റിസർവ് ബാങ്ക് റിപ്പോ നിരക്കിൽ 0.35 ശതമാനം കുറവ് വരുത്തി

Posted on: August 7, 2019

മുംബൈ : റിസർവ് ബാങ്ക് റിപ്പോ നിരക്കിൽ 0.35 ശതമാനം കുറവ് വരുത്തി. റിപ്പോ നിരക്ക് നിലവിലെ 5.75 ശതമാനത്തിൽ നിന്ന് 5.40 ശതമാനമാകും. റിവേഴ്‌സ് റിപ്പോ നിരക്കിൽ (5.15 ശതമാനം) മാറ്റമില്ല. ഇതോടെ ബാങ്കുകൾ പലിശ വീണ്ടും കുറയ്ക്കും. ഇതോടെ പലിശനിരക്ക് 9 വർഷത്തെ ഏറ്റവും കുറഞ്ഞ നിലവാരത്തിൽ എത്തി.

രാജ്യത്തിന്റെ ജിഡിപി വളർച്ച 2019-20 ൽ നേരത്തെ വിലയിരുത്തിയ 7 ശതമാനത്തിൽ നിന്ന് 6.9 ശതമാനമായി പുനർ നിർണയിച്ചു. പണനയ അവലോകന സമിതിയിലെ നാല് പേര് 35 ബേസിസ് പോയിന്റും രണ്ട് പേർ 25 ബേസിസ് പോയിന്റും നിരക്കിളവിന് വോട്ട്‌ചെയ്തു.

ഒക്‌ടോബർ 1,3,4 തീയതികളിലാണ് റിസർവ് ബാങ്കിന്റെ അടുത്ത പണനയ അവലോകന സമിതിയോഗം.

TAGS: Monetary Policy | RBI Monetary Policy Committee | Reserve Bank Of India |