May 2024
സിഎസ്ആറിന് പ്രത്യേക കമ്പനിയുമായി എസ് ബി ഐ
Posted on: May 18, 2015
മുംബൈ : സ്റ്റേറ്റ് ബാങ്ക് ഓഫ് ഇന്ത്യ കോർപറേറ്റ് സോഷ്യൽ റെസ്പോൺസിബിലിറ്റി പ്രവർത്തനങ്ങൾക്കായി പ്രത്യേക കമ്പനി രൂപീകരിക്കുന്നു. എസ് ബി ഐ ഫൗണ്ടേഷൻ എന്ന പുതിയ കമ്പനി ജൂലൈ ഒന്നുമുതൽ പ്രവർത്തനക്ഷമമാകുമെന്ന് ജനറൽ മാനേജർ (സിഎസ്ആർ) വിനോദ് പാണ്ഡെ പറഞ്ഞു. എസ് ബി ഐയുടെ സ്ഥാപകദിനം കൂടിയാണ് ജൂലൈ ഒന്ന്. 1806 ജൂലൈ ഒന്നിനാണ് എസ് ബി ഐ ആയി മാറിയ ബാങ്ക് ഓഫ് കൽക്കട്ട ആരംഭിച്ചത്.
എസ് ബി ഐ ചെയർപേഴ്സൺ അരുന്ധതീ ഭട്ടാചാര്യ തന്നെയായിരിക്കും പുതിയ കമ്പനിയുടെയും ചെയർമാൻ. എന്നാൽ മുഴുവൻ സമയ മാനേജിംഗ് ഡയറക്ടറും സിഇഒയും വേറെ ഉണ്ടായിരിക്കും. എസ് ബി ഐ ഫൗണ്ടേഷനായി മുംബൈയിലെ എയർ ഇന്ത്യ ടവറിൽ ഓഫീസ് വാടകയ്ക്ക് എടുത്തുകഴിഞ്ഞു.
2014 ൽ 115 കോടി രൂപയാണ് എസ് ബി ഐ സിഎസ്ആർ പ്രവർത്തനങ്ങൾക്കായി ചെലവഴിച്ചത്. ലാഭത്തിന്റെ ഒരു ശതമാനമാണ് എസ് ബി ഐ ഇപ്പോൾ സിഎസ്ആർ പ്രവർത്തനങ്ങൾക്കായി മാറ്റവിയ്ക്കുന്നത്. എന്നാൽ പുതിയ നിയമമനുസരിച്ച് ലാഭത്തിന്റെ 2 ശതമാനം തുക സിഎസ്ആറിനായി മാറ്റിവയ്ക്കേണ്ടി വരും.
TAGS: CSR Initiatives | SBI Foundation | State Bank Of India |
എസ്ബിഐ വിദ്യാഭ്യാസ വായ്പകള് തിരിച്ചടക്കാന് 15 വര്ഷം വരെ കാലാവധി
ലിബോര് ഇടപാടുകള്ക്കായുള്ള പുതിയ മാനദണ്ഡങ്ങള് പാലിക്കാന് തയ്യാറായി എസ്ബിഐ
സ്റ്റേറ്റ് ബാങ്ക് ഓഫ് ഇന്ത്യയ്ക്ക് 7,627 കോടി രൂപ അറ്റാദായം
സ്റ്റേറ്റ് ബാങ്ക് ഡിജിറ്റല് പേമെന്റ് കമ്പനിയായ കാഷ് ഫ്രീയില് നിക്ഷേപം നടത്തി
എസ് ബി ഐ 25 കോടി വരെയുള്ള വായ്പകള് പുനക്രമീകരിക്കാന് ഒരുങ്ങുന്നു