പുതിയ കിൻഡിലുമായി ആമസോൺ ഇന്ത്യ

Posted on: September 22, 2014

കേവലം 5999 രൂപ മാത്രം വിലയിൽ പുതിയ കിൻഡിലുമായി ആമസോൺ. നിലവിലുള്ള കിൻഡിലുകളേക്കാൾ 20 ശതമാനം വേഗത കൂടിയ പ്രോസസറാണ് പുതിയ മോഡലിനുള്ളത്. ഇപ്പോഴുള്ള മോഡലുകളേക്കാൾ ഇരട്ടി സ്റ്റോറേജ് ശേഷിയുമുണ്ട്.

വിസ്പർസിങ്ക്, ബിൽറ്റ്-ഇൻ-ഡിക്ഷണറി, വൊക്കാബുലറി ബിൽഡർ, കിൻഡിൽ ഫ്രീടൈം തുടങ്ങിയ നിരവധി ആകർഷകമായ സവിശേഷതകളോടെയാണ് പുതിയ മോഡൽ എത്തുന്നത്. ആഴ്ചകളോളം നീണ്ടുനിൽക്കുന്ന ബാറ്ററി ലൈഫ്, ക്ലൗഡ് അധിഷ്ഠിത ആർക്കൈവിംഗ്, കിൻഡിൽ പേജ് ഫ്‌ളിപ്പ്, ഫേസ്ബുക്കിലും ട്വിറ്ററിലും ബുക്ക് റെക്കമെന്റേഷനുകൾ ഷെയർ ചെയ്യാനു ള്ള സൗകര്യം തുടങ്ങിയവ പുതിയ കിൻഡലിനെ ഏറെ ആകർഷകമാക്കുന്നു.

www.amazon.in/kindle എന്ന വെബ് വിലാസത്തിൽ പുതിയ കിൻഡിൽ ഓർഡർ ചെയ്യാം. ഒക്‌ടോബർ 09, മുതൽ ഈ മോഡൽ വിതരണമാരംഭിക്കും.

TAGS: Amazon | Kindle |