April 2024
നൈപുണ്യ വികസന പദ്ധതികളുമായി ഐ എസ് ടി ഡി
Posted on: August 26, 2017
കൊച്ചി : ഇന്ത്യൻ സൊസൈറ്റി ഫോർ ട്രെയിനിംഗ് ആൻഡ് ഡെവലപ്മെൻറ് (ഐ എസ് ടി ഡി) നൈപുണ്യ വികസന പദ്ധതികൾ നടപ്പാക്കുന്നു. രാജ്യത്തെ എല്ലാ സംസ്ഥാനങ്ങളിലെയും എല്ലാ മേഖലയിലും ടെസ്റ്റിങ് ആൻഡ് സർട്ടിഫിക്കേഷൻ വൈദഗ്ധ്യം നേടിയവരെ കുറിച്ച് വിലയിരുത്തൽ നടത്തുന്നതിനുള്ള നോഡൽ ഏജൻസി കൂടിയാണ് ഐ എസ് ടി ഡി. തൊഴിൽ വൈദഗ്ധ്യം മെച്ചപ്പെടുത്തുക വഴി കൂടുതൽ തൊഴിൽ അവസരങ്ങൾ സൃഷ്ടിക്കുകയും വൈദഗ്ധ്യം വർധിപ്പിക്കുകയുമാണ് ഐ എസ് ടി ഡി ലക്ഷ്യമിടുന്നത്.
സംസ്ഥാനത്തെ വിവിധ എൻജിനീയറിംഗ് കോളജുകളുമായി സഹകരിച്ച് ഐ സി ടി കേരള അക്കാദമിയുടെ സഹകരണത്തോടെ പരിശീലന പരിപാടികൾ നടപ്പാക്കാനും ഐ എസ് ടി ഡി കൊച്ചി ചാപ്റ്ററിന് പദ്ധതിയുണ്ട്. ഇതിനായി സംസ്ഥാന സർക്കാരിന് കീഴിലുള്ള ഐ ടി, കമ്യൂണിക്കേഷൻസ്, ടെക്നോളജി (ഐ സി ടി) കേരള അക്കാദമിയുമായി ഐ എസ് ഡി പി ധാരണയിലെത്തിക്കഴിഞ്ഞു. പരിശീലന പരിപാടികൾക്കായി ബഹ്റിൻ സൊസൈറ്റി ഫോർ ട്രെയിനിംഗ് ആൻഡ് ഡെവലപ്മെന്റുമായി ഐ എസ് ടി ഡി ധാരണാപത്രം ഒപ്പുവച്ചു.
മാറുന്ന വ്യവസായ സാഹചര്യങ്ങളിൽ ഉത്പാദന മേഖലയിലെ കുതിച്ചു ചാട്ടത്തിന് തൊഴിലാളികളുടെ വൈദഗ്ധ്യവും വിദ്യാഭ്യാസ നിലവാരവും പ്രധാന ഘടകമാണെന്ന് ഐ എസ് ടി ഡി ദേശീയ പ്രസിഡണ്ട് ഡോ. ആർ. കാർത്തികേയൻ അഭിപ്രായപ്പെട്ടു.
വൈദഗ്ധ്യമുള്ള തൊഴിലാളികളെ സൃഷ്ടിക്കുന്നതിനായി ഐ എസ് ടി ഡി കൊച്ചി ചാപ്റ്റർ പ്രതിജ്ഞാബദ്ധമാണെന്നും അത്കൊണ്ട് തന്നെയാണ് എല്ലാ വർഷവും മികച്ച പരിശീലകർക്ക് കൊച്ചി ചാപ്റ്റർ അവാർഡ് പ്രഖ്യാപിച്ചിരിക്കുന്നതെന്നും കൊച്ചി ചാപ്റ്റർ ചെയർമാൻ ജോസ് പി ഫിലിപ്പ്, വൈസ് ചെയർപേഴ്സൺ എൽ. നിർമ്മല എന്നിവർ പറഞ്ഞു.
TAGS: ISTD | ISTD Kochi Chapter |
ചെറുകിട വ്യവസായ സംരംഭങ്ങളുടെ ഓഹരിവിപണി പ്രവേശനം കേരളത്തിനുള്ളത് മികച്ച സാധ്യതകള് – വിദഗ്ധര്
ബോ ടീ ലക്കി ഡ്രോ ടിക്കറ്റ് ചലഞ്ച് മന്ത്രി മുഹമ്മദ് റിയാസ് ഉദ്ഘാടനം ചെയ്തു
എംറൂബെ വ്യാപാര പ്ലാറ്റ്ഫോമിന്റെ വരുമാനത്തില് ഇരട്ടി വളര്ച്ച
ഇന്സ്റ്റിറ്റ്യൂട്ട് ഓഫ് റൂറല് മാനേജ്മന്റും ഇസാഫ് ഫൗണ്ടേഷനും ധാരണാപത്രത്തില് ഒപ്പുവച്ചു
മികച്ച പൊതുമേഖലാ സ്ഥാപനങ്ങള്ക്കുള്ള സംസ്ഥാന സര്ക്കാറിന്റെ അവാര്ഡുകള് വിതരണം ചെയ്തു