വായ്പയിലും നിക്ഷേപ വളര്‍ച്ചയിലും ബാങ്ക് ഓഫ് മഹാരാഷ്ട്ര പൊതുമേഖലാ ബാങ്കുകളുടെ പട്ടികയില്‍ ഒന്നാമത്

Posted on: August 13, 2022

കൊച്ചി : നടപ്പ് സാമ്പത്തിക വര്‍ഷം ആദ്യ ക്വാര്‍ട്ടറില്‍ വായ്പയുടെയും ഡെപ്പോസിറ്റിന്റെയും വളര്‍ച്ചാ ശതമാനത്തിന്റെ അടിസ്ഥാനത്തില്‍ ബാങ്ക് ഓഫ് മഹാരാഷ്ട്ര (BoM) പൊതുമേഖലാ ബാങ്കുകളില്‍ ഏറ്റവും മികച്ച പ്രകടനം കാഴ്ചവച്ചു. പൊതുമേഖലാ ബാങ്കുകളുടെ (പിഎസ്ബി) ത്രൈമാസ കണക്കുകള്‍ പ്രകാരം 2022 ജൂണ്‍ അവസാനത്തോടെ ബാങ്ക് മഹാരാഷ്ട്രയുടെ ആകെ അഡ്വാന്‍സ് 27.10 ശതമാനം വര്‍ധിച്ച് 1,40,561 കോടി രൂപയിലെത്തി.

നിക്ഷേപ വളര്‍ച്ചയുടെ കാര്യത്തില്‍ ബാങ്ക് മഹാരാഷ്ട്ര 12.35 ശതമാനം വളര്‍ച്ച രേഖപ്പെടുത്തുകയും 2022 ജൂണ്‍ അവസാനത്തോടെ 1,95,909 കോടി രൂപ സമാഹരിക്കുകയും ചെയ്തു. നിക്ഷേപത്തില്‍ 9.42 ശതമാനം വളര്‍ച്ചയോടെ (9,92,517 കോടി രൂപ) യൂണിയന്‍ ബാങ്ക് ഓഫ് ഇന്ത്യ രണ്ടാം സ്ഥാനത്താണ്. ), തൊട്ടുപിന്നാലെ ബാങ്ക് ഓഫ് ബറോഡ – 8.51 ശതമാനം ഉയര്‍ന്ന് 9,09,095 കോടി രൂപയായി. ജൂണ്‍ ത്രൈമാസത്തില്‍, പൊതുമേഖലാ ബാങ്കുകള്‍ കിട്ടാക്കടങ്ങളുടെ തുടര്‍ച്ചയായ ഇടിവിന്റെ പശ്ചാത്തലത്തില്‍ കൂടുതല്‍ ലാഭം നേടി, വരും പാദങ്ങളില്‍ ഈ പ്രവണത ബാലന്‍സ് ഷീറ്റില്‍ നല്ല സ്വാധീനം ചെലുത്തിയേക്കാം.

പൊതുമേഖലാ ബാങ്കുകള്‍ പ്രസിദ്ധീകരിച്ച ത്രൈമാസ സാമ്പത്തിക സംഖ്യകളുടെ വിശകലനം അനുസരിച്ച്, മൊത്ത നിഷ്‌ക്രിയ ആസ്തികളും (എന്‍പിഎ) അറ്റ എന്‍പിഎകളും സംബന്ധിച്ചിടത്തോളം ഏറ്റവും താഴ്ന്ന ക്വാര്‍ട്ടൈലിലാണ് ബിഒഎമ്മും എസ്ബിഐയും. 12 പൊതുമേഖലാ ബാങ്കുകളും ജൂണില്‍ അവസാനിച്ച മൂന്ന് മാസങ്ങളില്‍ 9.2 ശതമാനം വാര്‍ഷിക വളര്‍ച്ച രേഖപ്പെടുത്തി ഏകദേശം 15,306 കോടി രൂപയുടെ ലാഭ മുണ്ടാക്കി. എന്നിരുന്നാലും, പ്രമുഖ പൊതുമേഖലാ വായ്പക്കാരായ എസ്ബിഐയും പിഎന്‍ബിയും ജൂണ്‍ പാദത്തില്‍ കുറഞ്ഞ ലാഭമാണ് രേഖപ്പെടുത്തിയത്.

കഴിഞ്ഞ സാമ്പത്തിക വര്‍ഷം ഏപ്രില്‍-ജൂണ്‍ കാലയളവില്‍ പൊതുമേഖലാ ബാങ്കുകളുടെ മൊത്ത ലാഭം 14,013 കോടി രൂപയായിരുന്നു. വിശകലനം അനുസരിച്ച്, ബിഒഎമ്മും എസ്ബിഐയും റിപ്പോര്‍ട്ട് ചെയ്ത മൊത്ത എന്‍പിഎകള്‍ നടപ്പ് സാമ്പത്തിക വര്‍ഷത്തിന്റെ ആദ്യ ക്വാര്‍ട്ടറില്‍ യഥാക്രമം അവരുടെ മൊത്തം അഡ്വാന്‍സുകളുടെ 3.74 ശതമാനവും 3.91 ശതമാനവുമാണ്. ഈ ബാങ്കുകളുടെ അറ്റ നിഷ്‌ക്രിയ ആസ്തി ജൂണ്‍ അവസാനത്തോടെ യഥാക്രമം 0.88 ശതമാനമായും 1 ശതമാനമായും കുറഞ്ഞു.

TAGS: Bank Of Maharashtra |