May 2024
അക്സിസ് ബാങ്ക് 15,000 കോടിയുടെ ബോണ്ട് ഇഷ്യുവിന് ഒരുങ്ങുന്നു
Posted on: January 21, 2015
മുംബൈ : മൂലധനസമാഹരണത്തിന്റെ ഭാഗമായി അക്സിസ് ബാങ്കിന് 15,000 കോടിയുടെ ബോണ്ട് ഇഷ്യു നടത്താൻ ഡയറക്ടർ ബോർഡ് അനുമതി നൽകി. ദീർഘകാല നോൺ കൺവെർട്ടബിൾ ഡിബെഞ്ചറുകൾ പ്രൈവറ്റ് പ്ലേസ്മെന്റ് വഴി വിതരണം ചെയ്യും.
ഡിസംബർ 31 ന് അവസാനിച്ച മൂന്നാം ക്വാർട്ടറിൽ അക്സിസ് ബാങ്കിന്റെ അറ്റാദായം 18 ശതമാനം വർധിച്ച് 1,900 കോടി രൂപയായി. പ്രവർത്തനച്ചെലവുകൾ 15 ശതമാനം വർധിച്ച് 2,314 കോടിയായി. പ്രൊവിഷനിംഗ് മുൻവർഷം ഇതേകാലയളവിലെ 202 കോടിയിൽ നിന്ന് 507 കോടിയായി വർധിച്ചു. അറ്റ പലിശ വരുമാനം 20 ശതമാനവും പലിശ ഇതരവരുമാനം 24 ശതമാനവും വർധിച്ചു.
അറ്റ പലിശമാർജിനിൽ നേരിയ കുറവു വന്നു. 3.97 ശതമാനത്തിൽ നിന്ന് 3.93 ശതമാനമായി. മൊത്ത നിഷ്ക്രിയ ആസ്തി 1.25 ശതമാനത്തിൽ നിന്ന് 1.34 ശതമാനമായി. മാനേജിംഗ് ഡയറക്ടറും സിഇഒയുമായ ശിഖ ശർമ്മയ്ക്ക് 2015 ജൂൺ മുതൽ മൂന്നാം തവണയും മൂന്നു വർഷത്തേക്ക് കാലാവധി നീട്ടി നൽകാനും ഡയറക്ടർ ബോർഡ് തീരുമാനിച്ചു.
TAGS: Axis Bank | Debenture Issue | Long Term Bonds | Non-convertible Debentures | Q3 Results 2014-15 |
ട്രാന്സിപ്മെന്റ് തുറമുഖമായി പ്രവര്ത്തിക്കാന് വിഴിഞ്ഞത്തിന് അനുമതി
യുഎഇയുമായുള്ള ഇന്ത്യയുടെ വ്യാപാര ഇടപാട് 15 ശതമാനം വര്ധിച്ചു
നിഫ്റ്റി നെക്സ്റ്റ് 50 ഇന്ഡക്സിലെ ഡെറിവേറ്റീവിന് ഏപ്രില് 24 മുതല് തുടക്കം
മ്യൂച്വല് ഫണ്ട് ആസ്തിയില് റെക്കോര്ഡ് വര്ധന