April 2024
കീപ്പ് റൈഡിംഗ് സംരംഭം വിപുലീകരിച്ച് ജാവ യെസ്ഡി
Posted on: December 22, 2023
കൊച്ചി : കീപ്പ് റൈഡിംഗ് സംരംഭത്തിന്റെ ഭാഗമായി ജാവ യെസ്ഡി മോട്ടോര്‍സൈക്കിള്‍സ് പുതിയ ഓഫറുകള്‍ പ്രഖ്യാപിച്ചു. 2023 ഡിസംബര്‍ 31ന് മുമ്പ് ഒരു ജാവാ 42 അല്ലെങ്കില്‍ യെസ്ഡി റോഡ്സ്റ്റര്‍ വാങ്ങുന്നവര്‍ക്ക് ആദ്യ മാസത്തെ ഇന്ധനം സൗജന്യമായി കമ്പനി നല്‍കും.
ജാവാ യെസ്ഡി മോട്ടോര്‍സൈക്കിള്‍സിന്റെ ഏറ്റവും ജനപ്രിയ മോഡലുകളാണ് ഇവ. ഈ ഐതിഹാസിക മോട്ടോര്‍സൈക്കിളുകള്‍ എല്ലാവര്‍ക്കും പ്രാപ്യമാക്കാനാണ് ഈ പ്രത്യേക ഓഫറുകളിലൂടെ ബ്രാന്‍ഡ് ലക്ഷ്യമിടുന്നത്. ജാവ 42, യെസ്ഡി റോഡ്സ്റ്റര്‍ എന്നിവ ബുക്ക് ചെയ്യുന്ന എല്ലാ ഉപഭോക്താക്കള്‍ക്കും കീപ്പ് റൈഡിങ് സംരംഭത്തിന് കീഴില്‍ 30,000 രൂപ വരെ ആനുകൂല്യങ്ങള്‍ ലഭിക്കും.
ആദ്യ മാസത്തെ ഇന്ധന ഇന്‍സെന്റീവിന് പുറമേ, ഈ ഉപഭോക്താക്കള്‍ക്ക് തിരഞ്ഞെടുത്ത റൈഡിംഗ് ഗിയറുകള്‍ക്കും ടൂറിംഗ് ആക്സസറികള്‍ക്കും 50% കിഴിവും, 4 വര്‍ഷം അല്ലെങ്കില്‍ 50,000 കിലോമീറ്റര്‍ സൗജന്യ വിപുലീകൃത വാറന്റിയും ലഭിക്കും. 10,000 രൂപ എക്സ്ചേഞ്ച് ബോണസും ആനുകൂല്യങ്ങളില്‍ ഉള്‍പ്പെടും. 1,888 രൂപയില്‍ ആരംഭിക്കുന്ന ഐഡിഎഫ്സി ബാങ്കില്‍ നിന്നുള്ള പ്രത്യേക ഇഎംഐ സ്‌കീമുകളും കമ്പനിക്കുണ്ട്.
ആദ്യ മാസത്തെ ഇന്ധന ഓഫര്‍ ഉള്‍പ്പെടെയുള്ള അനൂകൂല്യങ്ങളെ കുറിച്ച് കൂടുതല്‍ അറിയാനും, ഈ ഓഫറുകള്‍ ലഭിക്കുന്നതിനും ഉപഭോക്താക്കള്‍ക്ക് അടുത്തുള്ള ജാവ യെസ്ഡി മോട്ടോര്‍സൈക്കിള്‍ ഡീലര്‍ഷിപ്പ് സന്ദര്‍ശിക്കാം.