May 2024
കോവിഡ് രോഗികള്ക്ക് 10 ലക്ഷം രൂപയുടെ ചികിത്സാ സഹായവുമായി കല്യാണ് ജുവല്ലേഴ്സ്
Posted on: May 4, 2021
തൃശൂര്: വിശ്വാസ്യതയാര്ന്ന പ്രമുഖ ആഭരണ ബ്രാന്ഡായ കല്യാണ് ജൂവലേഴ്സ് തൃശൂര് അമല ആശുപത്രിയുമായി ചേര്ന്ന് 200 കോവിഡ് രോഗികള്ക്ക് ചികിത്സാസഹായം ലഭ്യമാക്കുന്നു. സാമ്പത്തികമായി പിന്നോക്കം നില്ക്കുന്ന കോവിഡ് ബാധിതര്ക്ക് ചികിത്സാസഹായം ലഭ്യമാക്കുന്ന ഈ പദ്ധതിക്കായി പത്ത് ലക്ഷം രൂപയാണ് കല്യാണ് ജൂവലേഴ്സ് മാറ്റിവെച്ചിരിക്കുന്നത്.
അമല ആശൂപത്രിയുടെ ഐസിയുവില് ചികിത്സയിലിരിക്കുന്ന 20 രോഗികള്ക്കും വാര്ഡില് ചികിത്സയിലിരിക്കുന്ന 180 രോഗികള്ക്കുമാണ് സഹായം ലഭ്യമാക്കുന്നത്. അമല ആശുപത്രി നിര്ദ്ദേശിക്കുന്ന സാമ്പത്തികമായി പിന്നോക്കം നില്ക്കുന്ന കോവിഡ് രോഗികള്ക്ക് അവരുടെ ചികിത്സാചെലവിന്റെ ഒരു നിശ്ചിത ശതമാനമാണ് കല്യാണ് ജൂവലേഴ്സ് നല്കുക.
മഹാമാരിയുടെ ഈ പ്രതിസന്ധികാലത്ത് അര്ഹരായവരിലേക്ക് സഹായമെത്തിക്കേണ്ടത് കടമയായി കരുതുന്നുവെന്ന് കല്യാണ് ജൂവലേഴ്സ് ചെയര്മാനും മാനേജിംഗ് ഡയറക്ടറുമായ ടി.എസ്. കല്യാണരാമന് പറഞ്ഞു. ആതുരസേവനരംഗത്ത് മികച്ച പാരമ്പര്യമുള്ള തൃശൂര് അമല ആശുപത്രിയുമായി ചേര്ന്ന് പ്രവര്ത്തിക്കുന്നതില് ഏറെ സന്തോഷമുണ്ടെന്നും അദ്ദേഹം പറഞ്ഞു.
സാമ്പത്തികമായി പിന്നോക്കം നില്ക്കുന്ന കോവിഡ് രോഗികള്ക്ക് പിന്തുണ നല്കുവാന് തയ്യാറായ കല്യാണ് ജൂവലേഴ്സ് മാനേജ്മെന്റിനെ അഭിനന്ദിക്കുന്നുവെന്ന് അമല ആശുപത്രി ഡയറക്ടര് ഫാ. ജൂലിയസ് അറയ്ക്കല് സിഎംഐ പറഞ്ഞു.
TAGS: Kalyan Jewellers | Kalyan Jewellers CSR |
ജൂബിലി മിഷന് ഹോസ്പിറ്റലിലേക്ക് ഡയാലിസിസ് യൂണിറ്റ് നല്കി മണപ്പുറം ഫൗണ്ടേഷന്
വലപ്പാട് പഞ്ചായത്തിലേക്ക് സി സി ടി വി ക്യാമറകള് നല്കി മണപ്പുറം ഫൗണ്ടേഷന്
ശ്രീലക്ഷ്മിയുടെ സ്വപ്നങ്ങള്ക്ക് മണപ്പുറം തറക്കല്ലിട്ടു
കണ്വര്ജന്സ് 2024: കരുതലായി മണപ്പുറം ഫൗണ്ടേഷന്
തെലങ്കാനയില് മലബാര് ഗ്രൂപ്പിന്റെ ഗ്രാന്മ ഹോം പദ്ധതിക്ക് തുടക്കമായി