April 2024
സാംസംഗ് ഗാലക്സി ജെ5, ജെ7 സ്മാർട്ട് ഫോണുകൾ വിപണിയിൽ
Posted on: May 11, 2016
കൊച്ചി : സാംസംഗ് 2016 ലെ ജെ സീരിസ് സ്മാർട്ട് ഫോണുകളായ ഗാലക്സി ജെ5, ജെ7 മോഡലുകൾ ഇന്ത്യൻ വിപണിയിൽ അവതരിപ്പിച്ചു. മേക്ക് ഫോർ ഇന്ത്യയുടെ ഭാഗമായി പുറത്തിറങ്ങുന്ന രണ്ടു ഫോണുകളിലും സാംസംഗിന്റെ മുൻ പതിപ്പായ ഗാലക്സി ജെ3-യിൽ അവതരിപ്പിച്ച എസ് ബൈക്ക് മോഡ് സംവിധാനവും ചുരുങ്ങിയ ചെലവിൽ അൾട്രാ ഡാറ്റാ സേവിംഗ് (യുഡിഎസ്) വഴി 4ജി സൗകര്യവുമുണ്ട്.
ഏറെ രൂപഭംഗിയോടെ ഡയമണ്ട് കട്ട് മെറ്റൽ ഫ്രെയ്മിൽ പുറത്തിറങ്ങുന്ന ഗാലക്സി ജെ5, ജെ7 സീരിസുകളുടെ പിന്നിലെ പാനലിന് മെറ്റൽ ഫിനിഷാണ്. ഗാലക്സി ജെ7-ന്റെ സ്ക്രീൻ 5.5 ഇഞ്ച് വലിപ്പവും ഗാലക്സി ജെ5-ന്റെ സ്ക്രീൻ 5 ഇഞ്ച് മുതൽ 5.2 ഇഞ്ച് വലിപ്പവുമാണുള്ളത്.
ഗാലക്സി ജെ5 2016-ൽ കാര്യക്ഷമതയുള്ള ക്വാൽകോം സ്നാപ്ഡ്രാഗൺ, 1.2 ജിഗാ ഹെർട്സ് ക്വാഡ് കോർ പ്രോസസറും ഗാലക്സി ജെ7-ൽ എക്സൈനോസ് 1.6 ജിഗാ ഹെർട്സ് ഒക്ടാ കോർ പ്രോസസറുമാണുള്ളത്. 2 ജിബി റാമുള്ള രണ്ടു ഫോണുകളുടെയും മെമ്മറി എസ്ഡി കാർഡ് ഉപയോഗിച്ച് 128 ജിബി വരെ വർധിപ്പിക്കാൻ സാധിക്കും. യഥാക്രമം 3,100, 3,300 എംഎഎച്ച് ബാറ്ററിയിൽ പുറത്തിറങ്ങുന്ന ഗാലക്സി ജെ5, ജെ7 മോഡലുകളിൽ 13 മെഗാ പിക്സൽ പിൻ കാമറയും 5 മെഗാ പിക്സൽ മുൻ കാമറയുമുണ്ട്.
ഗോൾഡ്, ബ്ലാക്ക്, വൈറ്റ് എന്നീ മൂന്നു നിറങ്ങളിൽ പുറത്തിറങ്ങുന്ന ഗാലക്സി ജെ7-ന് 15,990 രൂപയും ജെ5-ന് 13,990 രൂപയുമാണ് വില. ഓൺലൈൻ സ്റ്റോറായ ഫ്ളിപ്കാർട്ടിൽ ഫോണുകൾ ലഭ്യമാണ്.
ഗോദ്റെജ് ലേ അഫയറും ദി ലേബല് ലൈഫും ചേര്ന്ന് വ്യത്യസ്തമായ ഫാഷന് ഷോ സംഘടിപ്പിച്ചു
‘സാംസംഗ് ഇന്നവേഷന് ക്വാംപസ്’ സീസണ് 2ന് തുടക്കം
ഹോര്ലിക്സ്, ബൂസ്റ്റ് ഇവ ഇനി ‘ഫംഗ്ഷനല് നുട്രീഷനല് ഡ്രിങ്ക്സ്’ എന്ന പുതിയ വിഭാഗത്തില്
സുസ്ഥിര സംരംഭങ്ങളുമായി ക്ലബ് മഹീന്ദ്ര ഭൗമ ദിനം ആചരിച്ചു
ആഭ്യന്തര യാത്രകളും പുതിയ സ്ഥലങ്ങളും ടൂറിസ്റ്റുകള്ക്ക് പ്രിയങ്കരമെന്ന് മേക്ക്മൈട്രിപ്പ്