May 2024
കേരളത്തില് ആദ്യമായി ഡ്രോണ് പൈലറ്റിംഗ് പരിശീലനത്തിന് അസാപ് കേരളക്ക് ഡിജിസിഎ അനുമതി
Posted on: May 10, 2023
തിരുവനന്തപുരം : കേരളത്തില് ആദ്യമായി ഡ്രോണ് പരിശീലനം നല്കുന്നതിനും സര്ട്ടിഫിക്കേഷനും അസാപ് കേരളക്ക് കേന്ദ്ര സര്ക്കാരിന്റെ വ്യോമഗതാഗത നിയന്ത്രണ ഏജന്സിയായ ഡയറക്ടറേറ്റ് ജനറല് ഓഫ് സിവില് ഏവിയേഷന് (ഡിജിസിഎ) അംഗീകാരം ലഭിച്ചു. നിലവില് ഈ അംഗീകാരമുള്ള കേരളത്തിലെ ഏക സ്ഥാപനം കൂടിയാണ് അസാപ് കേരള. അസാപ് കേരളയുടെ കാസര്ഗോഡ് കമ്യൂണിറ്റി സ്കില് പാര്ക്കിലാണ് ഡ്രോണ് പൈലറ്റിംഗ് പരിശീലനം നല്കുന്നത്. എറണാകുളം ആസ്ഥാനമായ ഓട്ടോണമസ് അണ്മാന്ഡ് ഏരിയല് സിസ്റ്റംസ് പ്രൈവറ്റ് ലിമിറ്റഡ് അസാപ് കേരളയുടെ പരിശീലന പങ്കാളി.
96 മണിക്കൂര് ദൈര്ഘ്യമുള്ള എക്സിക്യൂട്ടീവ് പ്രോഗ്രാം ഇന് സ്മാള് കാറ്റഗറി ഡ്രോണ് പൈലറ്റിംഗ് കോഴ്സ് 16 ദിവസം കൊണ്ട് പൂര്ത്തിയാക്കുന്ന തരത്തിലാണ് വിഭാവനം ചെയ്തിരിക്കുന്നത്. അഞ്ചു ദിവസത്തെ ഡിജിസിഎ ലൈസന്സിംഗ് പ്രോഗ്രാമും ഇതിലുള്പ്പെടും. 3ഡി മാപ്പിംഗ്, യുഎവി സര്വേ, യുഎവി അസംബ്ലി ആന്റ് പ്രോഗ്രാമിംഗ്, ഏരിയല് സിനിമാറ്റൊഗ്രഫി എന്നീ പരിശീലനങ്ങളും കോഴ്സിന്റെ ഭാഗമാണ്.
ആകാശ നിരീക്ഷണം, രക്ഷാപ്രവര്ത്തനം, ട്രാഫിക് നിരീക്ഷണം, കാലാവസ്ഥാ നിരീക്ഷണം, അഗ്നിശമന സേന, ഡ്രോണ് ഫോട്ടോഗ്രാഫി, വീഡിയോഗ്രാഫി, കൃഷി, ഡെലിവറി സേവനങ്ങള് എന്നിങ്ങനെ ഔദ്യോഗികവും സിവില് ആവശ്യങ്ങള്ക്കും ഡ്രോണുകള് വ്യാപകമായി ഉപയോഗിക്കുന്നുണ്ട്. എന്നാല് ഡിജിസിഎയുടെ അംഗീകാരത്തോടെയുള്ള പരിശീലന സ്ഥാപനങ്ങള് കേരളത്തില് ഇല്ല. ഡ്രോണ് സാങ്കേതികവിദ്യയുടെ വളര്ച്ച വരും വര്ഷങ്ങളില് 80,000-ത്തിലധികം തൊഴിലവസരങ്ങള് സൃഷ്ടിക്കുമെന്നാണ് പ്രതീക്ഷിക്കുന്നത്.
അസാപിന്റെ കോഴ്സ് വിജയകരമായി പരിശീലനം പൂര്ത്തിയാക്കുന്നവര്ക്ക് സ്വദേശത്തും വിദേശത്തും ഡ്രോണുകള് പറപ്പിക്കാം. ഡ്രോണുകള് പറപ്പിക്കുന്നതിന് ഡിജിസിഎ ലൈസന്സ് ആവശ്യമാണെങ്കിലും സംസ്ഥാനത്ത് ഇതില്ലാതെ ഡ്രോണ് ഉപയോഗിക്കന്നവര് വര്ധിച്ചു വരുന്ന സാഹചര്യമുണ്ട്. നിയമ വിരുദ്ധമായ ഇത്തരം പറപ്പിക്കല് ഉണ്ടാക്കുന്ന ഗുരുതര അപകടങ്ങളെക്കുറിച്ചും കോഴ്സിന്റെ ഭാഗമായി അവബോധം സൃഷ്ടിക്കും.
പത്താം ക്ലാസ്സ് പാസ്സായ 18 വയസ്സിന് മുകളില് പ്രായം ഉള്ള ഏതൊരാള്ക്കും ഈ കോഴ്സ് ചെയ്യാം. പാസ്പോര്ട്ട് ഉള്ളവരായിരിക്കണം എന്ന നിബന്ധനയുമുണ്ട്. 42,952 രൂപയാണ് കോഴ്സ് ഫീ. പ്രവേശനം ലഭിക്കുന്നവര്ക്ക് സ്കില് വായ്പാ സൗകര്യവും ലഭിക്കും. കൂടുതല് വിവരങ്ങള്ക്ക്: 9495 999 623, 9495 999 709
TAGS: ASAP Kerala |
പാല് സംഭരണത്തില് 6.50 ലക്ഷം ലീറ്ററിന്റെ കുറവ
മലയാളികള്ക്ക് പ്രിയം വിദേശ അവക്കാഡോ, കേരളത്തിലേക്കുള്ള വരവ് കൂടുന്നു
ചെറുകിട വ്യവസായ സംരംഭങ്ങളുടെ ഓഹരിവിപണി പ്രവേശനം കേരളത്തിനുള്ളത് മികച്ച സാധ്യതകള് – വിദഗ്ധര്
ബോ ടീ ലക്കി ഡ്രോ ടിക്കറ്റ് ചലഞ്ച് മന്ത്രി മുഹമ്മദ് റിയാസ് ഉദ്ഘാടനം ചെയ്തു
എംറൂബെ വ്യാപാര പ്ലാറ്റ്ഫോമിന്റെ വരുമാനത്തില് ഇരട്ടി വളര്ച്ച