May 2024
സാമ്പത്തികമായി പിന്നോക്കം നില്ക്കുന്നവര്ക്ക് പ്രത്യേക ചികിത്സാസഹായ പദ്ധതിയുമായി കൊച്ചി ആസ്റ്റര് മെഡ്സിറ്റി
Posted on: September 23, 2023
കോട്ടയം :കടുത്തുരുത്തി നിയമസഭ നിയോജക മണ്ഡലത്തില് സാമ്പത്തികമായി പിന്നോക്കം നില്ക്കുന്ന കുടുംബങ്ങളിലെ രോഗികള്ക്കായി പ്രത്യേക ചികിത്സാ പദ്ധതിയുമായി കൊച്ചി ആസ്റ്റര് മെഡ്സിറ്റി. മോന്സ് ജോസഫ് എം. എല്. എയുമായി സഹകരിച്ച് നടത്തുന്ന ചികിത്സാ പദ്ധതിയുടെ പ്രഖ്യാപനം എം.എല്.എ നിര്വഹിച്ചു.
പദ്ധതിയുടെ ഭാഗമായി പീഡിയാട്രിക് കാര്ഡിയോളജി, നെഫ്രോളജി (വൃക്കരോഗ വിഭാഗം), കരള് (ലിവര് കെയര്) ഉള്പ്പെടെയുള്ള വിവിധ സ്പെഷ്യലൈസേഷനുകളെ ഉള്ക്കൊള്ളിച്ചുള്ള മെഗാ മെഡിക്കല് ക്യാമ്പ് നടത്തും. ഈ ക്യാമ്പില് നിന്നും അര്ഹരായവരെ തിരഞ്ഞെടുത്താണ് പ്രത്യേക പദ്ധതിയിലൂടെ ചികിത്സാ സഹായം നല്കുന്നതെന്ന് ആസ്റ്റര് ഇന്ത്യ വൈസ് പ്രസിഡന്റ് ഫര്ഹാന് യാസീന് പറഞ്ഞു. ‘ഫ്രണ്ട്സ് ഓഫ് ആസ്റ്റര്’ പരിപാടിയില് പങ്കെടുത്തവര്ക്കുള്ള പ്രിവിലേജ് കാര്ഡിന്റെ വിതരണോദ്ഘാടനം എം. എല്. എക്ക് നല്കിക്കൊണ്ട് അദ്ദേഹം നിര്വഹിച്ചു. ചികിത്സാ പദ്ധതിയുമായി ബന്ധപ്പെട്ട കൂടുതല് വിവരങ്ങള്ക്ക് 8111998136, 7025767676 എന്നീ നമ്പറുകളില് ബന്ധപ്പെടാവുന്നതാണ്.
അത്യാഹിതവേളകളില് മനുഷ്യജീവന് രക്ഷിക്കുന്നതിന് പൊതുജനങ്ങളെ പ്രാപ്തരാക്കാന് ലക്ഷ്യമിട്ട് ആസ്റ്റര് മെഡ്സിറ്റിയുടെ നേതൃത്വത്തില് നടത്തി വരുന്ന പ്രഥമജീവന്രക്ഷാ പരിശീലന പരിപാടിയായ ബി ഫസ്റ്റിന്റെ പരിശീലന പരിപാടിയും ഇതോടൊപ്പം സംഘടിപിച്ചിരുന്നു. ആസ്റ്റര് മെഡ്സിറ്റിയിലെ എമര്ജന്സി മെഡിസിന് വിഭാഗം ലീഡ് കണ്സല്ട്ടന്റ് ഡോ. ജോണ്സണ് കെ വര്ഗീസിന്റെ നേതൃത്വത്തിലായിരുന്നു പരിശീലന പരിപാടി നടത്തിയത്. കടുത്തുരുത്തി നിയോജകമണ്ഡലത്തിലെ കൂടുതല് സ്ഥലങ്ങളില് കൂടി പരിശീലന പരിപാടി സംഘടിപ്പിക്കുമെന്ന് ആസ്റ്റര് മെഡ്സിറ്റി അധികൃതര് വ്യക്തമാക്കി.
കടുത്തുരുത്തി ഗ്രാന്റ് കണ്വെന്ഷന് സെന്ററില് നടന്ന ചടങ്ങില് ബ്ലോക്ക് പഞ്ചായത്ത് പ്രസിഡന്റ് പി.വി സുനില് , കിടങ്ങൂര് ജില്ലാ പഞ്ചായത്ത് മെമ്പര് ജോസ്മോന് മുണ്ടക്കന്, കോട്ടയം ജില്ലാ പഞ്ചായത്ത് അംഗം ജോസ് പുത്തന്കാല, കുറവിലങ്ങാട് ഗ്രാമ പഞ്ചായത്ത് പ്രസിഡന്റ് മിനി മത്തായി, കിടങ്ങൂര് ഗ്രാമ പഞ്ചായത്ത് പ്രസിഡന്റ് തോമസ് മാളിയേക്കല്, ഉഴവൂര് ഗ്രാമ പഞ്ചായത്ത് പ്രസിഡന്റ് തങ്കച്ചന് തുടങ്ങിയവര് പങ്കെടുത്തു.
TAGS: Aster Medcity Well Wishers Meet |
കൊല്ലത്ത് ഐഎച്ച്സിഎല്ലിന്റെ ആദ്യ ഹോട്ടല് വരുന്നു
കോട്ടയത്ത് കൗണ്ടി ലൈഫ്സ്റ്റൈലുമായി അസറ്റ് ഹോംസ്
ഓട്ടിസം കുട്ടികളെ സമൂഹത്തിന്റെ മുഖ്യധാരയിലെത്തിക്കണം: സുരാജ് വെഞ്ഞാറമ്മൂട്
എല്ലാവര്ക്കും ആരോഗ്യം; പാലായില് സ്പോര്ട്സ് ലൈഫ് ഫിറ്റ്നസ് സെന്റര് പ്രവര്ത്തനമാരംഭിച്ചു
കോട്ടയത്ത് പുതിയ രണ്ട് ശാഖകള് തുറന്ന് ഇസാഫ് സ്മോള് ഫിനാന്സ് ബാങ്ക്