May 2024
കിന്‍ഫ്ര സ്റ്റാന്‍ഡേര്‍ഡ് ഡിസൈന്‍ ഫാക്ടറി ശിലാസ്ഥാപനവും നിര്‍മ്മാണോദ്ഘാടനവും മന്ത്രി പി രാജീവ് നിര്‍വ്വഹിച്ചു
Posted on: May 18, 2023
തിരുവനന്തപുരം : സംസ്ഥാന വ്യവസായ വകുപ്പിന് കീഴില്‍ പ്രവര്‍ത്തിക്കുന്ന കിന്‍ഫ്രയുടെ നേതൃത്വത്തില്‍ തിരുവനന്തപുരം കഴക്കുട്ടത്തെ കിന്‍ഫ്ര ഫിലീം ആന്‍ഡ് വീഡിയോ പാര്‍ക്കില്‍ പുതുതായി നിര്‍മ്മിക്കുന്ന സ്റ്റാന്‍ഡേര്‍ഡ് ഡിസൈന്‍ ഫാക്ടറിയുടെ ശിലാസ്ഥാപനവും നിര്‍മ്മാണ ഉദ്ഘാടനവും സംസ്ഥാന വ്യവസായ വകുപ്പ് മന്ത്രി പി രാജീവ് നിര്‍വ്വഹിച്ചു.
ആറു നിലകളിലായി 2 ലക്ഷം ചതുരശ്ര അടി വിസ്തൃതിയിലാണ് ആധുനിക സൗകര്യങ്ങളോടെ സ്റ്റാന്‍ഡേര്‍ഡ് ഡിസൈന്‍ ഫാക്ടറി രൂപകല്പ്പന ചെയ്തിരിക്കുന്നത്. ഐ ടി / ഐ ടി അധിഷ്ഠിത വ്യവസായങ്ങള്‍ പരമാവധി പ്രോത്സാഹിപ്പിക്കുകയാണ് പദ്ധതിയുടെ ലക്ഷ്യം. 80 കോടി രൂപ നിര്‍മ്മാണച്ചിലവ് പ്രതീക്ഷിക്കുന്ന ഈ പദ്ധതി 2025 നവംബറില്‍ പൂര്‍ത്തിയാകും. ചുരുങ്ങിയത് 5000 ആളുകള്‍ക്ക് നേരിട്ടും, 7500 പേര്‍ക്ക് പരോക്ഷമായും തൊഴില്‍ ലഭ്യമാകും.
തിരുവനന്തപുരം കഴക്കൂട്ടത്തെ കിന്‍ഫ്ര ഫിലീം ആന്‍ഡ് വീഡിയോ പാര്‍ക്കില്‍ നടന്ന ചടങ്ങില്‍ കഴക്കൂട്ടം എംഎല്‍എ കടകംപളളി സുരേന്ദ്രന്‍ അദ്ധ്യക്ഷത വഹിച്ചു. കിന്‍ഫ്ര മാനേജിംഗ് ഡയറക്ടര്‍ സന്തോഷ് കോശി തോമസ് സ്വാഗതം പറഞ്ഞു. ചീഫ് സെക്രട്ടറിയും കിന്‍ഫ്ര ചെയര്‍മാനുമായ ഡോ. വിപി ജോയ് ഐഎഎസ് മുഖ്യപ്രഭാഷണം നടത്തി.
കിന്‍ഫ്ര ഫിലീം ആന്‍ഡ് വീഡിയോ പാര്‍ക്ക് ചെയര്‍മാന്‍ ജോര്‍ജ്ജ് കുട്ടി അഗസ്റ്റി, വ്യവസായ വാണിജ്യവകുപ്പ് അഡീഷണല്‍ ഡയറക്ടര്‍ കെ സുധീര്‍, നഗരസഭ കൗണ്‍സിലര്‍ എം ബിനു, ഇ വൈ ജി ഡി എസ് ഡയറക്ടര്‍ (ഇന്ത്യ ഒപ്പറേഷന്‍സ്) റിച്ചാര്‍ഡ് ആന്റണി, ടാറ്റാ എല്‍ക്സി സെന്റര്‍ ഹെഡ് വി ശ്രീകുമാര്‍ തുടങ്ങിയവര്‍ ചടങ്ങില്‍ ആശംസകള്‍ അര്‍പ്പിച്ചു. കിന്‍ഫ്ര (പ്രോജക്ട്‌സ്) ജനറല്‍ മാനേജര്‍ ഡോ. ടി ഉണ്ണികൃഷണന്‍ നന്ദി പ്രകാശിപ്പിച്ചു.
ട്രാന്‍സിപ്‌മെന്റ് തുറമുഖമായി പ്രവര്‍ത്തിക്കാന്‍ വിഴിഞ്ഞത്തിന് അനുമതി
യുഎഇയുമായുള്ള ഇന്ത്യയുടെ വ്യാപാര ഇടപാട് 15 ശതമാനം വര്‍ധിച്ചു
നിഫ്റ്റി നെക്സ്റ്റ് 50 ഇന്‍ഡക്‌സിലെ ഡെറിവേറ്റീവിന് ഏപ്രില്‍ 24 മുതല്‍ തുടക്കം
മ്യൂച്വല്‍ ഫണ്ട് ആസ്തിയില്‍ റെക്കോര്‍ഡ് വര്‍ധന
കണ്ടയ്നര് നീക്കത്തില് ഒന്നാം സ്ഥാനം കൊച്ചി വല്ലാര്പാടത്തിന്
മെഷീനറി എക്സ്പോ: ലോഗോ പ്രകാശനം ചെയ്തു
അന്താരാഷ്ട്ര പ്രദര്ശന-വിപണന കേന്ദ്രം ഫെബ്രുവരി 4ന് തുറക്കും : മന്ത്രി പി രാജീവ്
ദേശീയ സരസ് മേള ഡിസംബര് 21 മുതല്‍
വ്യവസായങ്ങള്ക്കായി ലാന്ഡ് പൂളിംഗ് നിയമംകൊണ്ടു വരുമെന്ന് വ്യവസായ മന്ത്രി പി.രാജീവ്