ആക്‌സിസ് ബാങ്ക് സ്വിഫ്റ്റ് ഇന്ത്യയുമായി ചേര്‍ന്ന് ഇ-ബാങ്ക് ഗ്യാരണ്ടി സംവിധാനം ലഭ്യമാക്കി

Posted on: June 16, 2023

കൊച്ചി: ആക്‌സിസ് ബാങ്ക് പൂര്‍ണമായും ഡിജിറ്റല്‍ ആയ ഇ-ബാങ്ക് ഗ്യാരണ്ടി സംവിധാനത്തിനു തുടക്കം കുറിച്ചു. സ്വിഫ്റ്റ് ഇന്ത്യയുമായി ചേര്‍ന്നാണ് ഈ മേഖലയിലെ ഇത്തരത്തിലെ ആദ്യ പദ്ധതിയായ ഇ-ബാങ്ക് ഗ്യാരണ്ടി നടപ്പാക്കുന്നത്. ഈ സംവിധാനം ആദ്യമായി പ്രയോജനപ്പെടുത്തുന്ന കോര്‍പറേറ്റ് സ്ഥാപനം ഗെയില്‍ ആണെന്നും ബാങ്ക് അറിയിച്ചു.

സുതാര്യവും തടസങ്ങളില്ലാത്തതുമായ ഇടപാടുകളാവും ഇ-ബാങ്ക് ഗ്യാരണ്ടി വഴി ഉറപ്പാക്കുക ഫിസിക്കല്‍ രേഖകള്‍ നല്‍കുന്ന പ്രക്രിയകള്‍ അടക്കം ഇല്ലാതാക്കുന്നതും ഓട്ടോമേറ്റഡ് രീതിയിലുള്ളതുമാണ് ഇ-ബാങ്ക് ഗ്യാരണ്ടി സംവിധാനം.

ഡിജിറ്റൈസേഷന്‍ കാര്യക്ഷമത വര്‍ദ്ധിപ്പിക്കുമെന്ന് ശക്തമായി വിശ്വസിക്കുന്നു. ട്രാന്‍സാക്ഷന്‍ ബാങ്കിംഗിലെ മുന്‍നിര ഡിജിറ്റല്‍ സംരംഭങ്ങളില്‍ ആക്‌സിസ് ബാങ്ക് എല്ലായ്‌പ്പോഴും മുന്‍പന്തിയിലാണ്. സേവനങ്ങള്‍ ലളിതമാക്കുന്നതിനാണ് തങ്ങള്‍ എപ്പോഴും ശ്രമിക്കുന്നതെന്നും സ്വിഫ്റ്റ് ഇന്ത്യയുടെ ശൃംഖല പ്രയോജനപ്പെടുത്തി ഈ സേവനങ്ങള്‍ നല്‍കുന്നതിനു തുടക്കം കുറിക്കാനായതില്‍ സന്തോഷമുണ്ടെന്നും ആക്‌സിസ് ബാങ്ക് ഹോള്‍സെയില്‍ ബാങ്കിങ് പ്രൊഡക്ട്‌സ് വിഭാഗം മേധാവിയും പ്രസിഡന്റുമായ വിവേക് ഗുപ്ത പറഞ്ഞു.

ആക്‌സിസ് ബാങ്കുമായും ഗെയിലുമായും ചേര്‍ന്നു പ്രവര്‍ത്തിക്കുന്നതില്‍ തങ്ങള്‍ക്ക് ആഹ്ലാദമുണ്ടെന്ന് സിഫ്റ്റ് ഇന്ത്യ സിഇഒ കിരണ്‍ ഷെട്ടി പറഞ്ഞു.

TAGS: Axis Bank | Swift India |