April 2024
പോപ്പുലര് വെഹിക്കിള്സ് ആന്ഡ് സര്വീസസ് ഐപിഒയ്ക്ക്
Posted on: October 4, 2023
കൊച്ചി : ഇന്ത്യയിലെ പ്രമുഖ ഓട്ടോമൊബൈല് ഡീലറായ പോപ്പുലര് വെഹിക്കിള്സ് ആന്ഡ് സര്വീസസ് ലിമിറ്റഡ് പ്രാഥമിക ഓഹരി വില്പനയ്ക്ക് (ഐപിഒ) അനുമതി തേടി സെബിയ്ക്ക് കരടുരേഖ (ഡിആര്എച്ച്പി) സമര്പ്പിച്ചു. ഓഹരി ഒന്നിന് 2 രൂപ മുഖവിലയുള്ള 250 കോടി രൂപ വരെയുള്ള ഇക്വിറ്റി ഷെയറുകളുടെ പുതിയ ഇഷ്യുവും, 14,275,401 ഇക്വിറ്റി ഓഹരികളുടെ ഓഫര് ഫോര് സെയിലുമാണ് ഐപിഒയില് ഉള്പ്പെടുത്തിയിരിക്കുന്നത്.
പുതിയ ഇഷ്യൂവില് നിന്ന് ലഭിക്കുന്ന തുക കമ്പനിയും അനുബന്ധ സ്ഥാപനങ്ങളും ചേര്ന്ന് എടുത്ത 192 കോടി രൂപ വായ്പകളുടെ പൂര്ണ്ണമായോ ഭാഗികമായോ തിരിച്ചടവിനോ അല്ലെങ്കില് മുന്കൂര് അടവിനോ ഉപയോഗിക്കാന് കമ്പനി ഉദ്ദേശിക്കുന്നു. ബാക്കി തുക പൊതു കോര്പ്പറേറ്റ് ആവശ്യങ്ങള്ക്കായും ഉപയോഗിക്കും. ഓഹരികള് എന്എസ്ഇയിലും ബിഎസ്ഇയിലും ലിസ്റ്റ് ചെയ്യും.
ഐസിഐസിഐ സെക്യൂരിറ്റീസ് ലിമിറ്റഡ്, നുവാമ വെല്ത്ത് മാനേജ്മെന്റ് ലിമിറ്റഡ് (മുമ്പ് എഡല്വീസ് സെക്യൂരിറ്റീസ് ലിമിറ്റഡ്), സെന്ട്രം ക്യാപിറ്റല് ലിമിറ്റഡ് എന്നിവരാണ് ഐപിഒയുടെ ബുക്ക് റണ്ണിങ് ലീഡ് മാനേജര്മാര്.
TAGS: Popular Vehicles And Services |