May 2024
സ്ത്രീപ്രാതിനിധ്യവും സ്ത്രീശാക്തീകരണവും ഉറപ്പുവരുത്തി പി.എം.എ.വൈ (നഗരം) ലൈഫ് പദ്ധതി
Posted on: October 30, 2021
തിരുവനന്തപുരം : കുടുംബശ്രീ മുഖേന സംസ്ഥാനത്ത് നടപ്പാക്കുന്ന പി.എം.എ.വൈ (നഗരം) -ലൈഫ്
പദ്ധതിയില് സ്ത്രീപ്രാതിനിധ്യം ഉറപ്പാക്കുന്നതിന്റെ ഭാഗമായി സുരക്ഷിതമായ ഭവനം നല്കുന്നതോടൊപ്പം
ഭവനത്തിന്റെ ഉടമസ്ഥാവകാശവും സ്ത്രീകള്ക്ക് നല്കുന്നു. പദ്ധതി പ്രകാരം അംഗീകാരം ലഭിച്ചിട്ടുള്ള
111835 ഗുണഭോക്താക്കളില് 87753 പേര് സ്ത്രീകളാണ്. ഭവനത്തിന്റെ ഉടമസ്ഥത സ്ത്രീകളുടെ പേരില്
നല്കാന് കഴിയാത്ത പ്രത്യേക സാഹചര്യത്തില് മാത്രമാണ് സ്ത്രീയുടെയും പുരുഷന്റെയും
കൂട്ടുടമസ്ഥതയിലോ പുരുഷന്റെ മാത്രം പേരിലോ ഉടമസ്ഥത നല്കുക. നിലവില് 70463 വീടുകളുടെ നിര്മാണം ൂര്ത്തീകരിച്ചിട്ടുണ്ട്.
പദ്ധതിയുടെ ഭാഗമായി നിര്മാണം പൂര്ത്തീകരിച്ച ഭവനങ്ങളുടെ ഉടമസ്ഥാവകാശം സ്ത്രീകള്ക്ക്
നല്കുന്നതിലൂടെ സ്ത്രീശാക്തീകരണ രംഗത്ത് ശ്രദ്ധേയമായ പ്രവര്ത്തനമാണ് കുടുംബശ്രീ
കാഴ്ചവയ്ക്കുന്നത്. നിലവില് കുടുംബശ്രീയുടെ കീഴില് നഗരമേഖലയില് പ്രവര്ത്തിക്കുന്ന 31 വനിതാ
കെട്ടിട നിര്മാണ യൂണിറ്റുകള് മുഖേന പദ്ധതിയില് ഉള്പ്പെട്ട 52 വീടുകളുടെ നിര്മാണം പൂര്ത്തീകരിച്ചിട്ടുണ്ട്.
ഗുണഭോക്താക്കള്ക്ക് സുരക്ഷിതമായ ഭവനം നല്കുന്നതോടൊപ്പം മെച്ചപ്പെട്ട ജീവിത നിലവാരവും പദ്ധതി
ഉറപ്പു വരുത്തുന്നു. ഇതിന്റെ ഭാഗമായി പ്രധാനമന്ത്രി ഉജ്ജ്വല യോജന പദ്ധതിയുമായുള്ള
സംയോജനത്തിലൂടെ 7490 കുടുംബങ്ങള്ക്ക് സബ്സിഡി നിരക്കില് ഗ്യാസ് കണക്ഷനും 17603 കുടുംബങ്ങള്ക്ക് സൗജന്യമായി എല്.ഇ.ഡി വിളക്കുകളും അനുവദിച്ചിട്ടുണ്ട്. കൂടാതെ അയ്യങ്കാളി നഗര തൊഴിലുറപ്പ് പദ്ധതിയുമായി ചേര്ന്നു കൊണ്ട് ഓരോ ഗുണഭോക്തൃ കുടുംബത്തിനും 90 അധിക തൊഴില് ദിനങ്ങളും അതിലൂടെ 26190 രൂപയുടെ അധിക സാമ്പത്തിക സഹായവും ലഭ്യമാക്കി. ആകെ 70 കോടി രൂപയുടെ സഹായമാണ് ഈയിനത്തില് ലഭ്യമാക്കിയത്.
പദ്ധതി ഗുണഭോക്താക്കളില് 95 ശതമാനം പേരും കുടുംബശ്രീ അംഗങ്ങളാണ്. ബാക്കിയുള്ള അഞ്ച് ശതമാനം പേരെ കൂടി കുടുംബശ്രീയില് അംഗങ്ങളാക്കുന്നതിനുള്ള കാര്യങ്ങള് നടന്നു വരികയാണ്.
എക്സിക്യൂട്ടീവ് ഡയറക്ടര്
കുടുംബശ്രീ
TAGS: Kudumbashree |
പാല് സംഭരണത്തില് 6.50 ലക്ഷം ലീറ്ററിന്റെ കുറവ
മലയാളികള്ക്ക് പ്രിയം വിദേശ അവക്കാഡോ, കേരളത്തിലേക്കുള്ള വരവ് കൂടുന്നു
ചെറുകിട വ്യവസായ സംരംഭങ്ങളുടെ ഓഹരിവിപണി പ്രവേശനം കേരളത്തിനുള്ളത് മികച്ച സാധ്യതകള് – വിദഗ്ധര്
ബോ ടീ ലക്കി ഡ്രോ ടിക്കറ്റ് ചലഞ്ച് മന്ത്രി മുഹമ്മദ് റിയാസ് ഉദ്ഘാടനം ചെയ്തു
എംറൂബെ വ്യാപാര പ്ലാറ്റ്ഫോമിന്റെ വരുമാനത്തില് ഇരട്ടി വളര്ച്ച