മാകസ് ലൈഫ് ഇന്‍ഷുറന്‍സ് സ്മാര്‍ട്ട് ഫിക്സഡ് റിട്ടേണ്‍ ഡിജിറ്റല്‍ പ്ലാന്‍ അവതരിപ്പിച്ചു

Posted on: July 21, 2022

കൊച്ചി : മാക്സ് ലൈഫ് ഇന്‍ഷുറന്‍സും പോളിസിബസാറും ചേര്‍ന്ന് സ്മാര്‍ട്ട്് ഫിക്സഡ് റിട്ടേണ്‍ ഡിജിറ്റല്‍ പ്ലാന്‍ പദ്ധതിക്ക് തുടക്കം കുറിച്ചു . ഉപഭോക്താക്കള്‍ക്ക് ചുരുങ്ങിയത് അഞ്ച് വര്‍ഷത്തെ പോളിസി കാലാവധിയുള്ള ഹ്രസ്വകാല സാമ്പത്തിക ലക്ഷ്യങ്ങള്‍ കൈവരിക്കാനുള്ള ഒരു വ്യക്തിഗത ലൈഫ് ഇന്‍ഷുറന്‍സ് സേവിംഗ്സ് പ്ലാനാണിത്. 6.14 ശതമാനം വരെ നികുതി രഹിത റിട്ടേണ്‍ വാഗ്ദാനം ചെയ്യുന്നതിനോടൊപ്പം ലൈഫ് കവര്‍ പ്രൊട്ടക്ഷനുമുണ്ട്. പ്രതിമാസം 3000 രൂപ മുതലാണ് പ്രീമിയം ആരംഭിക്കുന്നത്.

സാമ്പത്തിക അടിയന്തര സാഹചര്യങ്ങളില്‍ പോളിസിക്കുമേല്‍ വായ്പ എടുക്കുന്നതിനുള്ള സൗകര്യവുമുണ്ട്. വനിതാ ഉപഭോക്താക്കള്‍ക്ക് അഞ്ച് വര്‍ഷത്തെ പോളിസി കാലാവധിക്ക് 0.25 ശതമാനം അധിക മെച്യൂരിറ്റി ആനുകൂല്യവും പത്ത് വര്‍ഷത്തെ പോളിസി കാലാവധിക്ക് 0.5 ശതമാനം അധിക മെച്യൂരിറ്റി ആനുകൂല്യവുമുണ്ട്. മാക്സ്ലൈഫിന്റെ വെബ്‌സൈറ്റിലും പോളിസിബസാറിന്റെ വെബ്‌സൈറ്റില്‍ നിന്നും പോളിസി വാങ്ങാം.

ഉപഭോക്താക്കളുടെ ആവശ്യങ്ങള്‍ പുതുമയോടെ ഡിജിറ്റലായി അവതരിപ്പിക്കാന്‍ ഞങ്ങള്‍ പ്രതിജ്ഞാബദ്ധരാണെന്നു മാക്സ് ലൈ്ഫ് ഡെപ്യൂട്ടി മാനേജിംഗ് ഡയറക്ടര്‍ വി വിശ്വാനന്ദ് പറഞ്ഞു. സ്മാര്‍ട്ട് ഫിക്സ്ഡ് റിട്ടേണ്‍ ഡിജിറ്റല്‍ പ്ലാന്‍ യുവ തലമുറക്കായി രൂപകല്പന ചെയ്തിരിക്കുന്നതാണെന്നും വി വിശ്വാനന്ദ് പറഞ്ഞു.

TAGS: Max Life Insurance |