April 2024
സമ്മാനവർഷവുമായി യുഎഇ എക്സ്ചേഞ്ച് സമ്മർ പ്രമോഷൻ
Posted on: April 29, 2019
ദുബായ്: ഉപഭോക്താക്കൾക്കു വേണ്ടി റംസാൻ മാസം പ്രമാണിച്ചു നിരവധി സൗഭാഗ്യ സമ്മാനങ്ങളുമായി യുഎഇയിലെ പ്രമുഖ ധനവിനിമയ ബ്രാൻഡായ യുഎഇ എക്സ്ചേഞ്ച് വേനൽക്കാല പ്രമോഷൻ ആരംഭിക്കുന്നു.
ഏപ്രിൽ 24 മുതൽ ജൂണ് 7 വരെയുള്ള കാലയളവിൽ യുഎഇ എക്സ്ചേഞ്ചിൽ നിന്ന് ഇടപാട് നടത്തുന്നവർക്ക് നറുക്കെടുപ്പിലൂടെ ദുബായിലൊരു വീട് മെഗാ സമ്മാനമായും മുന്തിയ മൂന്ന് ആഡംബര കാറുകളും പതിനായിരം ദിർഹംസ് പ്രതിദിന സമ്മാനമായും നൽകും. യുഎഇ എക്സ്ചേഞ്ച് ശാഖകളിൽ നിന്ന് മണി ട്രാൻസ്ഫർ, ഫോറിൻ കറൻസി എക്സ്ചേഞ്ച്, ബിൽ പെയ്മെന്റ്സ്, നാഷണൽ ബോണ്ട് പർച്ചേസ് ഉൾപ്പെടെയുള്ള ഇടപാടുകൾ നടത്തുന്നവരെയാവും നറുക്കെടുപ്പിനു പരിഗണിക്കുക.
ae.uaeexchange.com എന്ന ഡിജിറ്റൽ പോർട്ടലിലൂടെയോ മൊബൈൽ ആപ്പിലൂടെയോ നടത്തുന്ന ഓണ്ലൈൻ മണി ട്രാൻസ്ഫറും കിയോസ്കുകൾ വഴി നടത്തുന്ന സെൽഫ് സർവീസ് ഇടപാടുകളും നറുക്കെടുപ്പിൽ ഉൾപ്പെടുത്തുമെന്ന സവിശേഷതയും ഈ വർഷത്തെ പ്രമോഷന്നുണ്ട്. ഒരു മെഗാ വിജയിക്ക് ദുബായിൽ ഒരു വീട് ലഭിക്കുമെങ്കിൽ, മൂന്ന് ഭാഗ്യ വിജയികൾക്ക് ഓരോ മെഴ്സിഡസ് ബെൻസ് കാറും നൽകും. 45 ദിവസങ്ങൾ നീണ്ടുനിൽക്കുന്ന പ്രമോഷനിൽ ദിവസേന 10,000 ദിർഹംസ് വീതം 45 ഭാഗ്യശാലികൾക്ക് ലഭിക്കും.
ഉപഭോക്താക്കൾക്ക് പുതിയ വിനിയോഗാനുഭവം സമ്മാനിക്കുന്നതിലൂന്നി പുതുമയാർന്ന ഉൽപന്നങ്ങളും സേവനങ്ങളും ഏർപ്പെടുത്തുന്നതിൽ നിരന്തരം മുഴുകുന്ന യുഎഇ എക്സ്ചേഞ്ച്, ഇപ്രാവശ്യത്തെ റംസാനും വേനൽക്കാലവും സാർത്ഥകമാക്കാൻ പാകത്തിൽ ദുബായിലൊരു വീടും ലക്ഷ്വറി കാറുകളും പണവും സമ്മാനങ്ങളായി നൽകാൻ തീരുമാനിച്ചെന്നും തങ്ങളെ ആശ്രയിക്കുന്ന ഉപഭോക്താക്കളുടെ ജീവിതാവസ്ഥകൾ മെച്ചപ്പെടുത്താൻ ആവുന്നത്ര പരിശ്രമിക്കുന്നതിന്റെ ഭാഗമാണിതെന്നും യുഎഇ എക്സ്ചേഞ്ച് കണ്ട്രി ഹെഡ് അബ്ദുൽ കരീം അൽ കായേദ് പറഞ്ഞു.
TAGS: UAE Exchange |