April 2024
ഭാരതി ഹെക്സാകോം ലിമിറ്റഡ് ഐപിഒ ഏപ്രില് മൂന്ന് മുതല്
Posted on: March 27, 2024
കൊച്ചി : ഇന്ത്യയിലെ മുന്നിര ടെലിഫോണ് സേവന ദാതാക്കളായ ഭാരതി ഹെക്സാകോം ലിമിറ്റഡിന്റെ പ്രാഥമിക ഓഹരി വില്പന (ഐപിഒ) 2024 ഏപ്രില് മൂന്ന് മുതല് അഞ്ച് വരെ നടക്കും. നിലവിലുള്ള ഓഹരി ഉടമകളുടെ 7.5 കോടി ഇക്വിറ്റി ഓഹരികളുടെ ഓഫര് ഫോര് സെയിലാണ് ഐപിഒയില് ഉള്പ്പെടുത്തിയിരിക്കുന്നത്.
അഞ്ച് രൂപ മുഖവിലയുള്ള ഓഹരി ഒന്നിന് 542 രൂപ മുതല് 570 രൂപവരെയാണ് പ്രൈസ് ബാന്ഡ് നിശ്ചയിച്ചിരിക്കുന്നത്. കുറഞ്ഞത് 26 ഓഹരികള്ക്കും തുര്ന്ന് 26 ന്റെ ഗുണിതങ്ങള്ക്കും അപേക്ഷിക്കാം. ഓഹരികള് എന്എസ്ഇയിലും ബിഎസ്ഇയിലും ലിസ്റ്റ് ചെയ്യും.
എസ്ബിഐ ക്യാപിറ്റല് മാര്ക്കറ്റ്സ് ലിമിറ്റഡ്, ആക്സിസ് ക്യാപിറ്റല് ലിമിറ്റഡ്, ബിഒബി ക്യാപിറ്റല് മാര്ക്കറ്റ്സ് ലിമിറ്റഡ്, ഐസിഐസിഐ സെക്യൂരിറ്റീസ് ലിമിറ്റഡ്, ഐഐഎഫ്എല് സെക്യൂരിറ്റീസ് ലിമിറ്റഡ് എന്നിവരാണ് ഐപിഒയുടെ ബുക്ക് റണ്ണിംഗ് ലീഡ് മാനേജര്മാര്.
TAGS: Bharti Hexacom IPO |