May 2024
കോട്ടയം പത്തനംതിട്ട ജില്ലകളില് നെറ്റുവര്ക്ക് വിപുലമാക്കി എയര്ടെല്
Posted on: April 22, 2024
കോട്ടയം : ടെലികമ്മ്യൂണിക്കേഷന് സേവന ദാതാക്കളായ ഭാരതി എയര്ടെല് കോട്ടയം പത്തനംതിട്ട ജില്ലകളില് നെറ്റുവര്ക്ക് ശൃംഖലയില് കൂടുതല് സൈറ്റുകള് വിന്യസിച്ചു. 8 പട്ടണങ്ങളിലും 168 ഗ്രാമങ്ങളിലുമായി 6.4 ലക്ഷം ജനങ്ങള്ക്ക് ഇതിന്റെ ഗുണം ലഭിക്കും. ഇതുവഴി വോയ്സ്, ഡാറ്റ കണക്റ്റിവിറ്റിയില് ഈ മേഖലയിലെ ഉപഭോക്തൃ അനുഭവം വര്ദ്ധിപ്പിക്കും.
ചങ്ങേനാശേരി, കാഞ്ഞിരപ്പള്ളി, കോട്ടയം, മീനച്ചില്, വൈക്കം, അടൂര്, കോന്നി, കോഴഞ്ചേരി, മല്ലപ്പള്ളി, റാന്നി, തിരുവല്ല പ്രദേശങ്ങളില് ഈ നെറ്റുവര്ക്ക് മെച്ചപ്പെടുത്തല് നേരിട്ട് പ്രയോജനപ്പെടും. ഈ വിപുലീകരണം ഗ്രാമങ്ങളിലെ ഉപഭോക്താക്കള്ക്ക് അതിവേഗ കണക്റ്റിവിറ്റിയുടെ തടസ്സങ്ങളില്ലാത്ത ലഭ്യത സാധ്യമാക്കും. 2024 ഓടെ രാജ്യത്തെ 60,000 ഗ്രാമങ്ങളിലും നെറ്റ്വര്ക്ക് മെച്ചപ്പെടുത്തും. എയര്ടെല്ലിന്റെ ഏറ്റവും വലിയ ശ്രദ്ധാകേന്ദ്രമായ വിപണികളിലൊന്നാണ് കേരളം, ഈ സംരംഭത്തിലൂടെ 1600 ഗ്രാമങ്ങളിലും 355 പട്ടണങ്ങളിലുമായി സംസ്ഥാനമൊട്ടാകെയുള്ള 4ജി,5ജി ബ്രോഡ്ബാന്ഡ്, ഫൈബര് കണക്ട് വിറ്റിയില് തടസമില്ലാത്ത സേവനം ലഭ്യമാകും.
സംസ്ഥാനത്തെ ഉയര്ന്ന സാധ്യതയുള്ള ഗ്രാമങ്ങളിലെ കവറേജ് വിപുലീകരിക്കുന്നതിനും ഹൈ സ്പീഡ് കണക്റ്റിവിറ്റിയുടെ ശക്തി ആസ്വദിക്കാന് ഉപഭോക്താക്കളെ തയ്യാറാക്കുന്നതിനും, നെറ്റ്വര്ക്ക് ശേഷി വര്ധിപ്പിക്കാനും ഗ്രാമങ്ങളിലേക്ക് കൂടുതല് ആഴത്തില് സേവനങ്ങള് എത്തിക്കാനുമുള്ള ലക്ഷ്യത്തോടെ കേരളത്തിലെ 14 ജില്ലകളെയും റൂറല് എന്ഹാന്സ്മെന്റ് പദ്ധതിയില് ഉള്പ്പെടുത്തിയിട്ടുണ്ട്. ബന്ധമില്ലാത്ത പ്രദേശങ്ങള്. പുതിയ ഫൈബര് കപ്പാസിറ്റി എന്നിവ കൂട്ടിച്ചേര്ക്കുന്നത് ഈ മേഖലയിലെ അതിവേഗ ഡാറ്റാ സേവനങ്ങള്ക്കുള്ള ആവശ്യകത പൂര്ത്തീകരിക്കുന്നതിന് സഹായകമാകും.
ഈ മേഖലയിലെ എയര്ടെല്ലിന്റെ നെറ്റ്വര്ക്ക് ശൃംഖല ഇപ്പോള് ഹൈവേകള്, വിനോദസഞ്ചാര കേന്ദ്രങ്ങള്, വ്യാപാര കേന്ദ്രങ്ങള് എന്നിവയുള്പ്പെടെ എല്ലാ പ്രധാന നഗര, അര്ദ്ധ നഗര, ഗ്രാമ പ്രദേശങ്ങളും ഉള്ക്കൊള്ളുന്നു. ഇതോടെ, ഹില് സ്റ്റേഷനുകള് മുതല് സംസ്ഥാനത്തുടനീളമുള്ള ബീച്ചുകള് വരെയുള്ള എല്ലാ ജനപ്രിയ വിനോദസഞ്ചാര കേന്ദ്രങ്ങളിലും മെച്ചപ്പെട്ട നെറ്റ്വര്ക്ക് ഫുട്പ്രിന്റ്സ് ആസ്വദിക്കാനാകും. വയനാട്, ഇടുക്കി, പത്തനംതിട്ട എന്നിവിടങ്ങളിലെ ഹില് സ്റ്റേഷനുകള് മികച്ച നെറ്റ്വര്ക്കുമായി സജ്ജീകരിച്ചിരിക്കുന്നു, ഇത് വിദൂര സ്ഥലങ്ങളില് പോലും എയര്ടെല്ലിനെ ലഭ്യമാക്കുന്നു.
TAGS: Airtel |
അസര്ബെയ്ജാനിലും 12 ആഫ്രിക്കന് രാജ്യങ്ങളിലും പോസ്റ്റ് പെയ്ഡ് റോമിംഗ് പ്ലാനുമായി വി
സണ് നെക്സ്റ്റ് എയര്ടെല് എക്സ്ട്രീം പ്ലേയില് ലഭിക്കും
മലബാര് ഗോള്ഡ് & ഡയമണ്ട്സിന്റെ യുഎസിലെ നാലാമത്തെ ഷോറൂം പ്രവര്ത്തനമാരംഭിച്ചു
മൂന്നാര് പുഷ്പമേളയ്ക്ക് തുടക്കമായി
ഇന്ത്യയിലെ ഏറ്റവും വിശ്വസനീയ ബ്രാന്ഡുകളിലൊന്നായി ടാറ്റാ ബ്ലൂസ്കോപ് സ്റ്റീലിന്റെ ഡൂറാഷൈന്