May 2024
ആറ്റം സീരീസിൽ പുതിയ രണ്ടു ഫോണുകളുമായി ലാവ
Posted on: January 2, 2016
കൊച്ചി : ലാവ ഇന്റർനാഷണൽ, എൻട്രി ലെവൽ ആറ്റം സീരീസിൽ ഐറിസ് ആറ്റം, ഐറിസ് ആറ്റം 3 എന്നീ രണ്ടു പുതിയ സ്മാർട്ട് ഫോണുകൾ വിപണിയിൽ അവതരിപ്പിച്ചു. ആദ്യമായി സ്മാർട്ട്ഫോൺ ഉപയോഗിക്കുന്നവർക്കായി പ്രത്യേകം രൂപകൽപന ചെയ്തിരിക്കുന്ന ഐറിസ് ആറ്റത്തിന് 4 ഇഞ്ചും ഐറിസ് ആറ്റം 3-ന് 5 ഇഞ്ചും വലിപ്പമുള്ള ഡിസ്പ്ലേയാണ് നൽകിയിരിക്കുന്നത്.
1.3 ജിഗാഹെർട്ടസ് ക്വാഡ് കോർ പ്രോസസറിൽ പ്രവർത്തിക്കുന്ന ആറ്റം സ്മാർട്ട്ഫോണിന് 512 എംബി റാമും, 32 ജിബി വരെ വികസിപ്പിക്കാവുന്ന 8 ജിബി ഇന്റേണൽ മെമ്മറിയുമാണുള്ളത്. രണ്ടു ഫോണിനും 5 എംപി പിൻകാമറയാണുള്ളത്. മുൻ ക്യാമറ ഐറിസ് ആറ്റം 3-ന് 2 എംപിയും ഐറിസ് ആറ്റത്തിന് വിജിഎ ക്യാമറയുമാണ്. ആൻഡ്രോയ്ഡ് ലോലിപോപ്പ് 5.1 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന ഐറിസ് സ്മാർട്ട്ഫോണുകളിൽ സ്ക്രിൻ ലോക്കായിരിക്കുമ്പോഴും ഉപയോക്താക്കൾക്ക് ആവശ്യമായ ആപ്ലിക്കേഷനുകൾ എളുപ്പത്തിൽ ലഭ്യമാക്കുന്ന സ്മാർട്ട് ജെസ്റ്റർ കൺട്രോൾ സംവിധാനവും ഉൾപ്പടുത്തിയിരിക്കുന്നു.
ബാക്ക്ഗ്രൗണ്ടിൽ വീഡിയോ പ്രവർത്തിക്കുമ്പോഴും വെബ് ബ്രൗസിംഗും മെസേജിംഗും സാധ്യമാവും എന്നത് ഐറിസ് ആറ്റം 3-ന്റെ പ്രത്യേകതയാണ്. കൂടാതെ പാട്ട് കേൾക്കുമ്പോൾ വിരലു കൊണ്ട് ഒന്ന് സൈ്വപ്പ് ചെയ്താൽ അടുത്ത ട്രാക്കിലേക്ക് പോകാൻ കഴിയും. സ്ക്രീനിൽ എസ് ആകൃതിയിൽ വരച്ചാൽ മുൻ ക്യാമറ പ്രവർത്തന യോഗ്യമാവുമെന്നതും ഐറിസ് ആറ്റം 3-യുടെ മറ്റൊരു പ്രത്യേകതയാണ്. സൈലന്റ് മോഡിൽ കോൾ വരുമ്പോൾ എൽഇഡി ഫഌഷ് ചെയ്യുന്ന ഫഌഷ് ഓൺ കോൾ എന്ന സവിശേഷതയും ഈ ഫോണിനുണ്ട്.
കറുപ്പ്, വെള്ള എന്നീ നിറങ്ങളിൽ വിപണിയിലെത്തുന്ന ഐറിസ് ആറ്റവും ഐറിസ് ആറ്റം 3-യും എല്ലാ റീടെയ്ൽ സ്റ്റോറുകളിലും മൾട്ടി ബ്രാൻഡ് ഔട്ടലെറ്റുകളിലും ഓൺലൈൻ പ്ലാറ്റ്ഫോമുകളിലും ലഭ്യമാണ്. വില ഐറിസ് ആറ്റം 4249 രൂപ, ഐറിസ് ആറ്റം3 4899 രൂപ.
TAGS: Lava Atom Series | Lava Iris Atom | Lava Iris Atom 3 | Lava Smartphones |
അസര്ബെയ്ജാനിലും 12 ആഫ്രിക്കന് രാജ്യങ്ങളിലും പോസ്റ്റ് പെയ്ഡ് റോമിംഗ് പ്ലാനുമായി വി
സണ് നെക്സ്റ്റ് എയര്ടെല് എക്സ്ട്രീം പ്ലേയില് ലഭിക്കും
മലബാര് ഗോള്ഡ് & ഡയമണ്ട്സിന്റെ യുഎസിലെ നാലാമത്തെ ഷോറൂം പ്രവര്ത്തനമാരംഭിച്ചു
മൂന്നാര് പുഷ്പമേളയ്ക്ക് തുടക്കമായി
ഇന്ത്യയിലെ ഏറ്റവും വിശ്വസനീയ ബ്രാന്ഡുകളിലൊന്നായി ടാറ്റാ ബ്ലൂസ്കോപ് സ്റ്റീലിന്റെ ഡൂറാഷൈന്