May 2024
മരട് പി.എസ് മിഷന്‍ ആശുപത്രിയിലെ ഹൃദ്രോഗ വിഭാഗ സേവനങ്ങള്‍ക്ക് ഇനി ആസ്റ്റര്‍ മെഡ്സിറ്റി നേതൃത്വം നല്‍കും.
Posted on: July 5, 2023
കൊച്ചി : ഹൃദ്രോഗ വിഭാഗത്തില്‍ നിലവാരമുള്ള ആരോഗ്യ സേവനങ്ങള്‍ ഉറപ്പാക്കാന്‍ കൈകോര്‍ത്ത് ആസ്റ്റര്‍ മെഡ്സിറ്റിയും മരട് പി.എസ് മിഷന്‍ ആശുപത്രിയും. ആസ്റ്റര്‍ മെഡ്സിറ്റിയിലെ കാര്‍ഡിയാക് സയന്‍സസ് വിഭാഗത്തിന്റെ മുഴുവന്‍ സമയസേവനം ഇനി മുതല്‍ മരട് പി.എസ് മിഷന്‍ ആശുപത്രിയില്‍ ലഭ്യമാകും. മരട് പിഎസ് മിഷന്‍ ആശുപത്രിയില്‍ നടന്ന ചടങ്ങില്‍ പദ്ധതിയുടെ ഉദ്ഘാടനം എറണാകുളം അസി. കമ്മീഷണര്‍ പി. രാജ്കുമാര്‍ നിര്‍വഹിച്ചു.
കാര്‍ഡിയോളജി വിഭാഗത്തിലെ ഒ.പി സേവനം മുതല്‍ എക്കോ, ടി.എം.ടി പരിശോധനകള്‍ , ആന്‍ജിയോഗ്രാം, ആന്‍ജിയോപ്ലാസ്റ്റി, കാര്‍ഡിയാക് ഐ.സി.യു. പ്രൈമറി ആന്‍ജിയോപ്ലാസ്റ്റി, പ്രിവന്റീവ് കാര്‍ഡിയോളജി ഉള്‍പ്പടെ ആധുനിക സൗകര്യങ്ങളുള്ള കാത്ത് ലാബും ഒരുക്കിയിട്ടുണ്ട്. ആസ്റ്റര്‍ മെഡ്സിറ്റിയിലെ ഇന്റര്‍വെന്‍ഷനല്‍ കാര്‍ഡിയോളജി വിഭാഗം കണ്‍സള്‍ട്ടന്റായ ഡോ. എം.ഡി സുധീറിന്റെ മുഴുവന്‍ സമയ സേവനവും ഇവിടെ ലഭ്യമാക്കും. ആസ്റ്റര്‍ മെഡ്സിറ്റിയിലെ കാത്ത് ലാബ് ടെക്‌നീഷ്യന്റെ സേവനവും ഉണ്ടാകും.
പൊതുജനങ്ങള്‍ക്ക് ഏറ്റവും മികച്ച സേവനം നല്‍കുക എന്ന ലക്ഷ്യത്തോടെ ആസ്റ്റര്‍ മെഡ്സിറ്റിയും പി.എസ് മിഷനും സഹകരിക്കുന്നത് ഇത് ആദ്യമല്ല. കഴിഞ്ഞ ഡിസംബറില്‍ പി.എസ് മിഷന്‍ ആശുപത്രിയിലെ അത്യാഹിത വിഭാഗത്തിന്റെ പ്രവര്‍ത്തനങ്ങള്‍ ആസ്റ്റര്‍ മെഡ്സിറ്റി ഏറ്റെടുത്തിരുന്നു. ഇതിന് മികച്ച പ്രതികരണം ലഭിച്ചതോടെയാണ് കാര്‍ഡിയാക് സേവനം കൂടി വ്യാപിപ്പിക്കാന്‍ തീരുമാനിച്ചത്.
ആസ്റ്റര്‍ മെഡ്സിറ്റിയിലെ ഏറ്റവും നൂതനമായ ചികിത്സ മറ്റു ആശുപത്രികളിലേക്ക് കൂടി വ്യാപിപ്പിക്കുന്നതില്‍ സന്തോഷമുണ്ടെന്നും എല്ലാവര്‍ക്കും മികച്ച ചികിത്സ നല്‍കുക എന്നതാണ് തങ്ങളുടെ ലക്ഷ്യമെന്ന് ആസ്റ്റര്‍ ഇന്ത്യ വൈസ് പ്രസിഡന്റ് ഫര്‍ഹാന്‍ യാസീന്‍ പറഞ്ഞു.
രോഗികള്‍ക്ക് ഏറ്റവും മികച്ച ലോകോത്തര ചികിത്സ ഉറപ്പു വരുത്തുന്നതിനായി ചെറിയ ആശുപത്രികളെ ഉള്‍പ്പടെ ശാക്തീകരിക്കുക എന്നതാണ് തങ്ങളുടെ നയമെന്ന് ആസ്റ്റര്‍ മെഡ്സിറ്റി കാര്‍ഡിയോളജി വിഭാഗം ലീഡ് സീനിയര്‍ കണ്‍സല്‍ട്ടന്റ് ഡോ.അനില്‍കുമാര്‍ വ്യക്തമാക്കി.
ഉദ്ഘാടനത്തോടനുബന്ധിച്ച് നടന്ന വാര്‍ത്താ സമ്മേളനത്തില്‍ ആസ്റ്റര്‍ ഡി.എം ഹെല്‍ത്ത്കെയര്‍ ഇന്ത്യ വൈസ് പ്രസിഡന്റ് ഫര്‍ഹാന്‍ യാസിന്‍, ആസ്റ്റര്‍ മെഡ്സിറ്റി കാര്‍ഡിയോളജി വിഭാഗം ലീഡ് സീനിയര്‍ കണ്‍സല്‍ട്ടന്റ് ഡോ. അനില്‍കുമാര്‍ ആര്‍, കണ്‍സല്‍ട്ടന്റ് ഡോ. സന്ദീപ് ആര്‍, കണ്‍സള്‍ട്ടന്റായ ഡോ. എം.ഡി സുധീര്‍, പി.എസ് മിഷന്‍ ആശുപത്രിയിലെ ഡയറക്ടറും കാര്‍ഡിയോളജിസ്റ്റുമായ ഡോ. സിസ്റ്റര്‍ ആനി ഷീല, മെഡിക്കല്‍ മിഷന്‍ ഡയറക്ടര്‍ ഡോ. കുഞ്ഞുമോന്‍ സെബാസ്റ്റ്യന്‍ തുടങ്ങിയവര്‍ സംസാരിച്ചു.
TAGS: Aster Medcity | Aster Medcity Will Now Lead The Services Of The Cardiology Department Of Maradu PS Mission Hospital | Maradu PS Mission Hospital |
കൃത്രിമ ശ്വാസകോശം രൂപകല്പ്പന ചെയ്ത് നിര്‍മിക്കാന്‍ പദ്ധതിയുമായി ട്രൂമെഡ് ഗ്രൂപ്പ
റിത്വികക്ക് കാരുണ്യ കടലായി ആസ്റ്റര്‍ മെഡ്സിറ്റി
ന്യൂറോ സര്‍ജറി മേഖലയിലെ നൂതന അറിവുകള്‍ പങ്കുവെക്കാന്‍ അവസരമൊരുക്കി ആസ്റ്റര്‍ മെഡ്സിറ്റി
ഉയര്‍ന്ന അപകട സാധ്യതയുള്ള ഗര്‍ഭാവസ്ഥയ്ക്ക് വിദഗ്ധ പരിചരണം നല്‍കി മംഗലാപുരം കെഎംസി ഹോസ്പിറ്റല്‍