സെപ്റ്റംബറില്‍ ഹോണ്ട ഇരുചക്ര വാഹന വില്പന അഞ്ചു ലക്ഷം കടന്നു

Posted on: October 2, 2020

കൊച്ചി: ഹോണ്ട ഇരുചക്ര വാഹനങ്ങളുടെ ആഭ്യന്തര വില്പന തുടര്‍ച്ചയായ രണ്ടാം മാസത്തിലും മികച്ച വളര്‍ച്ച കൈവരിച്ചു. ആകെ വില്പന നാലു ലക്ഷം വാഹനങ്ങള്‍ എന്ന നാഴികക്കല്ലു കടന്ന ആഗസ്റ്റിനു ശേഷം സെപ്റ്റംബറില്‍ അഞ്ചു ലക്ഷം വാഹനങ്ങളുടെ വില്പനയും നേടി. കഴിഞ്ഞ വര്‍ഷം സെപ്റ്റംബറിനെ അപേക്ഷിച്ച് പത്തു ശതമാനം വളര്‍ച്ചയോടെ 5,00,887 വാഹനങ്ങളുടെ വില്പനയാണ് ഈ വര്‍ഷം സെപ്റ്റംബറില്‍ കൈവരിച്ചിട്ടുള്ളത്.

സെപ്റ്റംബറില്‍ ടെസ്റ്റ് റൈഡുകളുടെ കാര്യത്തില്‍ ശക്തമായ 75 ശതമാനം വളര്‍ച്ചയാണു കൈവരിച്ചതെന്ന് ഇതേക്കുറിച്ചു പ്രതികരിക്കവെ ഹോണ്ട മോട്ടോര്‍സൈക്കിള്‍ ആന്റ് സ്‌ക്കൂട്ടര്‍ ഇന്ത്യ വില്പന വിഭാഗം ഡയറക്ടര്‍ യാദ്വിന്ദര്‍ സിംഗ് ഗുലേറിയ ചൂണ്ടിക്കാട്ടി.

പുതിയ ഹൈനസ് സിബി350 ബ്രാന്‍ഡുമായി ആഗോള തലത്തില്‍ 350-500 സിസി വിഭാഗത്തിലുള്ള വിപുലീകരണത്തിനും ഹോണ്ട തുടക്കം കുറിച്ചിട്ടുണ്ട്.

TAGS: Honda |