ഐബിഎംസി ഡിജിറ്റൽ ഗോൾഡ് കറൻസി ഇന്ത്യയിൽ അവതരിപ്പിച്ചു

Posted on: June 24, 2020

കൊച്ചി : ഐബിഎംസി ഫിനാൻഷ്യൽ പ്രൊഫഷണൽസ് ഗ്രൂപ്പ് യുഎസ് ഗോൾഡ് കറൻസി ഇൻകോ., ബ്ലോക്ക് ഫിൽസ് എന്നിവരുമായി കൈകോർത്ത് രാജ്യത്തെ ആദ്യ ഗോൾഡ് ബാക്ക്ഡ് ഡിജിറ്റൽ ഗോൾഡ് കറൻസി ഇന്ത്യയിൽ അവതരിപ്പിച്ചു. ജി സി സി, മിഡിൽ ഈസ്റ്റ്, ആഫ്രിക്ക എന്നിവിടങ്ങളിലും ഒരേ സമയം ഗോൾഡ് കറൻസി അവതരിപ്പിച്ചു.

യു എസ് ഗോൾഡ് ഡിജിറ്റൽ കറൻസി വിതരണക്കാരായ യു എസ് ഗോൾഡ് കറൻസി ഇൻകോ., ട്രാൻസാക്ഷൻ പ്ലാറ്റ്ഫോം ദാതാക്കളായ ബ്ലോക്ക് ഫിൽസ് എന്നിവരുമായി പ്രത്യേക പങ്കാളിത്തം ഉറപ്പാക്കിയാണ് ഐബിഎംസി സേവനം എത്തിക്കുന്നത്. ഓരോ യു എസ് ഡിജിറ്റൽ ഗോൾഡ് കറൻസിയും ബാക്ക് ചെയ്യുന്നത് യു എസ് അമേരിക്കൻ ഈഗിൾ വൺ ഔൺസ് (33.931 ഗ്രാം) ഗോൾഡ് കോയിനാണ്. യു എസ് ഫെഡറൽ ഏജൻസിയായ യു എസ് മിന്റ് ആണ് ഇത് നാണയമാക്കുന്നത്. കറൻസി കൈവശമുള്ളവർക്ക് അവരുടെ ഡിജിറ്റൽ ആസ്തി ലോകത്തെവിടെയും ഗോൾഡ് കോയിനായോ യു എസ് ഡോളറായോ മാറ്റാം. റീട്ടെയ്ൽ, കോർപ്പറേറ്റ് നിക്ഷേപകർ, ബാങ്കുകൾ, ധനകാര്യ സ്ഥാപനങ്ങൾ, ട്രഷറികൾക്കായുള്ള പരമാധികാര വെൽത്ത് ഫണ്ടുകൾ, അസറ്റ് മാനേജ്മെന്റ് കമ്പനികൾ തുടങ്ങിയവയ്ക്കായാണ് ഐബിഎംസി ഡിജിറ്റൽ ആസ്തി അവതരിപ്പിച്ചിരിക്കുന്നത്.

പ്രത്യേകം ഒരുക്കിയ ഹൈബ്രിഡ് ചടങ്ങിൽ ഐബിഎംസി ഗ്രൂപ്പ് ചെയർമാൻ ഷെയ്ഖ് ഖാലിദ് ബിൻ അഹമ്മദ് അൽ ഹാമിദ്, സിഇഒയും മാനേജിംഗ് ഡയറക്ടറുമായ പി.കെ. സജിത്കുമാർ എന്നിവർ ചേർന്നാണ് ഡിജിറ്റൽ ഗോൾഡ് കറൻസി അവതരിപ്പിച്ചത്. യു എസ് ഗോൾഡ് കറൻസി സ്ഥാപകൻ മാർക്ക് ബെൻസൺ മുഖ്യപ്രഭാഷണം നടത്തി. യു എസ് ഗോൾഡ് കറൻസിയെ കുറിച്ച് ലോറൻസ് എസ ഡെബ്രി സംസാരിക്കും. മൈക്ക് പേഴ്സൺ, ഡോ. അബ്ദുൾ ഡെവല് മുഹമ്മദ്, ഐബിഎംസി ഗ്ലോബൽ സിബി ഒയും എക്‌സിക്യൂട്ടീവ് ഡയറക്ടറുമായ പി.എസ്. അനൂപ് എന്നിവർ ചടങ്ങിൽ പങ്കെടുത്തു.

TAGS: Digital Gold Currency | IBMC |