April 2024
മിഡില് ഈസ്റ്റിലെ ഏറ്റവും സ്വാധീനമുള്ള ഇന്ത്യക്കാരുടെ പട്ടികയില് ഒന്നാമത് എം.എ. യൂസഫലി
Posted on: March 6, 2023
ദുബായ് : മിഡില് ഈസ്റ്റിലെ ഏറ്റവും സ്വാധീനമുള്ള ഇന്ത്യക്കാരുടെ പട്ടിക പ്രസിദ്ധീകരിച്ചു. ദുബായിലെ പ്രമുഖ വാണിജ്യ മാഗസിനായ അറേബ്യന് ബിസിനസാണ് ഇത് സംബന്ധിച്ച പട്ടിക പുറത്തിറക്കി്ത്. ലുലു ഗ്രൂപ്പ് ചെയര്മാനും അബുദാബി ചേംബര് വൈസ് ചെയര്മാനുമായ എം.എ. യൂസഫലിയാണ് പട്ടികയില് ഒന്നാമതെത്തിയത്.
ചോയിത്ത് റാം ഗ്രൂപ്പ് ചെയര്മാന് എല്.ടി. പഗറാണിയാണ് യൂസഫലിക്ക് പിന്നില്. ദുബായ് ഇസ്ലാമിക് ബാങ്ക് ചീഫ് എക്സിക്യൂട്ടിവ് ഓഫിസര് അഡ്നന് ചില്വാനാണ് പട്ടികയില് മൂന്നാമത്, ലുലു ഫിനാന്ഷ്യല് ഹോള്ഡിങ്സ് മാനേജിംഗ് ഡയറക്റ്റര് അദീബ് അഹമ്മദ്,സ്റ്റാന്ഡേര്ഡ് ചാര്ട്ടേഡ് ബാങ്ക് സിഇഒ സുനില് കൗശല് എന്നിവര് നാലും അഞ്ചും സ്ഥാനത്തായി പട്ടികയില് ഇടം പിടിച്ചു. ഗസാന് അബൂദ് ഗ്രൂപ്പ് സിഇഒ സുരേഷ് വൈദ്യനാഥന്, ബുര്ജില്ഹോള്ഡിംഗ്സ് ചെയര്മാന് ഡോ. ഷംസീര് വയലില്, ഇമാമി ഗ്രൂപ്പ് ഡയറക്റ്റര് പ്രശാന്ത് ഗോയങ്ക എന്നിവരും റാങ്ക് പട്ടികയില് ആദ്യ പത്തില് ഉള്പ്പെടുന്നു.
ഗള്ഫിലെ വാണിജ്യ വ്യവസായ രംഗത്ത് നിര്ണായക സ്വാധീനമുള്ള അബുദാബി ചേംബറിന്റെ വൈസ് ചെയര്മാനായും യൂസഫലിപ്രവര്ത്തിക്കുന്നുണ്ട്.
ഇതാദ്യമായാണ് ഏഷ്യന് വംശജനായ ഒരു വ്യക്തിയെ ഒരു സര്ക്കാര് സ്ഥാപനത്തിന്റെ ഉന്നത പദവിയില് യുഎഇ പ്രസിഡന്റും അബുദാബി ഭരണാധികാരിയുമായ ശൈഖ് മുഹമ്മദ് ബിന് സായിദ് അല് നഹ്യാന് നിയമിച്ചത്. യുഎഇയുടെവാണിജ്യ ജീവകാരുണ്യ മേഖലയില് നല്കിയ സംഭാവനകളെ മാനിച്ച് ഉന്നത സിവിലിയന് ബഹുമതിയായ അബുദാബി അവാര്ഡും യൂസഫലിക്ക് ലഭിച്ചിട്ടുണ്ട്.