April 2024
100 കുടുംബങ്ങള്ക്ക് സൗജന്യമായി നിര്മിച്ച വീട് കൈമാറി ഗൃഹശോഭ പദ്ധതി
Posted on: March 11, 2024
പാലക്കാട് : പിഎന്സി മേനോനും ശോഭാ മേനോനും ചേര്ന്ന് 1994-ല് സ്ഥാപിച്ച ശ്രീ കുറുംബ എഡ്യൂക്കേഷണല് ആന്ഡ് ചാരിറ്റബിള് ട്രസ്റ്റ് നിര്ധനകുടുംബങ്ങള്ക്കായി നിര്മിച്ച 100 വീടുകളുടെ താക്കോല്ദാനം നിര്വഹിച്ചു. ഗൃഹശോഭ പദ്ധതിയുടെ ഭാഗമായി വാഗ്ദാനം ചെയ്ത 1000 വീടുകളില് ആദ്യ 100 വിടുകളുടെ താക്കോല്ദാനമാണ് നടന്നത്.
ചടങ്ങില് വെച്ച അടുത്ത ഘട്ടത്തില് നിര്മിക്കാനിരിക്കുന്ന 120 വീടുകളുടെ തറക്കല്ലിടലും നടന്നു. വിവിധ ജീവകാരുണ്യ പദ്ധതികളുടെ ഭാഗമായുള്ള (ശോഭ ലിമിറ്റഡിന്റെ സിഎസ്ആര് പദ്ധതികള് ഉള്പ്പെടെ) ശോഭ കമ്മ്യൂണിറ്റി ഹോം പ്രോജക്റ്റിന്റെ ‘ഗൃഹ ശോഭ 2024’ ന്റെ ഭാഗമായി ആദ്യ ഘട്ടത്തില് പാലക്കാട് ജില്ലയില് സ്ത്രീകള് നയിക്കുന്ന 220 നിര്ധന കുടുംബങ്ങള്ക്കാണ് സൗജന്യമായി വീട് നിര്മിച്ചു നല്കുന്നത്.
റവന്യൂ, ഭവന നിര്മാണ വകുപ്പ് മന്ത്രി കെ. രാജന്; പട്ടികജാതി, പട്ടികവര്ഗ്ഗ, പിന്നാക്ക ക്ഷേമ, ദേവസ്വം വകുപ്പ് മന്ത്രി കെ. രാധാകൃഷ്ണന്; തദേശസ്വയം ഭരണ, എക്സൈസ് വകുപ്പ് മന്ത്രി എം. ബി. രാജേഷ് എന്നീ സംസ്ഥാന മന്ത്രിമാര് ചടങ്ങില് പങ്കെടുത്തു. ശ്രീ കുറുംബ എഡ്യൂക്കേഷണല് ആന്ഡ് ചാരിറ്റബിള് ട്രസ്റ്റി ശോഭ മേനോന് ശോഭ ലിമിറ്റഡ് ചെയര്മാന് രവി മേനോന്, എംഎല്എമാര്, എംപിമാര്, രാഷ്ട്രീയ പാര്ട്ടി നേതാക്കള്, പ്രമുഖ വ്യക്തികള് എന്നിവരുള്പ്പെടെയുള്ളവരും ചടങ്ങില് സന്നിഹിതരായിരുന്നു. കൂടാതെ, ശോഭ സിഎസ്ആര് വെബ്സൈറ്റിന്റെ ഉത്ഘാടനവും ചടങ്ങില് നിര്വഹിച്ചു.
ഒരു വീട് വെറുമൊരു അഭയം എന്നതിലുപരി, അത് മെച്ചപ്പെട്ട ജീവിതത്തിനുള്ള അടിത്തറയാണ്. അതിനാല് പാര്പ്പിട സുരക്ഷ നല്കുന്നതില് തുടങ്ങി സമഗ്രമായ സാമൂഹിക വികസനത്തിലൂടെ ജീവിതത്തെ പരിവര്ത്തനം ചെയ്യുവാന് പ്രതിജ്ഞാബദ്ധരാണ് ശ്രീ കുറുംബ എഡ്യൂക്കേഷണല് ആന്ഡ് ചാരിറ്റബിളില് ട്രസ്റ്റ് എന്ന് ട്രസ്റ്റിന് നേതൃത്വം നല്കുന്ന ശോഭ ഗ്രൂപ്പ് സ്ഥാപകനുമായ പി എന് സി മേനോന് പറഞ്ഞു. വ്യക്തികളുടെ അടിസ്ഥാന ആവശ്യങ്ങള് അഭിസംബോധന ചെയ്യുന്നതിലൂടെ, കുടുംബങ്ങളെയും സമൂഹങ്ങളെയും ക്രിയാത്മകമായി സഹായിക്കുന്ന മാറ്റം സൃഷ്ടിക്കാന് കഴിയുമെന്ന് വിശ്വസിക്കുന്നതായും അദ്ദേഹം കൂട്ടിച്ചേര്ത്തു.
ട്രസ്റ്റിന്റെ ഇത്തരം സംരംഭങ്ങളിലൂടെ, നിര്ധനരായ വിഭാഗങ്ങളുടെ ജീവിതത്തില് അര്ത്ഥവത്തായതും സുസ്ഥിരവുമായ സ്വാധീനം ചെലുത്തി സമൂഹത്തിന് തിരികെ നല്കുക എന്ന സമര്പ്പണം ശോഭ ലിമിറ്റഡ് തുടര്ന്നുകൊണ്ടേയിരിക്കുന്നു.
ജൂബിലി മിഷന് ഹോസ്പിറ്റലിലേക്ക് ഡയാലിസിസ് യൂണിറ്റ് നല്കി മണപ്പുറം ഫൗണ്ടേഷന്
വലപ്പാട് പഞ്ചായത്തിലേക്ക് സി സി ടി വി ക്യാമറകള് നല്കി മണപ്പുറം ഫൗണ്ടേഷന്
ശ്രീലക്ഷ്മിയുടെ സ്വപ്നങ്ങള്ക്ക് മണപ്പുറം തറക്കല്ലിട്ടു
കണ്വര്ജന്സ് 2024: കരുതലായി മണപ്പുറം ഫൗണ്ടേഷന്
തെലങ്കാനയില് മലബാര് ഗ്രൂപ്പിന്റെ ഗ്രാന്മ ഹോം പദ്ധതിക്ക് തുടക്കമായി