April 2024
മണപ്പുറം ഫിനാന്സ് ഡിജിറ്റല് സര്വകലാശാലയുമായി കൈകോര്ക്കുന്നു
Posted on: March 14, 2023
തൃശൂര് : നൂതന സാങ്കേതികവിദ്യകളില് നൈപുണ്യ പരിശീലനത്തിനും സാങ്കേതികവിദ്യാ സഹകരണത്തിനും മണപ്പുറം ഫിനാന്സ് ലിമിറ്റഡ് ഡിജിറ്റല് സര്വകലാശാലയുമായി (Digital University Kerala )ധാരണയിലെത്തി. മണപ്പുറം ഫിനാന്സ് എംഡിയും സിഇഒയുമായ വി. പി. നന്ദകുമാറും ഡിജിറ്റല് സര്വകലാശാല വൈസ് ചാന്സലര് ഡോ. സജി ഗോപിനാഥും ഇതു സംബന്ധിച്ച കരാര് ഒപ്പുവച്ചു. ഇതുപ്രകാരം മണപ്പുറം ജീവനക്കാര്ക്കായി ഡിജിറ്റല് സര്വകലാശാല പ്രത്യേക കോഴ്സുകള് രൂപകല്പ്പന ചെയ്തു നല്കും.
ബ്ലോക്ക്ചെയ്ന് അടക്കമുള്ള പുതിയ സാങ്കേതികവിദ്യകളെ അടിസ്ഥാനമാക്കിയുള്ള ഉല്പ്പന്നങ്ങള് വികസിപ്പിക്കുന്നതിനും സര്വകലാശാല മണപ്പുറം ഫിനാന്സിന് പിന്തുണ നല്കും. ഡിജിറ്റല് സര്വകലാശാല നല്കുന്ന കസ്റ്റമൈസ്ഡ് കോഴ്സുകളിലൂടെ മണപ്പുറം ഫിനാന്സ് ജീവനക്കാരുടെ ശേഷി വര്ധനവും നൈപുണ്യ പരിശീലനവുമാണ് ലക്ഷ്യമിടുന്നത്.
‘ഈ പങ്കാളിത്തം ആധുനിക സാങ്കേതികവിദ്യകളെ അടിസ്ഥാനമാക്കിയുള്ള പുതിയ ഉത്പ്പന്നങ്ങള് വികസിപ്പിക്കുന്നതിനും ജീവനക്കാരുടെ ഡിജിറ്റല് ശേഷികള് വര്ധിപ്പിക്കുന്നതിനും ഞങ്ങളെ സഹായിക്കും. അതിവേഗം മാറിക്കൊണ്ടിരിക്കുന്ന ഇന്നത്തെ ബിസിനസ്സ് പരിസ്ഥിതിയില് മത്സരാധിഷ്ഠിതവും പ്രസക്തവുമായി തുടരാന് സ്ഥാപനങ്ങളെ സഹായിക്കുന്നതില് ഡിജിറ്റല് വിദ്യാഭ്യാസത്തിന് വലിയ പ്രാധാന്യവും നിര്ണായക പങ്കുമുണ്ട്,’ മണപ്പുറം ഫിനാന്സ് എംഡിയും സിഇഒയുമായ വി.പി.നന്ദകുമാര് പറഞ്ഞു.
TAGS: Digital University | Manappuram Finance |
ചെറുകിട വ്യവസായ സംരംഭങ്ങളുടെ ഓഹരിവിപണി പ്രവേശനം കേരളത്തിനുള്ളത് മികച്ച സാധ്യതകള് – വിദഗ്ധര്
ബോ ടീ ലക്കി ഡ്രോ ടിക്കറ്റ് ചലഞ്ച് മന്ത്രി മുഹമ്മദ് റിയാസ് ഉദ്ഘാടനം ചെയ്തു
എംറൂബെ വ്യാപാര പ്ലാറ്റ്ഫോമിന്റെ വരുമാനത്തില് ഇരട്ടി വളര്ച്ച
ഇന്സ്റ്റിറ്റ്യൂട്ട് ഓഫ് റൂറല് മാനേജ്മന്റും ഇസാഫ് ഫൗണ്ടേഷനും ധാരണാപത്രത്തില് ഒപ്പുവച്ചു
മികച്ച പൊതുമേഖലാ സ്ഥാപനങ്ങള്ക്കുള്ള സംസ്ഥാന സര്ക്കാറിന്റെ അവാര്ഡുകള് വിതരണം ചെയ്തു