May 2024
കോട്ടയത്ത് പുതിയ രണ്ട് ശാഖകള്‍ തുറന്ന് ഇസാഫ് സ്മോള്‍ ഫിനാന്‍സ് ബാങ്ക്
Posted on: December 2, 2023
കോട്ടയം : തൃശൂര്‍ ആസ്ഥാനമായി പ്രവര്‍ത്തിക്കുന്ന ഇസാഫ് സ്മോള്‍ ഫിനാന്‍സ് ബാങ്ക് കറുകച്ചാലിലും ചിങ്ങവനത്തും പുതിയ ശാഖകള്‍ തുറന്നു പ്രവര്‍ത്തനമാരംഭിച്ചു. പുതുതലമുറ ബാങ്കിങ് സേവനങ്ങള്‍ വിപുലപ്പെടുത്തുന്നതിന്റെ ഭാഗമായാണ് ശാഖകള്‍ തുറന്നത്.
കറുകച്ചാല്‍ ശാഖയുടെ ഉദ്ഘാടനം ചീഫ് വിപ്പ് ഡോ. എന്‍. ജയരാജും ചിങ്ങവനം ശാഖയുടെ ഉദ്ഘാടനം ക്നാനായ സമുദായ മെത്രാപോലിത്താ മോര്‍ സേവേറിയോസ് കുര്യാക്കോസും നിര്‍വഹിച്ചു. ചടങ്ങുകളില്‍ ഇസാഫ് സ്മോള്‍ ഫിനാന്‍സ് ബാങ്ക് എംഡിയും സിഇഒയുമായ കെ. പോള്‍ തോമസ് അധ്യക്ഷനായിരുന്നു. ചടങ്ങില്‍ ഇസാഫ് ഫിനാന്‍ഷ്യല്‍ ഹോള്‍ഡിങ്സ് ചെയര്‍പേഴ്‌സണ്‍ മെറീന പോള്‍, കോട്ടയം മുനിസിപ്പല്‍ കൗണ്‍സിലര്‍ പുല്ലംപറമ്പില്‍ ജയിംസ്, കേരള മര്‍ച്ചന്റ് അസോസിയേഷന്‍ ചിങ്ങവനം പ്രസിഡന്റ് പ്രവീണ്‍ ദിവാകരന്‍, കറുകച്ചാല്‍ പഞ്ചായത്ത് പ്രസിഡന്റ് ശ്രീജിഷ കിരണ്‍, കറുകച്ചാല്‍ എന്‍ എസ് എസ് ഹയര്‍ സെക്കന്‍ഡറി സ്‌കൂള്‍ പ്രിന്‍സിപ്പാള്‍ ബി. ബാലകൃഷ്ണന്‍, ശ്രീരംഗം സി വി എന്‍ കളരി സ്ഥാപകന്‍ ഡോ. ജി. ശ്രീധരക്കുറുപ്പ്, ഇസാഫ് ബാങ്ക് സീനിയര്‍ വൈസ് പ്രസിഡന്റ് ബോസ്‌കോ ജോസഫ്, ബ്രാഞ്ച് ബാങ്കിംഗ് ഹെഡ് രജീഷ് കളപ്പുരയില്‍, മാര്‍ക്കറ്റിംഗ് ഹെഡ് ശ്രീകാന്ത് സി. കെ, ക്ലസ്റ്റര്‍ ഹെഡ് ദീപ ജോസ്, ഇസാഫ് കോഓപ്പറേറ്റീവ് സൊസൈറ്റി മേഖല ഹെഡ് ഷൈനി വര്‍ഗീസ് എന്നിവര്‍ സംസാരിച്ചു. വ്യക്തിഗത ബാങ്കിംഗ്, ലോക്കര്‍ സൗകര്യം, വിവിധ നിക്ഷേപ പദ്ധതികള്‍, വായ്പ സേവനങ്ങള്‍ തുടങ്ങിയവ ശാഖകളില്‍ ലഭ്യമാണ്.
കൊല്ലത്ത് ഐഎച്ച്‌സിഎല്ലിന്റെ ആദ്യ ഹോട്ടല്‍ വരുന്നു
കോട്ടയത്ത് കൗണ്ടി ലൈഫ്‌സ്‌റ്റൈലുമായി അസറ്റ് ഹോംസ്
ഓട്ടിസം കുട്ടികളെ സമൂഹത്തിന്റെ മുഖ്യധാരയിലെത്തിക്കണം: സുരാജ് വെഞ്ഞാറമ്മൂട്
എല്ലാവര്‍ക്കും ആരോഗ്യം; പാലായില്‍ സ്‌പോര്‍ട്‌സ് ലൈഫ് ഫിറ്റ്‌നസ് സെന്റര്‍ പ്രവര്‍ത്തനമാരംഭിച്ചു
കോകോ ബ്രാന്‍ഡ് വെളിച്ചെണ്ണയ്ക്ക് ബെസ്റ്റ് പ്യൂരിറ്റി ബാന്‍ഡ് ഓഫ് ദി ഇയര്‍ പുരസ്‌കാരം