May 2024
ആഗോള റീട്ടെയ്ല് കമ്പനികളുടെ പട്ടികയില് ലുലു ഗ്രൂപ്പും
Posted on: August 11, 2020
ദുബായ് : ആഗോള റീട്ടെയില് മേഖലയിലെ മുന്നിര കമ്പനികളുടെ പട്ടികയില് യു.എ.ഇ.യില് നിന്ന് ലുലു ഹൈപ്പര്മാര്ക്കറ്റും മാജിദ് അല് ഫുത്തൈം ഗ്രൂപ്പിന്റെ ക്യാരിഫോറും ഇടം പിടിച്ചു. പ്രമുഖ ഓഡിറ്റ് സ്ഥാപനമായ ഡിലോയിറ്റാണ് പട്ടിക പ്രസിദ്ധികരിച്ചത്.
അമേരിക്കന് കമ്പനിയായ വാള് മാര്ട്ടാണ് പട്ടികയില് മുന്നില്. ഇന്ത്യയിലെ റിലയന്സ് റീട്ടെയും പട്ടികയിലുണ്ട്.
പട്ടികയില് ഇടംപിടിച്ച മലയാളി ഉടമസതയിലുള്ള ഏക സ്ഥാപനവും ലുലുവാണ്, അബുദാബി ആസ്ഥാനമായ ലുലു ഗ്രൂപ്പ് വിവിധ രാജ്യങ്ങളിലായി കൂടുതല് ഹൈപ്പര്മാര്ക്കറ്റുകള് ആരംഭിക്കാനുള്ള പ്രവര്ത്തനങ്ങളിലാണ്. കഴിഞ്ഞ രണ്ടാഴ്ചയ്ക്കുള്ളില് മൂന്ന് ഹൈപ്പര്മാര്ക്കറ്റുകളാണ് വിവിധ രാജ്യങ്ങളിലായി ലുലൂ ആരംഭിച്ചത്. അബുദാബി, ഈജിപ്തിലെ കയ്റോ, ഇന്ഡൊനീഷ്യയിലെ ജക്കാര്ത്ത എന്നിവിടങ്ങളിലാണിത്. യു.എ.ഇ.യില് മാത്രം ഒരു വര്ഷത്തിനുള്ളില് എട്ടു മുതല് 12 വരെ
ഹൈപ്പര്മാര്ക്കറ്റ് ആരംഭിക്കുന്നതിനുള്ള പ്രവര്ത്തനങ്ങളാണ് ഇപ്പോള് നടക്കുന്നതെന്ന് ലുലു ഗ്രൂപ്പ് ചെയര്മാന് എം.എ. യൂസഫലി പറഞ്ഞു.
ഇതു കൂടാതെ മറ്റ് ജി.സി.സി. രാജ്യങ്ങള്, ഈജിപ്ത്, ഇന്ഡൊനീഷ്യ, മലേഷ്യ എന്നിവിടങ്ങളിലും ഹൈപ്പര്മാര്ക്കറ്റുകള് തുടങ്ങും. കോവിഡിന്റെ വ്യാപനം വെല്ലുവിളികള് ഉയര്ത്തിയിട്ടുണ്ടെങ്കിലും കുടുതല് ഹൈപ്പര് മാര്ക്കറ്റുകള് ആരംഭിച്ചു കൊണ്ട് പ്രവര്ത്തനം വിപുലീകരിക്കുവാനാണ് ഉദ്ദേശിക്കുന്ന
തെന്ന് യൂസഫലി പറഞ്ഞു.
കേരളത്തിലെ വിവിധ ജില്ലകളിലും ലുലു ഹൈപ്പര്മാര്ക്കറ്റ് ആരംഭിക്കാന് ഉദ്ദേശിക്കുന്നുണ്ട്. ആയൂര്, കോട്ടയം, കാസര്കോട്, പെരിന്തല്മണ്ണ, പാലക്കാട്, കോഴിക്കോട് എന്നിവിടങ്ങളിലാണ് ആദ്യഘട്ടത്തില് പദ്ധതിയിടുന്നത്. ഇതുമായി ബന്ധപ്പെട്ട പ്രാരംഭനടപടികള് ആരംഭിച്ചെന്നും അദ്ദേഹം അറിയിച്ചു.
TAGS: Global Retail Sector | Lulu Group | M.A. Yusuffali |
ട്രാന്സിപ്മെന്റ് തുറമുഖമായി പ്രവര്ത്തിക്കാന് വിഴിഞ്ഞത്തിന് അനുമതി
യുഎഇയുമായുള്ള ഇന്ത്യയുടെ വ്യാപാര ഇടപാട് 15 ശതമാനം വര്ധിച്ചു
നിഫ്റ്റി നെക്സ്റ്റ് 50 ഇന്ഡക്സിലെ ഡെറിവേറ്റീവിന് ഏപ്രില് 24 മുതല് തുടക്കം
മ്യൂച്വല് ഫണ്ട് ആസ്തിയില് റെക്കോര്ഡ് വര്ധന