May 2024
ജനറല്‍ അറ്റ്‌ലാന്റിക് 1.34% ഓഹരികള്‍ക്കായി ജിയോ പ്ലാറ്റ്ഫോമില്‍ 6,598.38 കോടി രൂപ നിക്ഷേപിക്കും
Posted on: May 18, 2020
മുംബൈ : ആഗോള ഇക്വിറ്റി കമ്പനിയായ ജനറല്‍ അറ്റ്‌ലാന്റിക് ജിയോ പ്ലാറ്റഫോംസില്‍ 6598.38കോടി രൂപ നിക്ഷേപിക്കും. ജനറല്‍ അറ്റ്‌ലാന്റികിന്റെ നിക്ഷേപം 1.34% ഓഹരിയിലേക്ക് വിവര്‍ത്തനം ചെയ്യും.
ഈ നിക്ഷേപത്തോടെ കഴിഞ്ഞ നാലാഴ്ചയില്‍ പ്രമുഖ സാങ്കേതിക നിക്ഷേപകരില്‍ നിന്ന് 67194.75 കോടി രൂപ ജിയോ സമാഹരിച്ചു. കഴിഞ്ഞ നാലാഴ്ചക്കിടെ ജനറല്‍ അറ്റ്‌ലാന്റിക് ഉള്‍പ്പടെ ഫേസ്ബുക്, സില്‍വര്‍ ലേക്ക്, വിസ്റ്റ ഇക്വിറ്റി തുടങ്ങിയ കമ്പനികള്‍ ജിയോയില്‍ നിക്ഷേപിച്ചു.
388 ദശലക്ഷത്തിലധികം സബ്സ്‌ക്രൈബര്‍മാരുള്ള ഇന്ത്യയിലുടനീളം ഉയര്‍ന്ന നിലവാരമുള്ള ഡിജിറ്റല്‍ സേവനങ്ങള്‍ നല്‍കുന്നതില്‍ ശ്രദ്ധ കേന്ദ്രീകരിച്ച സാങ്കേതിക പ്ലാറ്റ്‌ഫോമാണ് ജിയോ പ്ലാറ്റഫോംസ്. ചെറുകിട വ്യാപാരികള്‍, മൈക്രോ ബിസിനസുകള്‍, കൃഷിക്കാര്‍ എന്നിവരുള്‍പ്പെടെ രാജ്യത്തുടനീളമുള്ള 1.3 ബില്യണ്‍ ആളുകള്‍ക്കും ബിസിനസുകള്‍ക്കുമായി ഒരു ഡിജിറ്റല്‍ ഇന്ത്യയെ പ്രാപ്തമാക്കുക എന്നതാണ് ജിയോയുടെ ദൗത്യം.
ടെക്‌നോളജി, കണ്‍സ്യൂമര്‍, ഫിനാന്‍ഷ്യല്‍ സര്‍വീസസ്, ഹെല്‍ത്ത് കെയര്‍ മേഖലകളില്‍ നിക്ഷേപം നടത്തിയതിന്റെ 40 വര്‍ഷത്തെ ട്രാക്ക് റെക്കോര്‍ഡുള്ള ഒരു പ്രമുഖ ആഗോള വളര്‍ച്ചാ ഇക്വിറ്റി സ്ഥാപനമാണ് ജനറല്‍ അറ്റ്‌ലാന്റിക്. എയര്‍ ബിഎന്‍ബി, അലിബാബ, ആന്റ് ഫിനാന്‍ഷ്യല്‍, ബോക്‌സ്, ബൈറ്റ്ഡാന്‍സ്, ഫേസ്ബുക്,സ്ലാക്ക്, സ്‌നാപ്ചാറ്റ്, യൂബര്‍ എന്നി ആഗോള കമ്പനികളില്‍ ജനറല്‍ അറ്റ്‌ലാന്റിക് നേരത്തെ നിക്ഷേപം നടത്തിയിട്ടുണ്ട്.
കുറച്ചു പതിറ്റാണ്ടുകള്‍ മുതല്‍ ജനറല്‍ അറ്റ്‌ലാന്റിക്കിന്റെ പ്രവര്‍ത്തങ്ങള്‍ ഞാന്‍ ശ്രദ്ദിച്ചുവരികയാണ് പ്രത്ത്യേകിച്ചും ഇന്ത്യയുടെ വലിയ വളര്‍ച്ചയില്‍ ആവര്‍ക്കുള്ള വിശ്വാസത. അവരും ഞങ്ങളെ പോലെ 1.3 ബില്യണ്‍ ഇന്ത്യക്കാരുടെ ജീവിതത്തെ സമ്പന്നമാക്കാന്‍ ഡിജിറ്റല്‍ ശാക്തീകരണം അനിവാര്യമാണെന്ന് കാഴച്ചപ്പാടില്‍ ഉറച്ചു വിശ്വസിക്കുന്നു എന്ന് ജനറല്‍ അറ്റ്‌ലാന്റിക്കിനെ റിലയന്‍സില്‍ സ്വാഗതം ചെയ്തുകൊണ്ട് ചെയര്‍മാന്‍ മുകേഷ് അംബാനി പറഞ്ഞു.
ആഗോള സാങ്കേതിക നേതാക്കളുടെയും ദര്‍ശനാത്മക സംരംഭകരുടെയും ദീര്‍ഘകാല പിന്തുണക്കാര്‍ എന്ന നിലയില്‍, ജിയോയില്‍ നിക്ഷേപിക്കുന്നതില്‍ ഞങ്ങള്‍ ആവേശഭരിതരാണ്. ഇന്ത്യന്‍ സമ്പദ്വ്യവസ്ഥയെ ഗണ്യമായി ത്വരിതപ്പെടുത്താനും രാജ്യത്തുടനീളം വളര്‍ച്ച കൈവരിക്കാനും ഡിജിറ്റല്‍ കണക്റ്റിവിറ്റിക്ക് കഴിവുണ്ടെന്ന മുകേഷിന്റെ ദൃഢവിശ്വാസം ഞങ്ങളും പങ്കിടുന്നു എന്ന് ജനറല്‍ അറ്റ്‌ലാന്റിക് സി.ഇ.ഓ ബില്‍ ഫോര്‍ഡ് പറഞ്ഞു.
TAGS: General Atlantic | Jio Platforms | Reliance Industries |