May 2024
യു.എസ്.ടി. യില് വിസ്മയക്കാഴ്ചയൊരുക്കി ഡിഫറന്റ് ആര്ട് സെന്ററിലെ കുട്ടികള്
Posted on: March 29, 2022
തിരുവനന്തപുരം : ഹാപ്പി യു എസ് ടി വാരാഘോഷത്തോടനുബന്ധിച്ച് പാട്ടും നൃത്തവും ഇന്ദ്രജാലവും അവതരിപ്പിച്ച് യു എസ് ടി ജീവനക്കാര്ക്കു മുന്നില് കലാവിരുന്നൊരുക്കി കഴക്കൂട്ടം മാജിക്ക് പ്ലാനറ്റിലെ ഡിഫറന്റ് ആര്ട് സെന്ററില് നിന്നുള്ള കുട്ടികള്. യു എസ് ടി ഓഫീസ് ഓഫ് വാല്യൂസ് ആന്റ് കള്ച്ചറിന് കീഴിലുള്ള പീപ്പിള് എന്ഗേജ്മെന്റ് ഗ്രൂപ്പിന്റെ ആഭിമുഖ്യത്തില് കളേഴ്സ് ഓഫ് യു എസ് ടി യുടെ ഭാഗമായാണ് ഡിഫറന്റ് ആര്ട് സെന്ററിലെ കുട്ടികള് ക്ഷണിക്കപ്പെട്ടത്. ഓട്ടിസം, സെറിബ്രല് പാഴ്സി, എം.ആര്, ഡൗണ് സിന്ഡ്രോം, കാഴ്ച – കേള്വി പരിമിതര് എന്നീ വിഭാഗത്തില്പ്പെട്ട കുട്ടികള് കലാവിരുന്ന് അവതരിപ്പിച്ചു.
രണ്ട് മിനിട്ടുകള് കൊണ്ട് അഞ്ചു കുട്ടികള് ചേര്ന്ന് തത്സമയം തലകീഴായി വരച്ച ചിത്രം നിവര്ത്തിവച്ചപ്പോള് യു എസ് ടി കെട്ടിടത്തിന്റെ ചിത്രമായി മാറിയത് കാണികളെ അത്ഭുതപ്പെടുത്തി. കുട്ടികളുടെ സംഘനൃത്തവും ഗാനവും കേള്വി പരിമിതരായ കുട്ടികള് അവതരിപ്പിച്ച ഇന്ദ്രജാലവുമൊക്കെ കരഘോഷത്തോടെയാണ് ജീവനക്കാര് ഹൃദയത്തിലേറ്റിയത്. പരിപാടിയോടനുബന്ധിച്ച് മാജിക് അക്കാദമി എക്സിക്യുട്ടീവ് ഡയറക്ടര് ഗോപിനാഥ് മുതുകാടും ഇന്ദ്രജാലം അവതരിപ്പിച്ചു.
കുട്ടികള് യു എസ് ടി ക്യാമ്പസ് ചുറ്റിനടന്നു കണ്ടു. ഉച്ചക്ഷണത്തിനുശേഷം കുട്ടികള് മടങ്ങി. യു എസ് ടി ചീഫ് വാല്യൂസ് ഓഫീസര് സുനില് ബാലകൃഷ്ണന്, യു എസ് ടി തിരുവനന്തപുരം കേന്ദ്രം മേധാവി ശില്പ്പ മേനോന്, വര്ക്ക് പ്ലെയ്സ് മാനേജ്മെന്റ് ആന്ഡ്സീ ഓപ്പറേഷന്സ് സീനിയര് ഡയറക്ടര് ഹരികൃഷ്ണന് മോഹന്കുമാര് ജയശ്രീ എന്നിവരുടെ നേതൃത്വത്തിലാണ് കുട്ടികളെ സ്വീകരിച്ചത്.
TAGS: Ust |
അസര്ബെയ്ജാനിലും 12 ആഫ്രിക്കന് രാജ്യങ്ങളിലും പോസ്റ്റ് പെയ്ഡ് റോമിംഗ് പ്ലാനുമായി വി
സണ് നെക്സ്റ്റ് എയര്ടെല് എക്സ്ട്രീം പ്ലേയില് ലഭിക്കും
മലബാര് ഗോള്ഡ് & ഡയമണ്ട്സിന്റെ യുഎസിലെ നാലാമത്തെ ഷോറൂം പ്രവര്ത്തനമാരംഭിച്ചു
മൂന്നാര് പുഷ്പമേളയ്ക്ക് തുടക്കമായി
ഇന്ത്യയിലെ ഏറ്റവും വിശ്വസനീയ ബ്രാന്ഡുകളിലൊന്നായി ടാറ്റാ ബ്ലൂസ്കോപ് സ്റ്റീലിന്റെ ഡൂറാഷൈന്
കെ എം എ സുസ്ഥിരതാ ഉച്ചകോടിയില് രണ്ട് പുരസ്ക്കാരങ്ങള് നേടി യു എസ് ടി
പ്രമുഖ ഓസ്ട്രേലിയന് കമ്പനിയായ ലിയോണാര്ഡോയെ ഏറ്റെടുത്ത് യു എസ് ടി
2023ലെ പത്ത് ബ്രാന്ഡന് ഹാള് അവാര്ഡുകള് യു എസ് ടിക്ക്
ടെലികോം മേഖലയില് ചുവടുറപ്പിച്ച് യു എസ് ടി ; മൊബൈല്കോമിനെ ഏറ്റെടുത്തു
യു എസ് ടി കാനഡ ആസ്ഥാനമായി പ്രവര്ത്തിക്കുന്ന പ്രോഡിജി ലാബ്സ് എന്ന കമ്പനിയെ ഏറ്റെടുത്തു