May 2024
ആഗോള റീട്ടെയ്ൽ സ്ഥാപനങ്ങളുടെ പട്ടികയിൽ ലുലു ഗ്രൂപ്പും
Posted on: July 6, 2021
കൊച്ചി : പ്രമുഖ ഓഡിറ്റ് സ്ഥാപനമായ ഡിലോയിറ്റ് പ്രസിദ്ധീകരിച്ച 2021-ലെ ആഗോള റീട്ടെയ്ല്
സ്ഥാപനങ്ങളുടെ പട്ടികയില് പ്രമുഖ മലയാളി വ്യവസായി എം.എ. യൂസഫലിയുടെ ലുലു ഗ്രൂപ്പും.
അമേരിക്കന് സ്ഥാപനങ്ങളായ വാള്മാര്ട്ട്, ആമസാണ്, കോസ്റ്റ്കോ എന്നിവ പട്ടികയില് ആദ്യ മൂന്നു സ്ഥാനങ്ങളിലെത്തിയപ്പോള് ജര്മന് കമ്പനിയായ ഷ്വാര്സ് ഗ്രൂപ്പാണ് നാലാമത്. അമേരിക്കയില് തന്നെയുള്ള പ്രോഗറാണ് അഞ്ചാമത്. ഗരാഫ് മേഖലയില് നിന്ന് ലുലുവിനു പുറമെ മാജിദ് അല് ഫുത്തം (ക്യാരിഫര്) മാത്രമാണ് പട്ടികയില് ഇടംപിടിച്ചത്. ഇന്ത്യയില്നിന്ന് റിലയന്സ് റീട്ടെയ്ലും ഇടംപിടിച്ചിട്ടുണ്ട്.
10 രാജ്യങ്ങളില് പ്രവര്ത്തനമുള്ള ലുലു ഗ്രൂപ്പിന് റിപ്പോര്ട്ട് പ്രകാരമുള്ള വിറ്റുവരവ് അഞ്ചുശതമാനം വാര്ഷിക വളര്ച്ചയോടെ 740 കോടി ഡോളറായി. ഏതാണ്ട് 55,000കോടി രൂപ.
കോവിഡ് വ്യാപനംആഗോള വാണിജ്യ വ്യവസായങ്ങളെ മന്ദഗതിയിലാക്കുമ്പോള് നാല് ഇ-കൊമേഴ്സ് സെ
ന്ററുകള് അടക്കം 26 പുതിയ ഹൈപ്പര് മാര്ക്കറ്റുകളാണ് ലുലു ഗ്രൂപ്പ് ഗള്ഫ് രാജ്യങ്ങള്, ഈജിപ്ത്,
ഇന്ഡൊനീഷ്യ, മലേഷ്യ എന്നിവിടങ്ങളിലായി 2020 മാര്ച്ചിനുശേഷം ആരംഭിച്ചത്. ഇക്കാലയളവില് മൂവായിരത്തോളം പേര്ക്ക് പുതുതായി തൊഴില് ലഭ്യമാക്കാനും കഴിഞ്ഞിട്ടുണ്ടെന്ന് ലുലുഗ്രൂപ്പ് ചെയര്മാന് എം.എ. യൂസ്ഫലി പറഞ്ഞു.
രണ്ട് വര്ഷത്തിനുള്ളില് 30പുതിയ ഹൈപ്പര് മാര്ക്കറ്റുകള് ആരംഭിക്കുന്നതിനോടൊപ്പംഇ-കൊമേഴ്സിലെ സാന്നിധ്യം ശക്തിപ്പെടുത്തുമെന്നും അദ്ദേഹം പറഞ്ഞു. ഇതിന്റെ ഭാഗമായി കൊച്ചിയില് അത്യാധുനിക ഓണ്ലൈന് ഷോപ്പിംഗ് ആപ്പ് ഈയിടെ അവതരിപ്പിച്ചു.
TAGS: Lulu Group | M A Yusaf Alif |
ട്രാന്സിപ്മെന്റ് തുറമുഖമായി പ്രവര്ത്തിക്കാന് വിഴിഞ്ഞത്തിന് അനുമതി
യുഎഇയുമായുള്ള ഇന്ത്യയുടെ വ്യാപാര ഇടപാട് 15 ശതമാനം വര്ധിച്ചു
നിഫ്റ്റി നെക്സ്റ്റ് 50 ഇന്ഡക്സിലെ ഡെറിവേറ്റീവിന് ഏപ്രില് 24 മുതല് തുടക്കം
മ്യൂച്വല് ഫണ്ട് ആസ്തിയില് റെക്കോര്ഡ് വര്ധന