May 2024
കണ്ടയ്നര് നീക്കത്തില് ഒന്നാം സ്ഥാനം കൊച്ചി വല്ലാര്പാടത്തിന്
Posted on: April 12, 2024
കൊച്ചി : ദക്ഷിണേന്ത്യയിലെ കണ്ടെയ്നര് നീക്കത്തില് കൊച്ചി വല്ലാര്പാടം കണ്ടെയ്നര് ടെര്മിനല് ഒന്നാം സ്ഥാനം കരസ്ഥമാക്കിയെന്ന് വ്യവസായ മന്ത്രി പി. രാജീവ്. ചെന്നൈ ഉള്പ്പെടെയുള്ള 10 പ്രമുഖ ടെര്മിനലുകളോട് മത്സരിച്ചാണ് ഈനേട്ടമെന്നത് കേരളം വ്യാവസായിക രംഗത്തും ലോജിസ്റ്റിക്സ് രംഗത്തും കൈവരിക്കുന്ന വളര്ച്ച കൂടി ബോധ്യപ്പെടുത്തുകയാണെന്ന് മന്ത്രി പറഞ്ഞു.
ഫെബ്രുവരി മാസത്തില് 75,141 കണ്ടെയ്നറുകളാണ് കൈകാര്യം ചെയ്തതെങ്കില് മാര്ച്ച് മാസം 75,370 കണ്ടെയ്നറുകള് കൈകാര്യം ചെയ്യാന് വല്ലാര്പാടത്തിനായി. കേരളത്തില്നിന്നുള്ള കയറ്റുമതിയില് വലിയ വര്ധനവ് കഴിഞ്ഞവര്ഷം രേഖപ്പെടുത്തിയിരുന്നു. പ്രധാനമായും യൂറോപ്യന് രാജ്യങ്ങളിലേക്കും ഗള്ഫ് രാജ്യങ്ങളിലേക്കുമായിരുന്ന കയറ്റുമതി ഇപ്പോള് അമേരിക്കന് വന്കരയിലേക്കും ആഫ്രിക്കയിലേക്കുമുള്പ്പെടെ വ്യാപിക്കുകയാണ്.
വല്ലാര്പാടത്തിലൂടെ കൈവരിക്കുന്ന ഈ കേരളം കുതിപ്പ് ദക്ഷിണേന്ത്യയിലെ ലോജിസ്റ്റിക്സ് മേഖലയിലെ ഹബ്ബായി കൊച്ചിയെ മാറ്റാന് കൂടി സഹായിക്കുമെന്നാണ് പ്രതീക്ഷിക്കുന്നതെന്നും മന്ത്രി രാജീവ് കൂട്ടിച്ചേര്ത്തു.
TAGS: P. Rajeev | Vallarpadam Container Terminal |
മെഷീനറി എക്സ്പോ: ലോഗോ പ്രകാശനം ചെയ്തു
അന്താരാഷ്ട്ര പ്രദര്ശന-വിപണന കേന്ദ്രം ഫെബ്രുവരി 4ന് തുറക്കും : മന്ത്രി പി രാജീവ്
ദേശീയ സരസ് മേള ഡിസംബര് 21 മുതല്
വ്യവസായങ്ങള്ക്കായി ലാന്ഡ് പൂളിംഗ് നിയമംകൊണ്ടു വരുമെന്ന് വ്യവസായ മന്ത്രി പി.രാജീവ്
എംഎസ്എംഇ ഉത്പന്നങ്ങള്ക്ക് മികച്ച വിപണി ലഭ്യമാകുമെന്ന് വ്യവസായ മന്ത്രി പി. രാജീവ്