May 2024
നൂറ് കോടി രൂപ വായ്പയുമായി കെ.എസ്.ഐ.ഡി.സി.
Posted on: February 19, 2021
തിരുവനന്തപുരം: ചെറുകിട വ്യവസായങ്ങള്ക്കും സ്റ്റാര്ട്ടപ്പുകള്ക്കും പ്രവാസി സംരംഭങ്ങള്ക്കുമായുള്ള മുഖ്യമന്ത്രിയുടെ പ്രത്യേക സഹായപദ്ധതി പ്രകാരം സംസ്ഥാന വ്യവസായ വികസന കോര്പ്പറേഷന് (കെ.എസ്.ഐ.ഡി.സി.) നൂറുകോടി രൂപ വായ്പ നല്കും. പദ്ധതി സര്ക്കാര് അംഗീകരിച്ചതായി കേര്പ്പറേഷന് മാനേജിംഗ് ഡയറക്ടര് എം.ജി. രാജമാണിക്യം പറഞ്ഞു.
കോവിഡ് പ്രതിസന്ധിയില്നിന്ന് ചെറുകിട വ്യവസായ മേഖലയെ രക്ഷിച്ച് കേരളത്തിലുടനീളം പുതിയ സംരംഭങ്ങള് തുടങ്ങുകയുമാണ് പദ്ധതിയുടെ ലക്ഷ്യം. ഏഴ് ശതമാനമാണ് വായ്പയുടെ പലിശ. മൂന്നുശതമാനം പലിശ സബ്സിഡി ലഭിക്കും.
മധ്യകാല വായ്പയായി 60 മാസത്തേക്ക് 25 ലക്ഷം രൂപ മുതല് രണ്ടുകോടി രൂപവരെ നല്കും. മൂലധനവായ്പയായി എട്ടുവര്ഷത്തേക്ക് അഞ്ചുലക്ഷം മുതല് ഒരുകോടി രൂപവരെ നല്കും.
ഓണ്ലൈനില് സുതാര്യവും ലളിതവുമായ നടപടിക്രമങ്ങളിലൂടെയാണ് വായ്പ അനുവദിക്കുന്നത്. കോര്പ്പറേഷനിലെ ആഭ്യന്തരസമിതി ശുപാര്ശ ചെയ്താല് മാനേജിംഗ് ഡയറക്ടര് വായ്പ അനുവദിക്കും. വര്ഷം കുറഞ്ഞത് 500 സംരംഭങ്ങള്ക്കെങ്കിലും വായ്പനല്കാനാണ് കെ.എസ്.ഐ.ഡി.സി. ഉദ്ദേശിക്കുന്നത്.
TAGS: KSIDC |
യുടിഐ വാല്യൂ ഫണ്ട് കൈകാര്യം ചെയ്യുന്ന ആസ്തികള് 8500 കോടി രൂപ
പിരാമല് ഫിനാന്സ് ഈ സാമ്പത്തിക വര്ഷം സ്വര്ണ പണയ, മൈക്രോ വായ്പ മേഖലകളിലേക്ക്
ബന്ധന് ഇന്നൊവേഷന് ഫണ്ടുമായി ബന്ധന് മ്യൂച്വല് ഫണ്ട്
മികച്ച സ്ഥിര നിക്ഷേപം നടത്താന് സഹായവുമായി ഇന്ക്രെഡ് മണി
വൈവിധ്യമാര്ന്ന നിക്ഷേപത്തിലൂടെ നേട്ടമുണ്ടാക്കാന് യുടിഐ ലാര്ജ് ആന്ഡ് മിഡ് ക്യാപ് ഫണ്ട്