങ്ങളിൽ പരമാവധി 35 യാത്രക്കാർ മാത്രം
Posted on: January 27, 2021
കുവൈറ്റ് സിറ്റി : കോവിഡ് പശ്ചാത്തലത്തില് നിയന്ത്രണം കര്ശനമാക്കുന്നതിന്റെ ഭാഗമായി കുവൈറ്റില് ഇറങ്ങുന്ന വിമാനങ്ങളില് എത്താവുന്ന യാത്രക്കാരുടെ എണ്ണത്തില് നിയന്ത്രണം ഏര്പ്പെടുത്തി. ഇന്ന് തൊട്ട് ഫെബ്രുവരി 6 വരെ കുവൈറ്റില് ഇറങ്ങുന്ന വിമാനങ്ങളില് പരമാവധി 35 യാത്രക്കാരെ മാത്രമേ കയറ്റാവൂ എന്ന് വിമാന കമ്പനികള്ക്ക് സിവില് ഏവിയേഷന് അധികൃതര് നിര്ദേശം നല്കി.
പ്രതിദിനം കുവൈത്തില് ഇറങ്ങുന്ന യാത്രക്കാരുടെ എണ്ണം 1000 ആയി കുറയ്ക്കാനാണ് തീരുമാനം. ജനിതകമാറ്റം വന്ന കൊറോണ വ്യാപനം തടയുന്നതിനു കര്ശന നടപടി അനിവാര്യം എന്ന സാഹചര്യത്തിലാണു തീരുമാനം എന്ന അധികൃതര്വ്യക്തമാക്കി.
അതേസമയം, യാത്രക്കാരുടെ എണ്ണം കുറയ്ക്കുമെങ്കിലും നിശ്ചയിക്കപ്പെട്ട എണ്ണത്തില് ഗാര്ഹിക തൊഴിലാളികള്, ട്രാന്സിറ്റ് യാത്രക്കാര് എന്നിവരെ ഉള്പ്പെടുത്തില്ലെന്ന് കുവൈത്ത് എയര്വേയ്സ് അറിയിച്ചു. കുവൈത്തില് നിന്ന് പുറപ്പെടുന്ന വിമാനങ്ങളില് ഉള്ക്കൊള്ളാവുന്ന യാത്രക്കാരുടെ എണ്ണത്തില് നിയന്ത്രണം ബാധകമല്ലെന്ന് വ്യോമയാന അധികൃതരും പറഞ്ഞു.
TAGS: Kuwait Airways |
ലുലു എക്സ്ചേഞ്ച് കുവൈറ്റിലെ ഫിന്ഡാസില് 32-ാമത്തെ ശാഖ തുറന്നു
ലുലു ഹൈപ്പര്മാര്ക്കറ്റില് ഇന്ത്യന് ഭക്ഷ്യോത്സവം
ലുലു എക്സ്ചേഞ്ചില് സെന്റ് സ്മാര്ട്ട്, വിന് സ്മാര്ട്ട് ക്യാമ്പയിന്
കുവൈറ്റ് അന്താരാഷ്ട്ര വിമാനത്താവളം പൂര്ണതോതില് പ്രവര്ത്തിച്ചു തുടങ്ങി