സ്‌പൈസസ് ബോർഡ് ബോഡിനായ്ക്കന്നൂരിൽ ഇ-ലേല കേന്ദ്രം തുറന്നു

Posted on: May 30, 2016

കൊച്ചി : സ്‌പൈസസ് ബോർഡ് ബോഡിനായ്ക്കന്നൂരിൽ രണ്ടാമത്തെ ഇലക്ട്രോണിക് ലേല കേന്ദ്രം സ്‌പൈസസ് ബോർഡ് തുടങ്ങി. സ്‌പൈസസ് ബോർഡ് ചെയർമാൻ ഡോ എ ജയതിലക് കേന്ദ്രത്തിന്റെ ഉദ്ഘാടനം നിർവഹിച്ചു. എംപി എസ് തങ്കവേലു, ബോഡിനായ്ക്കന്നൂർ മുനിസിപ്പൽ ചെയർമാൻ എൻആർ പളനിരാജ് എന്നിവർ ചടങ്ങിൽ സംബന്ധിച്ചു.

ബോഡിനായ്ക്കന്നൂരിൽ സ്‌പൈസസ് ബോർഡിന്റെ രണ്ടേക്കർ സ്ഥലത്താണ് പുതിയ കേന്ദ്രം പ്രവർത്തനമാരംഭിച്ചത്. ഏലത്തിന്റെ വിപണനത്തിനുള്ള എല്ലാവിധ ആധുനിക സൗകര്യങ്ങളോടും കൂടിയുള്ളതാണ് കേന്ദ്രം.

TAGS: Spices Board | Spices Board E-Auction Centre |