May 2024
മുതിര്ന്ന പൗരന്മാര്ക്കായി പ്രത്യേക സ്ഥിര നിക്ഷേപ പദ്ധതിയുമായി ഐസിഐസിഐ ബാങ്ക്
Posted on: May 22, 2020
കൊച്ചി: ഐസിഐസിഐ ബാങ്ക് മുതിര്ന്ന പൗരന്മാര്ക്കുവേണ്ടി ”ഐസിഐസിഐ ബാങ്ക് ഗോള്ഡന് ഈയേഴ്സ് എഫ്ഡി” എന്ന പേരില് പ്രത്യേക സ്ഥിര നിക്ഷേപ പദ്ധതി പ്രഖ്യാപിച്ചു. അഞ്ചു മുതല് 10 വര്ഷം വരെ കാലാവധിയില് നിക്ഷേപം നടത്താവുന്ന രണ്ടു കോടി രൂപ വരെയുള്ള നിക്ഷേപത്തിന് 6.55 ശതമാനമാണ് പലിശനിരക്ക്.
സാധാരണ നിക്ഷേപത്തെ അപേക്ഷിച്ച് 0.8 ശതമാനം അധികം പലിശയാണ് ഈ പ്രത്യേക ഡിപ്പോസിറ്റിനുള്ളത്. ഇപ്പോള് മുതിര്ന്ന പൗരന്മാര്ക്കു ലഭിക്കുന്ന പലിശ നിരക്കിനേക്കാള് 0.3 ശതമാനം കൂടുതലാണിതിന്. 2020 മേയ് മുതല് അടുത്ത് സെപ്റ്റംബര് 30 വരെയാണ് നിക്ഷേപത്തിനായി ഈ പദ്ധതി തുറന്നുകൊടുത്തിട്ടുള്ളത്. ഈ കാലയളവിലെ പുതിയ നിക്ഷേപത്തിനും പുതുക്കുന്ന നിക്ഷേപത്തിനും ഈ പലിശ നിരക്ക് ലഭിക്കുമെന്ന് ഐസിഐസിഐ ബാങ്ക് ലയബിലിറ്റീസ് ഗ്രൂപ്പ് ഹെഡ് പ്രണവ് മിശ്ര അറിയിച്ചു.
ഇടപാടുകാരന് അത്യാവശ്യമുണ്ടായാല് എഫ്ഡിയുടേയും പലിശയുടേയും 90 ശതമാനം വരെ വായ്പ അനുവദിക്കും. ഡിപ്പോസിറ്റ് നിലനിര്ത്തുകയും ചെയ്യാം. എഫ്ഡിയുടെ പിന്ബലത്തില് ഇടപാടുകാരന് ക്രെഡിറ്റ് കാര്ഡിന് അപേക്ഷ നല്കാം.
ബാങ്കിന്റെ ഇന്റര്നെറ്റ്, മൊബൈല് ബാങ്കിംഗ് പ്ലാറ്റ്ഫോമുകള് ഉപയോഗിച്ച് എഫ്ഡി തുറക്കാം. ശാഖകള് സന്ദര്ശിച്ചും എഫ്ഡി ആരംഭിക്കാം.
TAGS: ICICI BANK |