May 2024
കൊച്ചി ബിനാലെ സെമിനാർ നാളെ രാഷ്ട്രപതി ഉദ്ഘാടനം ചെയ്യും
Posted on: March 1, 2017
കൊച്ചി : കൊച്ചി ബിനാലെ ഫൗണ്ടേഷൻ നാളെ ഫോർട്ട്കൊച്ചി കബ്രാൾ യാർഡിൽ സംഘടിപ്പിക്കുന്ന സെമിനാർ രാഷ്ട്രപതി പ്രണബ് മുഖർജി ഉദ്ഘാടനം ചെയ്യും. പിന്നീട് ആസ്പിൻവാൾ ഹൗസിലെ ബിനാലെ പ്രദർശനങ്ങളും രാഷ്ട്രപതി സന്ദർശിക്കും.
വൈകുന്നേരം നാലിന് നടക്കുന്ന ഉദ്ഘാടന ചടങ്ങിൽ കേരള ഗവർണർ ജസ്റ്റീസ് പി സദാശിവം, മുഖ്യമന്ത്രി പിണറായി വിജയൻ തുടങ്ങിയവർ പങ്കെടുക്കും. സംസ്ഥാന ടൂറിസം മന്ത്രി കടകംപള്ളി സുരേന്ദ്രൻ സ്വാഗതം പറയും.
കൊച്ചി ബിനാലെ ഫൗണ്ടേഷൻ സെക്രട്ടറി റിയാസ് കോമു ആശംസപ്രഭാഷണം നടത്തും. ഫൗണ്ടേഷൻ പ്രസിഡന്റ് ബോസ് കൃഷ്ണമാചാരിയാണ് കൃതജ്ഞത അർപ്പിക്കുന്നത്. മേയർ സൗമിനി ജെയിൻ, കെ വി തോമസ് എം പി, കെ ജെ മാക്സി എംഎൽഎ, ടൂറിസം വകുപ്പ് പ്രിൻസിപ്പൽ സെക്രട്ടറി ഡോ വേണു വി തുടങ്ങിയവർ ചടങ്ങിൽ പങ്കെടുക്കും.
സുസ്ഥിര സാംസ്കാരിക നിർമ്മിതിയുടെ പ്രാധാന്യം എന്നതാണ് സെമിനാറിന്റെ വിഷയം. അശോക് വാജ്പേയി, റിയാസ് കോമു, കെ സച്ചിദാനന്ദൻ എന്നിവരാണ് സെമിനാറിൽ പങ്കെടുക്കുന്നത്. പ്രഫ എം വി നാരായണൻ മോഡറേറ്ററായിരിക്കും.
രാഷ്ട്രപതിയുടെ സന്ദർശനത്തോടനുബന്ധിച്ച് ബിനാലെ വേദികളായ ഫോർട്ട്കൊച്ചി ആസ്പിൻവാൾ ഹൗസ്, കബ്രാൾ യാർഡ് എന്നിവിടങ്ങളിൽ മാർച്ച് 2 വ്യാഴാഴ്ച പൊതുജനങ്ങൾക്ക് സന്ദർശനം അനുവദിക്കില്ല. എന്നാൽ മറ്റു ബിനാലെ വേദികൾ സന്ദർശിക്കാൻ തടസമില്ല.
TAGS: Kochi Biennale Foundation |
പാല് സംഭരണത്തില് 6.50 ലക്ഷം ലീറ്ററിന്റെ കുറവ
മലയാളികള്ക്ക് പ്രിയം വിദേശ അവക്കാഡോ, കേരളത്തിലേക്കുള്ള വരവ് കൂടുന്നു
ചെറുകിട വ്യവസായ സംരംഭങ്ങളുടെ ഓഹരിവിപണി പ്രവേശനം കേരളത്തിനുള്ളത് മികച്ച സാധ്യതകള് – വിദഗ്ധര്
ബോ ടീ ലക്കി ഡ്രോ ടിക്കറ്റ് ചലഞ്ച് മന്ത്രി മുഹമ്മദ് റിയാസ് ഉദ്ഘാടനം ചെയ്തു
എംറൂബെ വ്യാപാര പ്ലാറ്റ്ഫോമിന്റെ വരുമാനത്തില് ഇരട്ടി വളര്ച്ച