April 2024
ഫ്ളൈദുബായ് വിമാനാപകടം: ഇടക്കാല റിപ്പോർട്ടായി
Posted on: April 22, 2016
കൊച്ചി : റഷ്യയിൽ ഫ്ളൈദുബായ് വിമാനം തകർന്ന് 62 പേർ മരിക്കാനിടയായ സംഭവത്തിൽ റഷ്യയുടെ ഇന്റർസ്റ്റേറ്റ് ഏവിയേഷൻ കമ്മിറ്റി (ഐ എ സി) ഇടക്കാല റിപ്പോർട്ട് സമർപ്പിച്ചു. ഭാവിയിൽ അപകടങ്ങൾ ഒഴിവാക്കാനുദ്ദേശിച്ചുള്ള ശിപാർശകളാണ് ഇടക്കാല റിപ്പോർട്ടിന്റെ ഉള്ളടക്കം. ഈ വർഷം മാർച്ച് 19 ന് ആണ് റഷ്യയിലെ റോസ്തോവ് ഓൺ ഡോൺ വിമാനത്താവളത്തിൽ ലാൻഡിംഗിനിടെ ഫ്ളൈദുബായ് വിമാനം തകർന്ന് 62 പേർ മരണമടഞ്ഞത്.
ബോയിംഗ് ബി 737-800 വിമാനങ്ങൾ കൈകാര്യം ചെയ്യുന്ന പൈലറ്റുമാരെയും എൻജിനീയർമാരേയും അപകടത്തിന്റെ വിശദാംശങ്ങൾ ധരിപ്പിക്കുക, വിവിധ ഉയരങ്ങളിൽ നിന്ന് രണ്ട് എൻജിനുകൾ പ്രവർത്തിപ്പിച്ചു സുരക്ഷിതമായി ലാൻഡ് ചെയ്യുന്നതിന് പൈലറ്റുമാർക്ക് നൽകിവരുന്ന പരിശീലനം കുറേക്കൂടി കർശനമാക്കുക, ആവശ്യമെങ്കിൽ ഇതിനായി എഫ്എഫ്എസ് പരിശീലന സംവിധാനം ഉപയോഗപ്പെടുത്തുക, 2013 ൽ ഫ്രഞ്ച് സുരക്ഷാ ഏജൻസികൾ ശുപാർശ ചെയ്ത മുൻകരുതൽ നടപടികൾ വിശകലനം ചെയ്ത് ആവശ്യമായ നടപടികൾ സ്വീകരിക്കുക തുടങ്ങിയവയാണ് എയർലൈൻ അധികൃതർക്ക് ഐ എ സി സമർപ്പിച്ചിട്ടുള്ള ശിപാർശകൾ.
ഐ എ സി യുടെ ഇടക്കാല റിപ്പോർട്ടിനെ ഫ്ളൈദുബായ് ചീഫ് എക്സിക്യൂട്ടീവ് ഓഫീസർ ഗെയ്ത് അൽ ഗെയ്ത് സ്വാഗതം ചെയ്തു. ഐ എ സി സമർപ്പിച്ച ശിപാർശകളിൽ പലതും ഫ്ളൈദുബായ് നേരത്തെ തന്നെ നടപ്പാക്കിക്കൊണ്ടിരിക്കുന്നവയാണെങ്കിലും സുരക്ഷാകാര്യങ്ങളിൽ കൂടുതൽ ശ്രദ്ധ ചെലുത്തുമെന്നും അദ്ദേഹം പറഞ്ഞു.
TAGS: Boeing 737-800 Aircrafts | Dubai - Rostov On Don Flights | Flydubai | Flydubai Flight Number FZ981 | FlyDubai Plane Crash | Ghaith Al Ghaith | Interstate Aviation Committee | Rostov On Don Airport |
ഇത്തിഹാദ് വിമാനങ്ങളില് കാസിനോ സര്വ്വീസ്
മാലദ്വീപിലേക്ക് സര്വീസ് പുനരാരംഭിച്ചു
ബാഗേജ് ട്രാക്ക് ചെയ്യാനുള്ള സൗകര്യം ഇനി മുതല് എയര് ഇന്ത്യ എക്സ്പ്രസില്
കേരളത്തില് നിന്ന് കൂടുതല് വിമാന സര്വീസുകളുമായി എയര് ഇന്ത്യ എക്സ്പ്രസ്
പ്രതിദിനം 365 സര്വീസുകളുമായി എയര് ഇന്ത്യ എക്സ്പ്രസിന്റെ സമ്മര് ഷെഡ്യൂള്