May 2024
വാർബർഗ് പിങ്കസ് എയർടെൽ ഡിടിഎച്ചിൽ നിക്ഷേപം നടത്തി
Posted on: December 13, 2017
മുംബൈ : യുഎസ് പ്രൈവറ്റ് ഇക്വിറ്റി സ്ഥാപനമായ വാർബർഗ് പിങ്കസ് ഭാരതി എയർടെല്ലിന്റെ ഡിടിഎച്ച് യൂണിറ്റായ ഭാരതി ടെലിമീഡിയയിൽ 350 മില്യൺ ഡോളറിന്റെ (2,258 കോടി രൂപ) നിക്ഷേപം നടത്തി. ഇതോടെ എയർടെല്ലിന്റെ ഡിടിഎച്ച് ബിസിനസിൽ 20 ശതമാനം ഓഹരിപങ്കാളിത്തം വാർബർഗ് പിങ്കസിന് ലഭിക്കും. വാർബർഗ് പിങ്കസിന്റെ ഭാഗമായ ലയൺ മെഡോ ഇൻവെസ്റ്റ്മെന്റ് 15 ശതമാനവും ഗ്രൂപ്പിലെ മറ്റൊരു കമ്പനി 5 ശതമാനവും കൈവശംവെയ്ക്കും.
ഭാരതി ടെലിമീഡിയയുടെ മൂല്യം 11,300 കോടി രൂപയാണ് കണക്കാക്കിയിട്ടുള്ളത്. 2017 സെപ്റ്റംബറിലെ കണക്കുകൾ പ്രകാരം ഭാരതി ടെലിമീഡിയയ്ക്ക് 14 ദശലക്ഷം വരിക്കാരാണുള്ളത്. വാർബർഗ് പിങ്കസ് ഇന്ത്യയിൽ 8 ബില്യൺ ഡോളറിന്റെ നിക്ഷേപ നിക്ഷേപം നടത്തുമെന്ന് നേരത്തെ പ്രഖ്യാപിച്ചിരുന്നു.
ക്ലീൻ മാക്സ് സോളാർ, പിരമൾ റിയലിട്ടി, എൽ & ടി ഫിനാൻസ്, ഇകോം എക്സ്പ്രസ്, കല്യാൺ ജുവല്ലേഴസ്, കൊട്ടക് മഹീന്ദ്ര ബാങ്ക്, അംബുജ സിമന്റ്, ലോറസ് ലാബ്, ക്വിക്കർ, കാർട്രേഡ്, തുടങ്ങി അറുപതോളം ഇന്ത്യൻ കമ്പനികളിൽ വാർബർഗ് പിങ്കസ് നിക്ഷേപം നടത്തിയിട്ടുണ്ട്.
TAGS: Bharti Airtel | Bharti Telemedia | Lion Meadow Investment | Warburg Pincus |
ട്രാന്സിപ്മെന്റ് തുറമുഖമായി പ്രവര്ത്തിക്കാന് വിഴിഞ്ഞത്തിന് അനുമതി
യുഎഇയുമായുള്ള ഇന്ത്യയുടെ വ്യാപാര ഇടപാട് 15 ശതമാനം വര്ധിച്ചു
നിഫ്റ്റി നെക്സ്റ്റ് 50 ഇന്ഡക്സിലെ ഡെറിവേറ്റീവിന് ഏപ്രില് 24 മുതല് തുടക്കം
മ്യൂച്വല് ഫണ്ട് ആസ്തിയില് റെക്കോര്ഡ് വര്ധന