April 2024
സെക്യേര്ഡ് എന്സിഡി വഴി മുത്തൂറ്റ് ഫിനാന്സ് 2000 കോടി രൂപ സമാഹരിക്കും
Posted on: October 27, 2020
കൊച്ചി : മുത്തൂറ്റ് ഫിനാന്സ് സെക്യേര്ഡ് എന്സിഡി വഴി രണ്ടായിരം കോടി രൂപ സമാഹരിക്കും. ഒക്ടോബര് 27 മുതല് നവംബര് 20 വരെയാണ് അപേക്ഷിക്കാനാവുക. തങ്ങളുടെ പബ്ലിക് ഇഷ്യൂവിന്റെ 23-ാമത് സീരിസ് വഴി ആയിരം രൂപ വീതം മുഖവിലയുള്ള എന്സിഡികളാണ് വിതരണം ചെയ്യുന്നത്. നൂറു കോടി രൂപയുടെ ഈ ഇഷ്യുവിലെ 1900 കോടി രൂപ വരെയുള്ള അധിക സമാഹരണവും കൈവശം വെക്കാന് സാധിക്കും. ഈ കടപത്രങ്ങള് ബിഎസ്ഇയില് ലിസ്റ്റു ചെയ്യാനും ഉദ്ദേശിക്കുന്നുണ്ട്.
ക്രിസില് എഎ/പോസിറ്റീവ് റേറ്റിങും ഐസിആര്എ എഎ സ്റ്റേബിള് റേറ്റിങും ഉണ്ട്. 7.15 ശതമാനം മുതല് എട്ടു ശതമാനം വരെ കൂപ്പണ് നിരക്കുകള് ഉള്ള ആറു വ്യത്യസ്ത നിക്ഷേപ പദ്ധതികളാണ് ഇഷ്യുവില് ലഭ്യമായിട്ടുള്ളത്. പലിശ നിരക്കുകള് കുറഞ്ഞിരിക്കുകയും ഇനിയും താഴുമെന്നു പ്രതീക്ഷിക്കുകയും ചെയ്യുന്ന ഇപ്പോഴത്തെ സാഹചര്യത്തില് തങ്ങളുടെ ഇഷ്യു നിക്ഷേപകര്ക്ക് ഉയര്ന്ന വരുമാനത്തോടു കൂടിയ സുരക്ഷിതമായ ദീര്ഘകാല നിക്ഷേപ സാധ്യതകളാണു നല്കുന്നതെന്ന് മാനേജിങ് ഡയറക്ടര് ജോര്ജ്ജ് അലക്സാണ്ടര് മുത്തൂറ്റ് പറഞ്ഞു. കമ്പനിയുടെ വായ്പാ പ്രവര്ത്തനങ്ങള്ക്കായിരിക്കും ഇഷ്യു വഴി ലഭിക്കുന്ന പണം പ്രാഥമികമായി ഉപയോഗിക്കുക.
TAGS: Muthoot Finance |
യുടിഐ വാല്യൂ ഫണ്ട് കൈകാര്യം ചെയ്യുന്ന ആസ്തികള് 8500 കോടി രൂപ
പിരാമല് ഫിനാന്സ് ഈ സാമ്പത്തിക വര്ഷം സ്വര്ണ പണയ, മൈക്രോ വായ്പ മേഖലകളിലേക്ക്
ബന്ധന് ഇന്നൊവേഷന് ഫണ്ടുമായി ബന്ധന് മ്യൂച്വല് ഫണ്ട്
മികച്ച സ്ഥിര നിക്ഷേപം നടത്താന് സഹായവുമായി ഇന്ക്രെഡ് മണി
വൈവിധ്യമാര്ന്ന നിക്ഷേപത്തിലൂടെ നേട്ടമുണ്ടാക്കാന് യുടിഐ ലാര്ജ് ആന്ഡ് മിഡ് ക്യാപ് ഫണ്ട്