April 2024
ആസ്തികള് സുരക്ഷിതമായി സൂക്ഷിക്കാന് ലോക്കര് വ്യവസ്ഥകള് പുതുക്കി റിസര്വ് ബാങ്ക്
Posted on: December 29, 2022
ന്യൂഡല്ഹി : ലോക്കര് വ്യവസ്ഥകള് പരിഷ്കരിച്ചിരിക്കുകയാണ് റിസര്വ് ബാങ്ക്. അതുപ്രകാരം ജനുവരി ഒന്നു മുതല് പുതിയ നിയമങ്ങള് ബാധകമാകും. ഇക്കാര്യം അറിയിച്ചുകൊണ്ട് ചില ബാങ്കുകളെങ്കിലും ഉപയോക്താവിന് എസ്എംഎസ് അയച്ചു തുടങ്ങിയിട്ടുണ്ട്. പുതുക്കിയ വ്യവസ്ഥ പ്രകാരം ആസ്തികള് സുരക്ഷിതമായി സൂക്ഷിക്കാന് താത്പര്യപ്പെടുന്നവര്ക്ക് ബാങ്കുകളില് നിന്ന് ലോക്കര് വാടകയ്ക്കെടുക്കാം. ഫീസ് ഈടാക്കി ബാങ്കുകള് നല്കുന്ന സേവനമാണിത്.
ലോക്കര് അനുവദിക്കുമ്പോള് ഉപയോക്താവുമായി ബാങ്ക് കരാറില് ഏര്പ്പെടണം. മുദ്രപത്രത്തില് തയാറാക്കിയ കരാറിന്റെ ശരി പകര്പ്പ് ബാങ്കില് സൂക്ഷിക്കും. കോപ്പി ഉപയോക്താവിന് നല്കുകയും ചെയ്യും. ലോക്കര് തുറക്കുമ്പോള് അക്കാര്യം രജിസ്റ്റര് ചെയ്ത ഇ-മെയിലില് അറിയിക്കണം. എസ്എംഎസ് വഴിയും ഉപയോക്താവിനെ അറിയിക്കണം. അനിധികൃതമായിലോക്കര് തുറന്നാല് അറിയുന്നതിനു വേണ്ടിയാണിത്.
തിയതി, സമയം എന്നിവ ഉള്പ്പടെയുള്ള വിവരങ്ങളാണ് അറിയിക്കേണ്ടത്. ബാങ്കിന്റെ ഭാഗത്തു നിന്നുണ്ടാകുന്ന വീഴ്ച കാരണം ലോക്കറിലെ വസ്തുക്കള് നഷ്ടപ്പെട്ടാല് നഷ്ടപരിഹാരം നല്കാന് ബാധ്യതയുണ്ട്. ലോക്കറുകള് സ്ഥിതി ചെയ്യുന്ന സ്ഥലത്തിന്റെയും കെട്ടിടത്തിന്റെയും സുരക്ഷ ഉറപ്പാക്കുകയെന്നത് ബാങ്കുകളുടെ ഉത്തരവാദിത്തമാണ്. തീപിടുത്തം, മോഷണം, കെട്ടിടത്തിന്റെ തകര്ച്ച എന്നിവയ്ക്ക് ബാങ്കുകള്ക്കു തന്നെയാണ് ഉത്തരവാദിത്തം. ജീവനക്കാര് കാരണക്കാരായാലും ഉപയോക്താവിന് നഷ്ടപരിഹാരം ലഭിക്കും.
വാര്ഷിക വാടകയുടെ നൂറിരട്ടിക്ക് തുല്യമായ തുകയായിരിക്കും നല്കേണ്ടി വരിക. ഭൂകമ്പം, വെള്ളപ്പൊക്കം തുടങ്ങിയ പ്രകൃതി ദുരന്തങ്ങള്, ഉപയോക്താവിന്റെ പിഴവ് എന്നീ കാരണങ്ങളാല് നഷ്ടം സംഭവിച്ചാല് നഷ്ടപരിഹാരം നല്കാന് ബാങ്കിന് ബാധ്യതയില്ല. അതേമയം, ഇത്തരം നഷ്ടങ്ങളില് നിന്ന് ലോക്കര് സംവിധാനം സുരക്ഷിതമാക്കാന് ബാങ്ക് മുന്കരുതലെടുക്കുകയും വേണം. ഉപയോക്താവിന്റെ മരണശേഷം നോമിനിക്ക് ലോക്കറിലെ വസ്തുക്കള് എടുക്കാനുള്ള അവകാശം ലഭിക്കും. മരണ സര്ട്ടിഫിക്കറ്റ് ഉള്പ്പടെയുള്ളവ പരിശോധിച്ചായിരിക്കും ബാങ്ക് അനുമതി നല്കുക. ലോക്കര് വാടകഈടാക്കുന്നതിനായി നിക്ഷേപം സ്വീകരിക്കുന്നത് തുടരും.
TAGS: RBI |
രൂപ – റുപിയ ഇടപാടിന് ഇന്ത്യയും ഇന്തൊനീഷ്യയും തമ്മില് ധാരണ
ബാങ്ക് കെവൈസി അപ്ഡേഷന് തട്ടിപ്പ് : ജാഗ്രത നിര്ദേശവുമായി റിസര്വ് ബാങ്ക്
2000 രൂപ നോട്ട് തപാല് വഴി മാറ്റിയെടുക്കാമെന്ന് ആര്ബിഐ
ആര്ബിഐ നോണ്-കോളബിള് എഫ്ഡികളുടെ പരിധി ഉയര്ത്തി
ഐസിആര്ആര് ഘട്ടംഘട്ടമായി നിര്ത്തലാക്കുമെന്ന് റിസര്വ് ബാങ്ക് ഒഫ് ഇന്ത്യ