May 2024
ജമ്മുകാഷ്മീർ മുഖ്യമന്ത്രി മുഫ്തി മുഹമ്മദ് സയീദ് അന്തരിച്ചു
Posted on: January 7, 2016
ന്യൂഡൽഹി : ജമ്മു കാഷ്മീർ മുഖ്യമന്ത്രി മുഫ്തി മുഹമ്മദ് സയീദ് (79) അന്തരിച്ചു. ഇന്നു രാവിലെ എട്ടു മണിയോടെ ഡൽഹിയിലെ ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലായിരുന്നു അന്ത്യം. ഡിസംബർ 24 മുതൽ എഐഐഎംഎ സിൽ ചികിത്സയിലായിരുന്നു. ശ്വാസകോശത്തിലെ അണുബാധയെ തുടർന്ന് ഇന്നലെ മുതൽ വെന്റിലേറ്ററിലേക്ക് മാറ്റിയിരുന്നു.
മുഫ്തി മുഹമ്മദ് സയീദിന്റെ നിര്യാണത്തിൽ രാഷ്ട്രപതി പ്രണബ് കുമാർ മുഖർജിയും പ്രധാനമന്ത്രി നരേന്ദ്ര മോദിയും അനുശോചനം രേഖപ്പെടുത്തി.
ഇന്ത്യൻ നാഷണൽ കോൺഗ്രസിലൂടെ രാഷ്ട്രീയത്തിൽ എത്തിയ മുഫ്തി മുഹമ്മദ് സയീദ് വി. പി. സിംഗിനോടൊപ്പം കോൺഗ്രസ് വിട്ട് ജനമോർച്ചയുടെ ഭാഗമായി. വി.പി. സിംഗ് മന്ത്രിസഭയിൽ കേന്ദ്ര ആഭ്യന്തരമന്ത്രിയായി പ്രവർത്തിച്ചു. പിന്നീട് 1999 ൽ പിഡിപിക്ക് രൂപം നൽകി. 2002 മുതൽ 2005 വരെ ജമ്മുകാഷ്മീർ മുഖ്യമന്ത്രിയായി. പിന്നീട് കഴിഞ്ഞ മാർച്ചിൽ വീണ്ടും മുഖ്യമന്ത്രിയായി.
മകളും പിഡിപി അധ്യക്ഷയുമായ മെഹബൂബ മുഫ്തി അടുത്ത മുഖ്യമന്ത്രിയായി ചുമതലയേൽക്കും.
TAGS: AIIMS | All India Institute Of Medical Sciences | Jammu And Kashmir Chief Minister | Jammu And Kashmir Peoples Democratic Party | Mehbooba Mufti | Mufti Mohammad Sayeed | Peoples Democratic Party |
ട്രാന്സിപ്മെന്റ് തുറമുഖമായി പ്രവര്ത്തിക്കാന് വിഴിഞ്ഞത്തിന് അനുമതി
യുഎഇയുമായുള്ള ഇന്ത്യയുടെ വ്യാപാര ഇടപാട് 15 ശതമാനം വര്ധിച്ചു
നിഫ്റ്റി നെക്സ്റ്റ് 50 ഇന്ഡക്സിലെ ഡെറിവേറ്റീവിന് ഏപ്രില് 24 മുതല് തുടക്കം
മ്യൂച്വല് ഫണ്ട് ആസ്തിയില് റെക്കോര്ഡ് വര്ധന