April 2024
ഇസാഫ്-നബാര്ഡ് സുസ്ഥിര സാമ്പത്തിക വികസന പദ്ധതി ജില്ലയില്
Posted on: December 31, 2021
പാലക്കാട് : നബാര്ഡ് സഹകരണത്തോടെ ഇസാഫ് സ്മോള് ഫിനാന്സ് ബാങ്ക് നടപ്പിലാക്കുന്ന സുസ്ഥിര സാമ്പത്തിക വികസന പരീശീലന പദ്ധതി പാലക്കാട് ജില്ലയിലും ആരംഭിച്ചു. നബാര്ഡ് ഡിഡിഎം കവിത റാം അധ്യക്ഷത വഹിച്ച ചടങ്ങ് ഇസാഫ് ബാങ്ക് എം ഡിയും സി ഇ ഒ യുമായ കെ പോള് തോമസ് ഉദ്ഘാടനം ചെയ്തു. പ്രാദേശിക തലത്തില് സാമ്പത്തിക ശാക്തീകരണവും സാമ്പത്തിക സ്വാതന്ത്ര്യവും പ്രോത്സാഹിപ്പിക്കുകയാണ് പദ്ധതിയിലൂടെ ലക്ഷ്യമിടുന്നത്.
ഗ്രാമ പഞ്ചായത്ത് അംഗങ്ങള് മുഖേനയായിരിക്കും ഈ പദ്ധതി ജനങ്ങളിലേക്ക് എത്തുക. 14 ജില്ലകളിലായി തിരഞ്ഞെടുത്ത 300 പഞ്ചായത്തുകളിലാണ് ആദ്യ ഘട്ടത്തില് പദ്ധതി നടപ്പിലാക്കുന്നത്. നബാര്ഡിന്റെ പങ്കാളിത്തത്തോടെയും എസ്എല്ബിസി-കിലയുടെ പിന്തുണയോടെയുമാണ് പദ്ധതി നടപ്പിലാക്കുന്നത്.
ചിറ്റൂര് ഗ്രാന്ഡ് ഓഡിറ്റോറിയത്തില് വെച്ചു നടന്ന ചടങ്ങില് ജില്ലാ ലീഡ് ബാങ്ക് ഓഫീസര് സന്തോഷ്, കൊഴിഞ്ഞാമ്പാറ ഗ്രാമപഞ്ചായത്ത് പ്രസിഡന്റ് എം. സതീഷ്, നല്ലേപ്പള്ളി ഗ്രാമപഞ്ചായത്ത് പ്രസിഡന്റ് അനിഷ എസ് എന്നിവര് സംസാരിച്ചു.
ചിറ്റൂരിനടുത്തുള്ള 5 പഞ്ചായത്തുകളില് നിന്നുള്ള തിരഞ്ഞെടുക്കപ്പെട്ട പ്രതിനിധികള്, ഇസാഫ് ബാങ്ക് മാര്ക്കറ്റിംഗ് ഹെഡ് ശ്രീകാന്ത് സി. കെ, പാലക്കാട് ക്ലസ്റ്റര് ഹെഡ് ജോമി ടി ഒ, ഹെഡ് ഓഫീസ് പ്രിതിനിധികളായ സന്ധ്യ സുരേഷ്, റോയ്സണ് ഫ്രാന്സിസ് എന്നിവര് പ്രസ്തുത ചടങ്ങില് പങ്കെടുത്തു.
ഇസാഫിന്റെ ‘ബീച്ച് ഫോര് ഓള്’ പദ്ധതിക്ക് രാജ്യാന്തര പുരസ്കാരം
സെര്വെന്റ് ലീഡര്ഷിപ്പ് ഡേ ഇസാഫ് ആചരിച്ചു
ഇസാഫ് സ്മോള് ഫിനാന്സ് ബാങ്കും നബാര്ഡും ധാരണാ പത്രത്തില് ഒപ്പുവച്ചു
ഇസാഫ്-നബാര്ഡ് സുസ്ഥിര സാമ്പത്തിക വികസന പദ്ധതി ജില്ലയില്
ആയക്കാട് സി എ ഹയര് സെക്കന്ഡറി സ്കൂളില് ഡിജിറ്റല് ലൈബ്രറി ഉദ്ഘാടനം ചെയ്തു