May 2024
ഇന്ത്യയിൽ ആദ്യത്തെ ഗോ ദ ഡിസ്റ്റൻസ് ഫുട്ബോൾ പിച്ച് മുംബൈയ്ക്ക് സ്വന്തം
Posted on: January 22, 2016
മുംബൈ : അപ്പോളോ ടയേഴ്സ് ഇന്ത്യയിൽ നിർമ്മിച്ച ആദ്യത്തെ ഗോ ദ ഡിസ്റ്റൻസ് ഫുട്ബോൾ പിച്ച് മുംബൈയ്ക്ക് സ്വന്തം. പൂർണമായും റീസൈക്കിൾഡ് റബർ ഉപയോഗിച്ച് നിർമ്മിച്ച ലോകത്തിലെ രണ്ടാമത്തെ പിച്ചാണ് മുംബൈയിലേത്. ബ്രിട്ടണിൽ മാഞ്ചസ്റ്റർ യുണൈറ്റഡിന്റെ ഹോംടൗണായ ഓൾഡ് ട്രാഫോർഡിലാണ് ആദ്യത്തെ പിച്ച്.
അപ്പോളോ ടയേഴ്സ് ഏഷ്യ-പസഫിക്, മിഡിൽഈസ്റ്റ് ആൻഡ് ആഫ്രിക്ക പ്രസിഡന്റ് സതീഷ് ശർമ്മയും മാഞ്ചസ്റ്റർ യുണൈറ്റഡ് മുൻ ക്യാപ്റ്റനും ക്ലബ് അംബാസഡറുമായ ബ്രയാൻ റോബ്സണും ചേർന്ന് പിച്ചിന്റെ ഉദ്ഘാടനം നിർവഹിച്ചു.
അപ്പോള ടയേഴ്സിന്റെ ഉപയോഗ ശൂന്യമായ ടയറുകളിൽ നിന്ന് വേർതിരിച്ചെടുത്ത റബറാണ് പിച്ച് നിർമാണത്തിന് ഉപയോഗിച്ചിട്ടുള്ളതെന്ന് അപ്പോളോ ടയേഴ്സ് ഏഷ്യ-പസഫിക്, മിഡിൽഈസ്റ്റ് ആൻഡ് ആഫ്രിക്ക പ്രസിഡന്റ് സതീഷ് ശർമ്മ പറഞ്ഞു. 22,00 ടയറുകൾക്ക് തുല്യമായ ഏകദേശം 10 ടൺ റബർ ആണ് പിച്ച് നിർമാണത്തിന് വേണ്ടിവന്നത്. കിക് ഫോർ ഓൾ അക്കാദമിയുമായി ചേർന്നാണ് ഗോ ദ ഡിസ്റ്റൻസ് പിച്ചിന്റെ പരിപാലനവും നടത്തിപ്പും നിർവഹിക്കുന്നത്.
TAGS: Apollo Tyres | Bryan Robson | Indian Football | Kick For All Academy | Manchester United Football Club | Old Trafford | Recycled Rubber |