വനിതാ ദിനത്തോടനുബന്ധിച്ച് സൂപ്പര്‍ ഹിറ്റ് സിനിമകളുമായി സീ കേരളം

Posted on: March 6, 2020

കൊച്ചി: ലോക വനിതാ ദിനത്തോടനുബന്ധിച്ച് രണ്ട് സൂപ്പര്‍ ഹിറ്റ് സിനിമകളുമായി സീ കേരളം.ലേഡി സൂപ്പര് സ്റ്റാര് മഞ്ജു വാര്യര് മുഖ്യവേഷമിട്ട പ്രതി പൂവന്‌കോഴി മാര്ച്ച് ഏഴിന് വൈകീട്ട് 7 .30നും തമിഴ് സൂപ്പര്‍ സ്റ്റാര്‍ അജിത്തിന്റെ നീര്‍കൊണ്ട പര്‍വയി മാര്‍ച്ച് എട്ടിന് വൈകിട്ട് 4 നും സീ കേരളം സംപ്രേഷണം ചെയ്യും.

മികച്ച പ്രേക്ഷക ശ്രദ്ധയും നിരൂപക പ്രശംസയും നേടിയ പ്രതി പൂവന്‌കോഴി ചിത്രത്തില്‍ മഞ്ജു വാര്യര് ശക്തമായ സ്ത്രീ കഥാപാത്രത്തെ അവതരിപ്പിക്കുന്നു. പ്രതിസന്ധികളോട് വീറോടെ പൊരുതുന്ന സ്ത്രീ ആണ് മഞ്ജു അവതരിപ്പിക്കുന്ന മാധുരി എന്ന ചെറുപ്പക്കാരി.നഗരത്തിലെ ഒരു തുണിക്കടയില് സെയില്‌സ് ഗേളായ മാധുരിക്ക് ജോലി സ്ഥലത്തേക്കുള്ള യാത്രക്കിടയില് ബസില് ഒരു മോശം അനുഭവം നേരിടേണ്ടി വരുന്നു. ഈ അപ്രതീക്ഷിത സംഭവത്തില് ഒരിക്കലും പതറാതെ അതിന് കാരണക്കാരനെ അന്വേഷിച്ചു കണ്ടു പിടിച്ചു നിയമത്തിന് മുന്നില് കൊണ്ടുവരാനുള്ള അവളുടെ ശ്രമമാണ് സിനിമ. പ്രശസ്ത യുവ സാഹിത്യകാരന് ഉണ്ണി ആറിന്റേതാണ് കഥയും തിരക്കഥയും. അലന്‌സിര്, ഷൈജു കുറുപ്പ്, അനുശ്രീ എന്നിവരാണ് മറ്റ് അഭിനേതാക്കള്. ആന്റപ്പന് എന്ന പ്രതിനായക വേഷം ചെയ്തിരിക്കുന്നത് സിനിമയുടെ സംവിധായകന് റോഷന് ആന്ഡ്രൂസാണ്. ഇതാദ്യമായാണ് റോഷന് അഭിനേതാവിന്റെ വേഷത്തിലെത്തുന്നത്. നേരത്തെ മറ്റൊരു നടനെയായിരുന്നു ഈ വേഷത്തിനായി കണ്ടു വെച്ചിരുന്നത്. എന്നാല് പ്രതിഫലത്തെ ചൊല്ലി ആ നടന് പിന്മാറിയതിനെ തുടര്ന്നാണ് സംവിധായകന് റോഷന് തന്നെ ഈ വേഷം ഏറ്റെടുത്തത്. അത് ഭംഗിയായി നിര്വഹിക്കുകയും ചെയ്തു.

സൂപ്പര്‍ ഹിറ്റ് ബോളിവുഡ് സിനിമ പിങ്കിന്റെ തമിഴ് റീമേക്കാണ് അജിത്തിന്റെ നീര്‍കൊണ്ട പാര്‍വയ്. വ്യക്തിപരമായ പ്രശ്‌നങ്ങള്‍ കാരണം വിഷാദരോഗം നേരിടുന്ന ഒരു അഭിഭാഷകനായാണ് അജിത് ഈ സിനിമയില്‍ വേഷമിടുന്നത്. സമൂഹത്തില്‍ സ്വാധീനമുള്ള കുറച്ച് ചെറുപ്പക്കാരുമായി അടുപ്പം കൂടുന്ന മൂന്ന് പെണ്‍കുട്ടികള്‍കളുടെ കഥയാണ് ഈ സിനിമ. അപകടകരമായ രീതിയിലേക്ക് എത്തിയ അവരുടെ ചങ്ങാത്തം ഇരു കൂട്ടരെയും പോലീസ് സ്റ്റേഷനിലാക്കുന്നു.ശേഷം പെണ്‍കുട്ടികള്‍ പീഡനശ്രമത്തിന്റെ കേസുമായും ചെറുപ്പക്കാര്‍ അവര്‍ക്കെതിരെ കൊലപാതക ശ്രമത്തിനുള്ള കേസുമായും കോടതിയിലെത്തുന്നു.ഭരത് സുബ്രഹ്മണ്യം എന്ന അഭിഭാഷകനായി അജിത് പെണ്‍കുട്ടികള്‍ക്കായി പ്രത്യക്ഷപ്പെടുമ്പോള്‍ ആണ്‍കുട്ടികള്‍ക്കായി സത്യമൂര്‍ത്തി (രംഗരാജ് പാണ്ഡെ) പ്രത്യക്ഷപ്പെടുന്നു.

ചുരുങ്ങിയ കാലം കൊണ്ട് മലയാളി പ്രേക്ഷകരുടെ പ്രിയ ചാനലായി മാറിയിരിക്കുകയാണ് സീ കേരളം. മലയാളികളുടെ താല്പര്യം അറിഞ്ഞു വ്യത്യസ്ത വിനോദ പരിപാടികളാണ് സീ കേരളം സംപ്രേഷണം ചെയ്തു വരുന്നത്. ഒട്ടനവധി പുതുപുത്തന് പരിപാടികളും മലയാളികള്ക്കായി ഒരുക്കുന്നതിന്റെ തിരക്കിലാണ് സീ കേരളം.

TAGS: Zee Keralam |