April 2024
ചേരമാന്‍ ജുമാ മസ്ജിദ് പുനര്‍ നിര്‍മ്മാണത്തിന് എം എ യൂസഫലി 5 കോടി രൂപ നല്‍കും , ആദ്യ ഗഡു രണ്ട് കോടി രൂപ കൈമാറി
Posted on: December 1, 2020
കൊച്ചി : ഇന്ത്യയിലെ ആദ്യ ജുമാ മസ്ജിദായ കൊടുങ്ങല്ലൂര്‍ ചേരമാന്‍ ജുമാ മസ്ജിദിന്റെ പുനര്‍ നിര്‍മ്മാണത്തിന് പ്രമുഖ വ്യവസായിയും ലുലു ഗ്രൂപ്പ് ചെയര്‍മാനുമായ എം.എ യൂസഫലി പ്രഖ്യാപിച്ച 5കോടി രൂപയിലെ ആദ്യ ഗഡുവായി 2 കോടി രൂപയുടെ ചെക്ക് ചേരമാന്‍ ജുമാ മസ്ജിദ് മഹല്ല് കമ്മറ്റിക്ക് കൈമാറി. പള്ളിയുടെ നിര്‍മ്മാണോല്‍ഘാടനം ഗവര്‍ണ്ണര്‍ ആരിഫ് മുഹമ്മദ് ഖാന്‍ നിര്‍വ്വഹിച്ച വേദിയില്‍ 5 കോടി പള്ളി നിര്‍മ്മാണത്തിന് എം.എ യൂസഫലി വാഗ്ദാനം ചെയ്തിരുന്നു.
പൗരാണികമായ ചേരമാന്‍ ജുമാ മസ്ജിദിന്റെ നഷ്ടപ്പെട്ട ഭാഗങ്ങള്‍ പുനര്‍ നിര്‍മ്മിക്കാനും , കൂടുതല്‍ നമസ്‌കാര സൗകര്യങ്ങള്‍ക്കായി ഭൂമിക്കടിയില്‍ പള്ളി നിര്‍മ്മിക്കുകയും ചെയ്യുന്ന പദ്ധതിയാണ് മഹല്ല് കമ്മറ്റി നടപ്പിലാക്കുന്നത്. മുസരിസ് പൈത്യക പദ്ധതിയുടെ അവിഭാജ്യ ഘടകമായ ചേരമാന്‍ മസ്ജിദിന്റെ നിര്‍മ്മാണം 2 വര്‍ഷം കൊണ്ട് പൂര്‍ത്തിയാക്കാനാണ് ഉദ്ദ്യേശിക്കുന്നത്.
എം.എ യൂസഫലിയുടെ സെക്രട്ടറി ഇ.എ.ഹാരിസ് മഹല്ല് പ്രസിഡന്റ് ഡോ. പി. എ മുഹമ്മദ് സഈദിനും , ജനറല്‍ സെക്രട്ടറി എസ്.എ അബ്ദുല്‍ കയ്യുമിനും ചെക്ക് കൈമാറി.
TAGS: Cheraman Juma Masjid | M.A Yusafali |
ചെറുകിട വ്യവസായ സംരംഭങ്ങളുടെ ഓഹരിവിപണി പ്രവേശനം കേരളത്തിനുള്ളത് മികച്ച സാധ്യതകള്‍ – വിദഗ്ധര്‍
ബോ ടീ ലക്കി ഡ്രോ ടിക്കറ്റ് ചലഞ്ച് മന്ത്രി മുഹമ്മദ് റിയാസ് ഉദ്ഘാടനം ചെയ്തു
എംറൂബെ വ്യാപാര പ്ലാറ്റ്‌ഫോമിന്റെ വരുമാനത്തില്‍ ഇരട്ടി വളര്‍ച്ച
ഇന്‍സ്റ്റിറ്റ്യൂട്ട് ഓഫ് റൂറല്‍ മാനേജ്മന്റും ഇസാഫ് ഫൗണ്ടേഷനും ധാരണാപത്രത്തില്‍ ഒപ്പുവച്ചു
മികച്ച പൊതുമേഖലാ സ്ഥാപനങ്ങള്‍ക്കുള്ള സംസ്ഥാന സര്‍ക്കാറിന്റെ അവാര്‍ഡുകള്‍ വിതരണം ചെയ്തു