പുതിയ മിഡ്കാപ് 150 ക്വാളിറ്റി ഇന്‍ഡക്സ് ഫണ്ടുമായി ഡിഎസ്പി

Posted on: July 21, 2022

മുംബൈ: ഡിഎസ്പി ഇന്‍വെസ്റ്റ്മെന്റ് മാനേജേഴ്സ് പുതിയ നിഫ്റ്റി മിഡ്കാപ് 150 ക്വാളിറ്റി 50 ഇന്‍ഡക്സ് ഫണ്ട് അവതരിപ്പിക്കുന്നു. നിലവാരം കേന്ദ്രീകരിച്ചുള്ള പുതിയ ഫണ്ട് നിക്ഷേപകര്‍ക്ക് മിഡ്-കാപ് കമ്പനികളില്‍ നിക്ഷേപിക്കാന്‍ അവസരം നല്‍കുന്നു. ഉയര്‍ന്ന വളര്‍ച്ചയും നേട്ടവുമാണ് സാധ്യത. താരതമ്യേന സ്ഥിരതയാര്‍ന്ന വരുമാനം.

നിഫ്റ്റി മിഡ്കാപ് 150 ക്വാളിറ്റി 50 ഇന്‍ഡക്‌സ് ആവര്‍ത്തിക്കുന്നതിലൂടെ ഡിഎസ്പി നിഫ്റ്റി മിഡ്കാപ് 150 ക്വാളിറ്റി 50 ഇന്‍ഡക്‌സ് ഫണ്ട് സീറോ-ബയസ്, റൂള്‍ അടിസ്ഥാനമാക്കിയുള്ള തന്ത്രം പിന്തുടരുന്നു. ഇക്വിറ്റിയിലെ റിട്ടേണ്‍, ഫിനാന്‍ഷ്യല്‍ ലിവറേജ് (സാമ്പത്തിക സേവന കമ്പനികള്‍ ഒഴികെ), ഓരോ ഓഹരിയുടെയും വരുമാനം (ഇപിഎസ്), വളര്‍ച്ചാ വ്യതിയാനം തുടങ്ങിയ കണക്കുകള്‍ അനുസരിച്ച് ‘ക്വാളിറ്റി സ്‌കോറുകള്‍’ അടിസ്ഥാനമാക്കി ഈ ഇന്‍ഡക്സ് മാതൃ നിഫ്റ്റി മിഡ് കാപ് 150 സൂചികയില്‍ നിന്ന് 50 കമ്പനികളെ തിരഞ്ഞെടുക്കുന്നു. അതിനാല്‍, അപകടസാധ്യതയുള്ളതും ഉയര്‍ന്ന റിട്ടേണ്‍ തന്ത്രവും പ്രയോജനപ്പെടുത്തി വലിയ വരുമാനം നേടാനുള്ള അവസരത്തോടെ, നാളത്തെ സാധ്യതയുള്ള മുന്‍നിരക്കാരെ സ്വന്തമാക്കാനുള്ള ലളിതമായ മാര്‍ഗം ഫണ്ട് നിക്ഷേപകര്‍ക്ക് വാഗ്ദാനം ചെയ്യുന്നു. നിഷ്‌ക്രിയ ഫണ്ടായതിനാല്‍, സജീവമായി കൈകാര്യം ചെയ്യുന്ന മിഡ്-ക്യാപ് ഫണ്ടുകളേക്കാള്‍ ചെലവു കുറവായിരിക്കും. പുതിയ ഫണ്ട് ഓഫര്‍ 18ന് ആരംഭിച്ച് 29ന് ക്ലോസ് ചെയ്യും.

TAGS: DSP Mutual Fund |