ഗാലക്‌സി എസ്7, എസ്7 എഡ്ജ്

Posted on: March 8, 2016

സാംസംഗ് ഗാലക്‌സി എസ്7, എസ്7 എഡ്ജ് എന്നിവ ഇന്ത്യൻ വിപണിയിൽ അവതരിപ്പിച്ചു. ഫെബ്രുവരി 21 നാണ് ഇരു ഫോണുകളുടെയും ആഗോള ലോഞ്ചിംഗ് നടന്നത്.

ഗാലക്‌സി എസ്7 5.1 ഇഞ്ച് സൂപ്പർ അമോലെഡ് ഡിസ്‌പ്ലേ ( 1440ത 2560 പിക്‌സൽസ്). എസ്7 എഡ്ജിന് 5.5 ഇഞ്ച് അമോലെഡ് ഡിസ്‌പ്ലേ. കോർണിംഗ് ഗൊറില്ല ഗ്ലാസ് 4. സിംഗിൾ നാനോ സിം / ഡ്യുവൽ സിം. 4ജിബി റാം. 32/64 ജിബി ഇന്റേണൽ മെമ്മറി. മൈക്രോ എസ്ഡി കാർഡ് ഉപയോഗിച്ച് 200 ജിബി വരെ ഉയർത്താനാകും. ഭാരം 152 ഗ്രാം. എസ്7 എഡ്ജിന് 157 ഗ്രാം ഭാരം.

ആൻഡ്രോയ്ഡ് വി6.0 മാർഷ്മല്ലോ ഓപറേറ്റിംഗ് സിസ്റ്റം. ക്വാൽകോം എംഎസ്എം8996 സ്‌നാപ്ഡ്രാഗൺ 820 ചിപ്‌സെറ്റ്. 12 മെഗാപിക്‌സൽ റിയർ ക്യാമറ. എൽഇഡി ഫ്‌ലാഷ്. 5 മെഗാപിക്‌സൽ ഫ്രണ്ട് ക്യാമറ. വൈഫൈ, ബ്ലൂടൂത്ത്, ജിപിഎസ്, യുഎസ്ബി. ഫിംഗർപ്രിന്റ് സെൻസർ. ഇളക്കിമാറ്റാൻ പറ്റാത്ത 3000 എംഎഎച്ച് ലി-യോൺ ബാറ്ററി. എസ്7 എഡ്ജിൽ ഇളക്കിമാറ്റാൻ പറ്റാത്ത 3600 എംഎഎച്ച് ലി-യോൺ ബാറ്ററി. അരമണിക്കൂറിനുള്ളിൽ 60 ശതമാനം ചാർജ് ചെയ്യാനാകും. ബ്ലാക്ക്, വൈറ്റ്, ഗോൾഡ്, സിൽവർ എന്നീ നിറങ്ങളിൽ ഇരു ഫോണുകളും ലഭ്യമാകും.

സാംസംഗിന്റെ ഇന്ത്യൻ പ്ലാന്റിലാണ് പുതിയ ഫോണുകൾ നിർമ്മിച്ചിട്ടുള്ളത്. ഗാലക്‌സി എസ്7, എസ്7 എഡ്ജ് എന്നിവയുടെ വിപണനത്തിനായി 100 കോടി രൂപയാണ് സാംസംഗ് ചെലവഴിക്കാൻ ഒരുങ്ങുന്നത്. മാർച്ച് 8 നും 17 നും മധ്യേ ബുക് ചെയ്യുന്നവർക്ക് വിആർ ഹെഡ്‌സെറ്റ് സൗജന്യമായി ലഭിക്കും. ഗാലക്‌സി എസ്7 ന് 48,900 രൂപയും ഗാലക്‌സി എസ്7 എഡ്ജിന് 56,900 രൂപയുമാണ് വില.

TAGS: Android Marshmallow | Samsung Electronics | Samsung Galaxy S7 | Samsung Galaxy S7 Edge |