May 2024
വി-ഗാര്ഡ് ബിഗ് ഐഡിയ ദേശീയ മത്സര വിജയികളെ പ്രഖ്യാപിച്ചു
Posted on: November 22, 2022
കൊച്ചി : മികവുറ്റ യുവ സാങ്കേതിക, ബിസിനസ് പ്രതിഭകളെ കണ്ടെത്താന് വി-ഗാര്ഡ് ഇന്ഡസ്ട്രീസ് ദേശീയ തലത്തില് വര്ഷംതോറും നടത്തിവരുന്ന ബിഗ് ഐഡിയ ബിസിനസ് പ്ലാന്, ബിഗ് ഐഡിയ ടെക്ക് ഡിസൈന് മത്സര വിജയികളെ പ്രഖ്യാപിച്ചു. ഈ വര്ഷത്തെ ബിഗ് ഐഡിയ ബിസിനസ് പ്ലാന് മത്സരത്തില് ഇന്ത്യന് ഇന്സ്റ്റിറ്റ്യൂട്ട് ഓഫ് മാനേജ്മന്റ് – നാഗ്പൂരില് നിന്നും സഞ്ചിത് നാഗ്പാല്, ആയുഷ് ലോഹി, ബുര്ഹാനുദ്ദിന് എന്നിവര് ഒന്നാം സ്ഥാനം നേടി. ഇന്ത്യന് ഇന്സ്റ്റിറ്റ്യൂട്ട് ഓഫ് മാനേജ്മന്റ് – ബോധ് ഗയയില് നിന്നും സത്യം മുന്നോട്, സുജീത് ചൗബേ, സൃഷ്ടി ഭട്ട്, എന്നിവര് ഒന്നാം റണ്ണര് അപ്പും, ഇന്ത്യന് ഇന്സ്റ്റിറ്റ്യൂട്ട് ഓഫ് മാനേജ്മന്റ് – നാഗ്പൂരില് നിന്നും ഖുശാല് നരേന്ദ്രകുമാര് അഗര്വാള് രണ്ടാം റണ്ണര് അപ്പുമായി. ഇന്ത്യന് ഇന്സ്റ്റിറ്റ്യൂട്ട് ഓഫ് മാനേജ്മന്റ് നാഗ്പുര് പ്രത്യേക ജൂറി പുരസ്ക്കാരം നേടി.
നിര്മ്മ യൂണിവേഴ്സിറ്റിയില് നിന്നും നാഗേഷ് അഗ്രവാല്, കേതാകി അനില് ഷിന്ഡെ എന്നിവര് ബിഗ് ഐഡിയ ടെക്ക് ഡിസൈന് മത്സരത്തില് ഒന്നാം സ്ഥാനം നേടി. എം എസ് രാമയ്യ ഇന്സ്റ്റിറ്റ്യൂട്ട് ഓഫ് ടെക്നോളജിയില് നിന്നും ആര്. ദര്ശന്, ജി. എം ചിന്ദാനന്ദ സ്വാമി, മുസമ്മില് ബാജേവാദി, മുത്തൂറ്റ് ഇന്സ്റ്റിറ്റ്യൂട്ട് ഓഫ് ടെക്നോളജി ആന്ഡ് സയന്സില് നിന്നും ലവീണ വെല്സ്, നന്ദു രാജീവ്, സായൂജ് വി. എസ് എന്നിവര് യഥാക്രമം ഒന്നും രണ്ടും റണ്ണര് അപ്പ് ആയി. ദി നെക്സ്റ്റ് ബിഗ് ലീപ്പ് എന്ന പ്രമേയത്തിലായിരുന്നു ഈ വര്ഷത്തെ മത്സരങ്ങള്. മുത്തൂറ്റ് ഇന്സ്റ്റിറ്റ്യൂട്ട് ഓഫ് ടെക്നോളജി ആന്ഡ് സയന്സില് നിന്നും കൃഷ്ണപ്രസാദ് പി എസ്, ടോമിന് വി ജെ, അഭിനു സുന്ദരന് എന്നിവര് പ്രത്യേക ജൂറി പുരസ്ക്കാരം നേടി.
രാജ്യത്തെ മുന്നിര ബിസിനസ് സ്കൂളുകളില് നിന്നും എഞ്ചിനീയറിങ് കോളെജുകളില് നിന്നുമായി 300ലേറെ ടീമുകളാണ് മത്സരത്തില് പങ്കെടുത്ത്. അന്തിമ ഘട്ടത്തിലെത്തിയ 20 ടീമുകളില് നിന്നാണ് വിജയികളെ തെരഞ്ഞെടുത്തത്. ഒന്നാം സ്ഥാന നേടിയ ടീമിന് രണ്ടു ലക്ഷം രൂപ സമ്മാനത്തുക ലഭിച്ചു. രണ്ടാം സ്ഥാനത്തിന് ഒരു ലക്ഷം രൂപയും മൂന്നാം സ്ഥാനത്തിന് 50000 രൂപയും ജൂറി പുരസ്കാര ജേതാക്കള്ക്ക് 25000 രൂപയുമാണ് സമ്മാനം.
വിദഗ്ധരടങ്ങുന്ന നാലംഗ ജൂറിയാണ് വിജയകളെ തെരഞ്ഞെടുത്തത്. മൗലികവും നവീനവുമായ ആശയങ്ങള്, അതിന്റെ പ്രായോഗികത, ലാളിത്യം, വി-ഗാര്ഡിന്റെ ബിസിനസില് ഇതുണ്ടാക്കുന്ന സ്വാധീനം എന്നീ മാനദണ്ഡങ്ങളാണ്.
TAGS: V Guard Group |
കെബിസി ഗ്ലോബല് ഓഹരികള് കരസ്ഥമാക്കി മിനര്വ വെഞ്ച്വേഴ്സ് ഫണ്ട്
പീപ്പിള്സ് അര്ബന് കോ ഓപറേറ്റീവ് ബാങ്ക് : നവീകരിച്ച ശാഖ തുറന്നു
ഫര്ണിച്ചര് എക്സ്പോ ഫിക്സ് 2024 : മെയ് 4 മുതല് 6 വരെ
ജലമെട്രോ വൈപ്പിന്-എറണാകുളം റൂട്ടില് നിരക്ക് പുതുക്കി
നിസാന് സര്വീസ് വര്ക്ക് ഷോപ്പുകളില് സൗജന്യ എസി ചെക്ക് അപ്